Zeremi 25
25
Naaŋmɩn-ƴɛ̀r-manɛ tome na tõ yome lɩzɛr'ɩ ata a
1A Sore tɩ ƴɛ̀r'ɩ ƴɛ̀rʋ na càarɩ a Zuda tẽw nɩbɛ za a kʋ̀ a Zeremi. A tɩ ɩ n a Zozɩasɩ bidɛb Yoyakim na ɩ Zuda tẽw nãà naalʋ-dɩb yome anaar sob daar, ɛ́ ɩ a Babɩlɔn tẽw nãà Nabikodonozɔɔr naalʋ-dɩb yũon-dãw-niwn sob. 2A naaŋmɩn-ƴɛ̀r-manɛ Zeremi tɩ yel'ɩ a Zuda tẽw dem za nɩ a bɛlɩ dem na kpɩɛr a Zerizalɛm a: 3«A Amɔ̃ bidɛb Zozɩasɩ na ɩ a Zuda tẽw nãà a naalʋ-dɩb yome pie nɩ ata daar za n'a, a pɛr lɛ kɛ́ yome lɩzɛr'ɩ ata, a Sore ƴɛ̀r a ɩ̃ zie, ɩ̃ɩ ƴɛ̀rɛ a ʋ ƴɛ̀rʋ kʋ̀rɛ nyɩ bɛ tɛr bàlʋ daar ɛ, ɛ́ nyɩ bɛ bɛr wõ ɩ. 4A Sore bɛ tɩ bàl a ʋ tõ-tõ-biir, a naaŋmɩn-ƴɛ̀r-manbɛ, tob a nyɩ zie ɩ. Ɛcɛ, nyɩ bɛ ƴãw tobr bɛr wõ ɩ. 5Ʋ yel nyɩ na: “A nyɩ kãw za, ʋ lɩɛbɩ a ʋ ɩb na bɛ vɩɛl a, ʋ bɛr a ʋ ɩ-faar! Lɛ n'a nyɩ na kpɩɛr a tẽw ŋa a Sore na kʋ̀ nyɩ, a nyɩɩm nɩ a nyɩ sãàkʋm-kore a koro kãw za nɩ kʋralɛ a. 6Nyɩ ta zɔrɛ tuur ŋmɩn-yoru kɛ́ nyɩ maalɛ a, ɛ́ gbine dume mɩ́ gũu tɩ tɔ tẽw a niŋé ɩ. Nyɩ ta ɩ a ɩ̃ suur ìr a nyɩ nuru bʋ̃-maalɩ ƴãw ɛ, ɩ̃ɩ kʋ̃ maalɩ nyɩ faa kãw za ɩ. 7Ɛcɛ nyɩ bɛ bɛr wõ m ɛ, a Sore n'ʋ yere. A nyɩ faa ƴãw a, nyɩ nɩ̃ɛ na tɩ ɩ a ɩ̃ suur ìr a nyɩ nuru bʋ̃-maalɩ ƴãw.”
8A lɛ pʋɔ a, à ŋá n'a a Sore, a kpɛnʋ-za-sob, yere: “Nyɩ na faa bɛ bɛr wõ a lɛ ɩ na yere a, 9ɩ̃ na tõ na bɛ tɩ bʋɔlɩ a Saa-pɛrɩ́-gʋba-lowr nɩbɛ za, lãwnɩ a ɩ̃ tõ-tõ-bie, a Nabikodonozɔɔr, a Babɩlɔn tẽw nãà. Ɩ̃ na ɩ na bɛ wa a tẽw ŋa nɩ a ʋ nɩbɛ nɩ a tẽ-kpɔwlɩ za na viiri koli ʋ a ƴãw. Ɩ̃ na kʋ nyɩ na pàw pɛr, a bɛl nɩ a nyɩɩm, ɩ̃ɩ na ɩ n a tẽw ŋa yie lɩɛbɩ deboru gã kʋralɛ, bɛ mɩ́ nyɛ̃ ŋmɩɛr pʋl-vʋ̃ɔ cɛlsɩ. 10Ɩ̃ na ɩ na a cuwr gɔmɛ, a nʋ̃ɔ̀ cɛlsɩ, a dɛb-sãan nɩ a pɔw-sãan yielu baarɩ a nyɩ zie. Ɩ̃ na ɩ na a nɩɛr gɔmɛ bɔr, ɛ́ ɩ a fɩ̃tɩlɛ kpiiri. 11A tẽw ŋa za na lɩɛbɩ debuo, zie na sãw ʋ za a, ɛ́ a nɩ-bʋʋrɛ bɛ ŋa za na tone nɩ a Babɩlɔn tẽw nãà tome tɩ ta n yome lɩz'a ata nɩ pie.”
12A Sore yere na: “A yome lɩz'a ata nɩ pie wa tɔ a, ɩ̃ na sowr'ɩ a Babɩlɔn tẽw nãà nɩ a ʋ nɩbɛ bom a bɛ ɩ-faar ƴãw. Ɩ̃ na ìr'ɩ a bɛ tẽw ƴãw, ɩ ʋ lɩɛbɩ tẽ-kpalɛ. 13Ɩ̃ na ɩ na a kpɩɛrʋ al ɩ̃ na tɩ ƴɛ̀r càar'ɩ a tẽw ŋa a, a wa a ʋ zu. A al za na sɛb a sɛbɛ ŋa pʋɔ a, a al za a naaŋmɩn-ƴɛ̀r-manɛ Zeremi na tɩ ƴɛ̀r càar'ɩ a nɩ-bʋʋr-yoru a. 14Bʋ̃ʋ n'ʋ vɛ̃, a bɛl mɩ̀ a, nɩ-bʋʋr-yoru na yãwmɛ a, nɩ na-mɩnɛ na kpɛmɛ a na tʋ̃ɔ́ bɛ na. À ŋá n'a ɩ̃ na ɩ bɛ ya a bɛ ɩ-ɩrɩ nɩ a faa al za bɛ na maalɩ a san.”»
A ZEREMI YERE NƖ A NƖ-BƲƲR-YORU
25:15—35:19
A ƴɛ̀rʋ-dɩb koli-nyúura
15Nyɛ̃ a lɛ a Sore, a Ɩsɩrayɛl Naaŋmɩn na tɩ ƴɛ̀r a ɩ̃ zie a: «De a divɛ̃ koli-nyúura ŋa na paalɩ a ɩ̃ suur a, a ɩ̃ nũú, kʋ̀ a nɩ-bʋʋrɛ bɛl za zie ɩ̃ na tone fʋ a, bɛ nyũ. 16Bɛ na nyũ na, bɛ na dẽdere na, bɛ na dam'ɩ zuru, bɛlɛ wa nyɛ̃ a alɩ bome nɛ za ɩ̃ na na sãw a bɛ sɔgɔ a!»
17Lɛ n'a ɩ̃ tɩ de a koli-nyúura a Sore nũú kʋ̀ a nɩ-bʋʋrɛ bɛl za zie a Sore na tɩ tõ m a, bɛ nyũ. 18Ɩ̃ tɩ tĩ nɩ nɩ a Zerizalɛm nɩ a Zuda tẽ-bɛrɛ, a na-mɩnɛ nɩ a bɛ tõ-tõ-bi-bɛrɛ. Ɩ̃ tɩ ɩ na a tẽ-bɛrɛ á ŋá lɩɛbɩ deboru, zie na kpɛ faa bɛ mɩ́ nyɛ̃ ŋmɛ pʋl-vʋ̃ɔ cɛlsɩ, ɛ́ a ŋmɛ-ƴãw pʋɔ bɛ mɩ́ de a man nɩ a. Alɛ n'a ɩrɛ a dɩ̃a.
19Al pùorí a, a nɩ-bʋʋr-yoru n'a tɩ cɛ:
- A Eziptɩ tẽw nãà, a Faarawɔ̃, a ʋ tõ-tõ-biir, a ʋ tõ-tõ-bi-bɛrɛ, nɩ a ʋ nɩbɛ za, 20de nɩ a nɩ-bʋʋr-tɛɛtɛɛ za na kpɩɛr a Eziptɩ a,
- a Usɩ#25:20 Usɩ: A kʋ̃ɔ-kpɛ̃ɛ-kũu saa-pɛrɩ́-dʋrʋ-lowr'a a tẽw ŋa tɩ be. tẽw na-mɩnɛ,
- a Filisɩtɛ̃ mɩnɛ na-mɩnɛ: a bɛl na be a Asɩkalon, a Gaza, a Ekiron nɩ a Asɩdɔdɩ tẽw na cɛ a,
21- a Edɔm, Mowab nɩ Amɔ̃ ten dem,
22- a Tɩ́ɩ̀r, Sɩdɔ̃ nɩ a tẽw na be a kʋ̃ɔ-kpɛ̃ɛ gãwn a na-mɩnɛ za,
23- a Dedan, Tema, Buuzɩ#25:23 Dedan, Tema nɩ Buuzɩ: A Arabi wɛja-kpalɛ ziir al kʋ̃ɔ na be a n'a. ten dem, nɩ a nɩbɛ bɛl na mɩ́ põ a bɛ tacɩ-kɔblʋ a,
24- a Arabʋ mɩnɛ na-mɩnɛ nɩ a nɩ-bʋʋr-tɛɛtɛɛ za na kpɩɛr a wɛja-kpalɛ pʋɔ a,
25- a Zimiri nɩ Elam ten na-mɩnɛ za, nɩ a Mɛdɩ mɩnɛ na-mɩnɛ za,
26- a saa-pɛrɩ́-gʋba-lowr na-mɩnɛ za, a bɛl na pɩɛlɩ nɩ a bɛl na zãá a.
A tɩ fɛr'a k'aa tẽ-daa naalʋ-ten al za na be a tẽw zu ziir za a, nyũ a koli-nyúura ŋa pʋɔ tu taa, ɛ́ a Sesakɩ#25:26 Sesakɩ: A Babɩlɔn tẽw bɛ na bɛ bɔbr kɛ́ bɛ yel a yúor daadaa a n'ʋ. tẽw nãà nyũ a bɛ za pùorí.
27A Sore tɩ ƴãw na ɩ̃ yel bɛ: «À ŋá n'a a Sore, a kpɛnʋ-za-sob, a Ɩsɩrayɛl Naaŋmɩn, yere: Nyɩ nyúur, nyɩ kuole, nyɩ tire, nyɩ lore taa lɛbr ìre ɩ, nyɩ na na nyɛ̃ a alɩ bome nɛ za ɩ̃ na na sãw a nyɩ sɔgɔ a.» 28Ʋ tɩ yel'a ƴãw pʋɔ: «Bɛlɛ wa zawrɩ na de a koli-nyúura fʋ na tùre bɛ a, nɩ a ʋ nyub a, fʋ na yel bɛ na: À ŋá n'a a Sore, a kpɛnʋ-za-sob, yere: nyɩ na cãà na nyũ ʋ. 29Bʋ̃ʋ n'ʋ vɛ̃, a tẽ-kpɛ̃ɛ ɩ̃ na so a n'ʋ ɩ̃ tine nɩ a kpɩɛrʋ ɩ̃ na na ɩ a wa a, ɛ́ nyɩɩm kʋ̃ pʋɔ ɩ? Aɩ, ɩ̃ bɛ bɛrɛ nyɩ ɛ. Ɩ̃ bɛrɛ nɩ a zɛbr a waar a tẽ-daa nɩbɛ za zu. A mãa Sore, a kpɛnʋ-za-sob'ʋ yel.»
30A Sore tɩ cãà na yel mɛ̃: «Yel a yel ŋa kʋ̀ bɛ a ɩ̃ yúor ƴãw, yel ƴãw pʋɔ:
A saa-zu za a, a Sore tanɛ na.
Ʋ be n a yir ʋ na so a pʋɔ,
ɛ́ ŋmɛrɛ kɔkɛɛ.
Ʋ tanɛ nɩ a ʋ zi-sóra.
Ʋ ŋmɩɛr'ɩ cɛlsɩ càarɛ nɩ
a tẽw dem za,
mɛ̃ a bɛlɩ dem na mɩ́ nɛbr
a divɛ̃ tɩ-wɔmɛ
íre a divɛ̃ a.
31A gɔmɛ ʋ na ɩrɛ a
ta n a tẽw baarʋ zie.
A Sore dɩrɛ nɩ nɩ
a nɩ-bʋʋrɛ ƴɛ̀rʋ,
ʋ bʋɔlɛ nɩ a nɩsaalbɛ za
a ʋ ƴɛ̀rʋ-dɩb zie.
A sãwna dem a,
ʋ bɛrɛ bɛ na kʋ̀rɛ
a zɛbr-sɔ-kpɛ̃ɛ,
ʋlɛ n'ʋ yere.»
32À ŋá n'a a Sore, a kpɛnʋ-za-sob, yere:
«A kpɩɛrʋ yi n
bʋʋrɛ bɛ ŋa zie
tɩ sãá bʋʋrɛ bɛ ŋa zie.
A saa-sɛsɛb-kpɛ̃ɛ
cɛrɛ nɩ a tẽw baarʋ zie.»
33A Sore zũú a, a kũuni na yi n a tẽw lõbowr ŋa tɩ sãá lõbowr ŋa. A yele á ŋá wa ta a, nɩr kʋ̃ kõ a kũuni bɛ ŋa ɩ, nɩr kʋ̃ wob a bɛ ƴã-gamɛ ɩ, nɩr kʋ̃ ũù bɛ ɩ. Bɛ na lɩɛbɩ tẽsɔw pʋɔrʋ.
34Nyɩ kone lãw-mʋɔlɛ,
nyɩ lɔbr cɛlsɩ,
nyɩɩm nɩbɛ nɩ-bɛrɛ ɛ,
nyɩ bile tẽsɔw,
nyɩɩm dʋn dem i.
Bʋ̃ʋ n'ʋ vɛ̃,
a nyɩ kɔkɛɛ ŋmab
daar ta na.
Nyɩ na lo na ŋmɛr
mɛ̃ la-vla vla a.
35Sɔwlʋ zie bɛ ka be
a nɩ-bɛrɛ ƴãw ɛ,
a dʋ̃-cɩ̃ɩnbɛ kʋ̃ tʋ̃ɔ́
zɔ cɩ̃ɛ ɩ.
36Ɩ̃ wone nɩ a bɛ cɛlsɩ,
ɩ̃ wone nɩ
a bɛ kpɩɛrʋ kon.
Bʋ̃ʋ n'ʋ vɛ̃,
a Sore sãwnɛ nɩ a dʋn
mʋ̃ɔ 'wɔbrʋ zie bɛrɛ.
37A dʋn mʋ̃ɔ 'wɔbrʋ ziir
na vɩɛl vɩɛl a ɩ n cɩ̃ɩ,
a Sore su-tʋlʋ
kpãkpã zũú.
38A gbẽw yi n
a ʋ tuw pʋɔ.
A bɛ tẽw lɩɛb'ɩ
wɛja-kpalɛ,
a zɛbr na zɛbr
bɛ bãw nɩbaalʋ a ƴãw,
nɩ a Sore su-tʋlʋ
kpãkpã zũú.
Currently Selected:
Zeremi 25: DBDC
Highlight
Copy
Compare
Share
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.
