Zeremi 24
24
A kãkamɛ peli ayi
1A Sore tɩ ɩ na ɩ̃ nyɛ̃ kãkamɛ bɛ na bin nɩ peli ayi a Ŋmɩn-yir-kpɛ̃ɛ niŋé a. A Babɩlɔn tẽw nãà Nabikodonozɔɔr na tɩ nyɔw a Yoyakim bidɛb, Yekonɩa, na ɩ a Zuda nãà a nɩ a ʋ tõ-tõ-bi-bɛrɛ, a nuru tõ-tonbɛ nɩ a kure bʋ̃-maalbɛ cen nɩ a Babɩlɔn tẽw a pùorí tɩ n'a. 2A pèlé kãw kãkamɛ tɩ vɩɛl'ɩ yaga yaga, vɩɛl mɛ̃ a kãkamɛ bɛ na mɩ́ de niwn pɔr a. A pèlé ƴen sob kãkamɛ tɩ sãw nɩ a za bɛ tɛr dɩb ɛ.
3Lɛ n'a a Sore tɩ yel mɛ̃: «Zeremi i, bʋ̃ʋ n'ʋ fʋ nyɛ̃?» Ɩ̃ tɩ sɔw: «Kãkamɛ n'a ɩ̃ nyɛ̃: a mɩnɛ vɩɛl'ɩ yaga za, ɛ́ a mɩnɛ sãw bɛ tɛr dɩb ɛ.»
4Lɛ n'a a Sore tɩ ƴɛ̀r a ɩ̃ zie à ŋá: 5À ŋá n'a a mãa Sore, a Ɩsɩrayɛl Naaŋmɩn, yere: Nʋ̃ɔ̀ ɩrɛ nɩ a kãkã-vɩɛlɩ á ŋá jɩ́rʋ ƴãw. Lɛ n'a ɩ̃ jɩ́rɛ a Zuda tẽw dem bɛ na ír a bɛ tẽw a nɩ nɔ̃wfʋ, a bɛl ɩ̃ na diw a ka tɩ sãá nɩ a Babɩlɔn tẽw a. 6Ɩ̃ jɩ́rɛ bɛ na nɩ nɔ̃wfʋ, ɩ̃ɩ na lɛb'a tɛr bɛ wa n a tẽw ŋa pʋɔ. Ɩ̃ na lɛb'a mɛ bɛ, ɩ̃ kʋ̃ lɛb da bɛ lɔb ɛ. Ɩ̃ na lɛb'a sɛl bɛ, ɩ̃ bɛ lɛb vɔnɛ bɛ bɛrɛ ɩ. 7Ɩ̃ na kʋ̀ bɛ nɩ yã na na sõw bɛ bɛ bãw mɛ̃ a. Sɩza, mãa n'ɩ a Sore, bɛ na lɩɛb'ɩ a ɩ̃ nɩbɛ, ɩ̃ɩ ɩ a bɛ Naaŋmɩn. Bɛ na lɛb'a wa a ɩ̃ zie nɩ a bɛ pʋɔ za.
8«Ɛcɛ, à ŋá n'a ɩ̃ yere a Zuda tẽw nãà Sedesɩasɩ, a ʋ tõ-tõ-bi-bɛrɛ, a Zerizalɛm nɩbɛ na cɛ a, a bɛlɩ dem za na cãà be a tẽw ŋa pʋɔ a, nɩ a bɛl na cen tɩ kpɩɛr a Eziptɩ tẽw a ƴãw: Ɩ̃ na ɩ bɛ na mɛ̃ a lɛ bɛ na mɩ́ ɩ a kãkamɛ na sãw zuo bɛ tɛr dɩb a. 9À ŋá n'a a tẽ-daa naalʋ-ten za na mɩ́ nyɛ̃ bɛ a bɛ pʋ̀lá vʋ̃ɔ. A ziir al za ɩ̃ na na diw bɛ yaarɩ a, bɛlɛ wa bɔbr kɛ́ bɛ ƴãw nɩr vĩ, ɩ nɩr la, tʋ nɩr bɩɩ ŋmɛ ƴãw nɩr a, bɛlɛ nɛbɛ bɛ na mɩ́ de man nɩ. 10Ɩ̃ na bɛr'ɩ a zɛbr, a kɔ̃ nɩ a jɛ̀lmɛ̃ bàalʋ a waar a bɛ zu ɛ́ gù bɛ tɩ bɔr a tẽw ʋl ɩ̃ na kʋ̀ a bɛl nɩ a bɛ sãàkʋm-kore a pʋɔ.»
Currently Selected:
Zeremi 24: DBDC
Highlight
Copy
Compare
Share
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.
