Zeremi 15
15
*
1A Sore yel mɛ̃ na: «A Moyiir nɩ a Samɩɛl saa tɩ zɛlɛ mɛ̃ a, ɩ̃ kʋ̃ʋ tɛr nɩbaal-zɔba a nɩbɛ bɛ ŋa ƴãw ɛ. Diw bɛ bɛ zãá nɩ mɛ̃, bɛ cen! 2Ɛ́ bɛlɛ wa sowre fʋ: “Nyɩnɛ n'a a fɛr kɛ́ tɩ cen?” Fʋ na sɔw bɛ na: “À ŋá n'a a Sore yere:
Ŋa za na mɩ́ tu n a ʋ sɔ́r.
Bɛ mɩnɛ a, a na ɩ n a jɛ̀lmɛ̃ kũu,
bɛ mɩnɛ a ɩ a zɛbr kũu,
bɛ mɩnɛ a ɩ a kɔ̃ kũu,
ɛ́ bɛ mɩnɛ a ɩ a bɛ tẽw bɛ na na ìr bɛ
cen nɩ tẽ-yũo a!”
3A Sore yere na: Ɩ̃ na ìr'ɩ a bɛ ƴãw nɩ tub anaar: a zɛbr-sɔ-kpɛ̃ɛ na kʋrɛ bɛ na, a baar tawr bɛ tɔlɛ nɩ nidaa, a sidume nɩ a gbõgbo-cili na gɔr gɔr bɛ na ɛ́ ɩ bɛ bɔr. 4À ŋá n'a a tẽ-daa naalʋ-ten za na mɩ́ tɛr dɛ̃bɩ̃-kpɛ̃ɛ alɛ wa nyɛ̃ bɛ a. A faa a Ezekɩasɩ bidɛb, Manase, na ɩ Zuda tẽw nãà a na tɩ maalɩ a Zerizalɛm a, alɛ n'a wa n à á ŋá.»
A Sore zɔ n a nɩbaalʋ lɛɛ tɩ bàl
5A Sore yere na:
«Ãa n'ʋ pãa na zɔ a fʋ nɩbaalʋ a, Zerizalɛm i?
Ãa n'ʋ na kõ ƴãw fʋ?
Ãa n'ʋ na fɛr ʋ tʋɔra
wa sowri a fʋ ƴã-ɓaarʋ yele?
6A Sore yere na:
Fʋ̃ʋ n'ʋ zawrɩ mɛ̃ bɛr,
lɩɛbɩ zikur cɔw mɛ̃.
A lɛ n'a ɩ̃ ìr a fʋ ƴãw k'ɩ̃ɩ sãw fʋ bɛr,
bʋ̃ʋ n'ʋ vɛ̃, ɩ̃ zɔ n a nɩbaalʋ lɛɛ tɩ bàl.
7A tẽw tẽ-kpɛ̃ɛ za pʋɔ a,
ɩ̃ zɛw nɩ a ɩ̃ bʋ̃-yɛla
k'ɩ̃ɩ yɛ́lɩ nɩ a nɩbɛ bɛr a ziir za.
Ɩ̃ ɩ na bɛ bɛ cãà tɛr bibiir ɛ, baarɩ bɛ za,
ɛcɛ bɛ bɛ lɩɛbɩ a bɛ ɩb ɛ.
8Ɩ̃ ɩ n a ʋ pɔw-kɔbɛ yãwmɛ zuo
a kʋ̃ɔ-kpɛ̃ɛ nʋɔr biire.
Ɩ̃ ɩ na kpɩɛrʋ páw
a soja-pɔl mã mʋ̃tɔ̃-tuo.
Ɩ̃ ùr'a ɩ dɛ̃bɩ̃-kpɛ̃ɛ lo a ʋ zu.
9A pɔw ʋl na dɔw bibiir ayopõi a,
bɛ cãà ɩ bom za ɩ.
Ʋ vʋʋrɛ na guur.
Ʋl zie a, a mʋ̃tɔ̃w kpɛ n
a mʋ̃tɔ̃-tuo daarɩ́.
Vĩ nyɔw ʋ na,
ʋ bɛ cãà nyɛrɛ ƴãwfʋ ɛ.
A bɛlɩ dem na cãà vʋʋrɛ a,
ɩ̃ na ɩ na bɛ kpi zɛbr zie,
a bɛ dɔ̃ dem niŋé.»
À à ŋá n'a a Sore yel.
A Zeremi zɛbr'a, a Sore sɔw ʋ
A Zeremi
10Ɩ̃ mã a, nyɛ̃ kpɩɛrʋ fʋ na ƴãw mɛ̃,
fʋ na dɔw mɛ̃ a!
A tẽw za pʋɔ a,
a nɩbɛ bɛ de a ɩ̃ yele ɩ:
bɛ mɩ́ ŋmɩɛr'ɩ a ɩ̃ ƴɛ̀rʋ lɔbr.
Ɩ̃ bɛ pɛ̃w nɩr ɩ̃ libir ɛ,
ɛ́ mɩ́ bɛ pɛ̃w libir nɩr zie ɩ.
Ɛ́ a nɩbɛ za ŋmɩɛr ƴãwn mɛ̃.
11Ɛcɛ a Sore tɩ yel'a:
«Ɩ̃ pɔ na, ɩ̃ na faa fʋ nɩ a fʋ nʋ̃ɔ̀ ƴãw.
Ɩ̃ pɔ na, ɩ̃ na ɩ na a dɔ̃ sob lɔb nuru zɛlɩ nɩ fʋ
a kpɩɛrʋ nɩ a pʋl-vʋ̃ɔ daar.
12Bɛ na tʋ̃ɔ́ na kar a kure,
a saa-pɛrɩ́-gʋba-lowr kure
nɩ a kur-zɩɛ bɛr bɩɩ?»
A Sore
13Zuda a, a fʋ tɛra, a fʋ na-bome,
ɩ̃ na de a na tɩr bɛ zá.
Alɛ n'ɩ a fʋ sãwna fʋ na maalɩ
a fʋ tẽw za pʋɔ a sã-ya.
14Ɩ̃ na ɩ na fʋ ɩ a fʋ dɔ̃ dem gbãgbaa
tẽw fʋ na bɛ bãw a pʋɔ.
A ɩ̃ suur vũu ìr'ɩ kel, na dɩrɛ fʋ.
A Zeremi
15Ɛcɛ fʋ̃ʋ a, Sore e,
fʋ bãw nɩ bom za na càarɩ mɛ̃ a,
tɛr a ɩ̃ tɩɛrʋ, ɩ ɩb kãw a ɩ̃ ƴãw.
Yáa a san a bɛlɩ dem
na dɔwrɛ mɛ̃ a zie.
Ta bɛr mɛ̃ k'ɩ̃ wone tuo
fʋ na nyɔwr fʋ tʋɔra a bɛ ƴãw a zũú ɛ.
Bãwnɩ a, a fʋ zũú n'a ɩ̃ sàw a zʋmɛ.
16A fʋ ƴɛ̀rʋ na mɩ́ tɩ ta m a,
ɩ̃ mɩ́ tɩ vɔl a na.
A mɩ́ tɩ ƴãw mɛ̃ nɩ nʋ̃ɔ̀,
a mɩ́ tɩ ɩ na a ɩ̃ socir cɩlɛ.
Bʋ̃ʋ n'ʋ vɛ̃, fʋ̃ʋ so m,
Sore e, kpɛnʋ-za-sob i.
17Ɩ̃ bɛ zɩ̃ a nɩ-ɩ-laarbɛ sɔgɔ k'ɩ̃ɩ dɩ̃ɛnɩ ɛ.
Ɛcɛ fʋ fɛr mɛ̃ na ƴãw ɩ̃ be ɩ̃ yõ zie,
fʋ na tɩ ɩ ɩ̃ ɩ suur tɛwr a ƴãw.
18Bʋ̃ʋ n'ʋ so a wob wone mɛ̃
bɛ tɛr baarʋ daar?
Bʋ̃ʋ n'ʋ so a ɩ̃ natɩr bɛ tɛr sanʋ,
ɛ́ bɛ bɔbr a ɓãafʋ?
Fʋ sɩrɩ na lɩɛbɩ bàa na bɛ̀lɛ a, a ɩ̃ zie,
mɩ́ tɛr kʋ̃ɔ ta sɔgɔ bɛ tɛr ɛ.
19Nyɛ̃ a lɛ a Sore na ƴɛ̀rɛ a ɩ̃ zie a:
«Fʋ̃ʋ wa lɛb wa a ɩ̃ zie a,
ɩ̃ na lɛb'a de fʋ a ɩ̃ tome ƴãw.
Fʋ̃ʋ wa gù kɛ́ fʋ mɩ́ ƴɛ̀r ƴɛ̀r-sɩza
ɛ́ bɛr a ƴɛ̀r-fowle a,
fʋ na lɛb'a ɩ a sob nɛ
na ƴɛ̀rɛ a ɩ̃ yúor ƴãw a.
A Zuda nɩbɛ nɛbɛ sɛw kɛ́
bɛ lɛb wa a fʋ zie,
fʋ̃ʋ bɛ n'ʋ sɛw kɛ́
fʋ lɛb wa a bɛ zie ɩ.
20A nɩbɛ bɛ ŋa niŋé a,
ɩ̃ na ɩ na fʋ ɩ mɛ̃ kur-zɩɛ dacin
bɛ na kʋ̃ tʋ̃ɔ́ dáa lɔb a.
Bɛ na zɛb'ɩ fʋ na,
ɛcɛ bɛ kʋ̃ tʋ̃ɔ́ fʋ ɩ bom za ɩ,
bʋ̃ʋ n'ʋ vɛ̃, ɩ̃ be n a fʋ zie k'ɩ̃ɩ faa fʋ
ɛ́ ɩ fʋ so fʋ tʋɔra.
A Sore n'ʋ yel.
21Ɩ̃ na ìr fʋ nɩ a nɩ-faar nuru pʋɔ,
ɩ̃ na ìr fʋ nɩ a po-to-fãw dem nuru pʋɔ.»
Currently Selected:
Zeremi 15: DBDC
Highlight
Copy
Compare
Share
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.
