Zeremi 13
13
Zeremi nɩ a lɛ̃ pɛn kpàwr yele
1À ŋá n'a a Sore yel mɛ̃: «Cen tɩ dà lɛ̃ pɛn kpàwr ɛ́ sɛ ʋ a fʋ sɩɛmɩ́, ɛcɛ taa pɛ̀wr ʋ ɛ.» 2Lɛ n'a ɩ̃ tɩ dà kpàwr mɛ̃ a lɛ a Sore na yel kʋ̀ m a, ɛ́ tɩ sɛ ʋ a ɩ̃ sɩɛmɩ́. 3A Sore tɩ lɛb'a ƴɛ̀r a ɩ̃ zie à ŋá a gb'a ayi sob ƴãw: 4«Tɛr a kpàwr fʋ na dà sɛ a sɩɛmɩ́ a, cen nɩ a Faara bãá#13:4 Faara bãá: Bàa a kʋ̃ɔ na mɩ́ zɔrɛ tɩ kpɩɛr a Zurdɛ̃ man pʋɔ a n'ʋ. Bɛ mɩnɛ bʋɔlɛ ʋ nɩ Peratɩ bɩɩ Efaratɩ man.. A be a, tɩ sɔwlɩ ʋ pìir bɔw pʋɔ.» 5Ɩ̃ tɩ cen na tɩ sɔwlɩ ʋ a Faara bãá mɛ̃ a lɛ a Sore na tɩ ƴãw a nʋɔr kʋ̀ m a. 6A tɩ cɛlɩ na, ɛ́ a Sore wa yel mɛ̃: «Lɛb cen a Faara bãá tɩ de a kpàwr ɩ̃ na tɩ ƴãw nʋɔr kʋ̀ b kɛ́ fʋ tɩ sɔwlɩ a be a.» 7Lɛ n'a ɩ̃ tɩ lɛb cen a Faara bãá k'ɩ̃ɩ tɩ bɔ de a kpàwr a be ɩ̃ na tɩ sɔwlɩ ʋ a. Ɩ̃ tɩ nyɛ̃ ʋ na ʋ pʋ̃ɔ́ ʋ za, bɛ cãà tɛr ɩb za ɩ.
8A lɛ n'a a Sore tɩ ƴɛ̀r a ɩ̃ zie à ŋá: 9«À ŋá n'a a Sore yere: À ŋá n'a ɩ̃ na sãw a Zuda nyʋ̀ʋ́r bɛr, a Zerizalɛm nyʋ̀ʋ́r na bɛ dɩ vuo a bɛr. 10A nɩ-bʋʋr-faa ŋa na mɩ́ zawrɩ na bɛr wõ a ɩ̃ ƴɛ̀rʋ, ɛ́ kpãa tobr tuur a ʋ pʋ-tɩɛrʋ, zɔrɛ tuur'ɩ a ŋmɩn-yoru, maalɛ a, ɛ́ mɩ́ gbĩ dume gũu tɩ tɔ tẽw a niŋé a, ʋ ŋmɛ̃ taa nɩ a kpàwr ŋa na bɛ cãà tɛr ɩb za a! 11A Sore yere na: Mɛ̃ a lɛ nɩr na mɩ́ sɛ kpàwr a ʋ sɩɛmɩ́ a, lɛ n'a mãa nɩ a Ɩsɩrayɛl nɩ a Zuda nɩbɛ tɩ 'lẽ taa. Ɩ̃ tɩ bɔbr'a kɛ́ bɛ ɩ a ɩ̃ nɩbɛ, bɛ ɩ a ɩ̃ yúor ʋ yi, bɛ ɩ ɩ̃ nyɛrɛ ƴãwfʋ, bɛ ɩ a ɩ̃ dɛpaal-bom. Ɛcɛ bɛ bɛ bɛr wõ m ɛ.»
A divɛ̃ nɩ a Naaŋmɩn suur
12«Fʋ na yel bɛ na: “À ŋá n'a a Sore, a Ɩsɩrayɛl Naaŋmɩn, yere: Yuor za a, bɛ mɩ́ paalɩ ʋ nɩ divɛ̃.” Bɛlɛ wa sɔw: “Lɛ n'a, tɩ bãwnɩ a na kɛ́ yuor za a, bɛ mɩ́ paalɩ ʋ nɩ divɛ̃” a, 13fʋ̃ʋ yel bɛ a lɛn daar: “À ŋá n'a a Sore yere: A nɩbɛ za na kpɩɛr a tẽw ŋa pʋɔ a, a na-mɩnɛ za na zɩnɛ a Daviir naalʋ-dà-kɔw zu, a bàwr-maalbɛ, a naaŋmɩn-ƴɛ̀r-manbɛ nɩ a nɩbɛ za na kpɩɛr a Zerizalɛm a, ɩ̃ na ɩ na bɛ kuoli kuolu mɩŋa. 14Ɩ̃ na mɩ́ nyɔw nɩ ŋa va n ŋa, va bɛ kar kar, a sãà mɩnɛ lãwnɩ a bibiir, a Sore n'ʋ yel. Ɩ̃ bɛ cɩ́ɛr nɩr bɛrɛ ɩ. Nɩbaal-zɔba kãw za kʋ̃ piw mɛ̃ sɔ́r ɩ̃ bɛ sãw bɛ bɛr ɛ.»
Nyɩ bɛrɛ wone, a bɛr-wob daar na cãà n'a a
15Nyɩ bɛrɛ wone, nyɩ ƴãw tobr,
nyɩ ta cãà ɩrɛ pɔ̀lʋ ɛ.
A Sore ƴɛ̀rɛ nɩ a nyɩ zie.
16Nyɩ ɩ a Sore nyɩ Naaŋmɩn nyɛ̃
a yúor-vɩɛlʋ-danʋ,
ɛ́ a zie wa bãw sɔb,
ɛ́ nyɩ wa bãw ŋmɩɛr a gbɛ́ɛ
a tan a tɩ̃ɩsɔw lige na pili páw a zu.
Nyɩ tɩ gùre nɩ a cãà,
ʋʋ wa lɩɛbɛ ʋ ʋ ɩrɛ lige,
ʋ ɩ zũzuwr sɛbla.
17Nyɩmɛ bɛ wa bɛr wõ a,
ɩ̃ na sɔwl'a kõ a nyɩ pɔ̀l-ɩb ƴãw.
Ɩ̃ na kõ na cir mʋta-kʋ̃ɔ yaga,
bɛ na diwr a Sore dʋn
cere nɩ tẽ-yũo a ƴãw.
A Sore ƴɛ̀rʋ a nãà yir dem ƴãw
18Yel kʋ̀ a nãà nɩ a nãà mã:
«Nyɩ zɩ̃ tẽw, bʋ̃ʋ n'ʋ vɛ̃,
a nyɩ nãà-kpawɔ-vla yi n a nyɩ zũú lo.
19A Negɛɛvʋ tẽ-bɛrɛ za pàw na,
nɩr za bɛ cãà yuore a pamɛ ɩ.
Bɛ diw nɩ a Zuda nɩbɛ za cen nɩ tẽ-yũo,
bɛ za kpɛ̃lɛ̃kpɛ̃lɛ̃ nɛbɛ bɛ diw cen nɩ.»
A Zerizalɛm yúor sãw na
20«Zerizalɛm i, dʋɔ a zu jɩ́r nyɛ̃:
a fʋ dɔ dem yi n
a saa-pɛrɩ́-gʋba-lowr waar.
A dʋn ɩ̃ na tɩ kʋ̀ b kɛ́ fʋ kaarɛ a wa?
A píir na tɩ so fʋ nyʋʋr a wa?
21Fʋ na yel'a kɛ́ bo
a lɛn daar a bɛlɩ dem fʋ na mili nɩ,
bɛ ɩ a fʋ bárɩ,
nãà wa ìr a fʋ ƴãw bɔbr kɛ́ bɛ tʋ̃ɔ́ fʋ a?
Sɩza n'a, fʋ na wone nɩ tuo mɛ̃ pɔw,
a ʋ dɔwfʋ daar a.
22Lɛ n'a fʋ na sowri:
“Bʋ̃ʋ n'ʋ so à á ŋá za tarɛ mɛ̃?”
A fʋ sãwna na tɩbrɛ a zũú n'a
bɛ vaarɩ a fʋ kparʋ do n, ɛ́ fɛrɛ fʋ.
23Nɩ-sɛbla na tʋ̃ɔ́ na
ɩ a ʋ ƴã-gan ŋmɛ̃a ʋ lɩɛbɩ ɩ?
Bɩɩ nyũo na tʋ̃ɔ́ na ír a ʋ kɔblʋ
na 'leni 'leni a bɛr ɩ?
Ɛ́ a nyɩɩm na mili nɩ a faa a,
nyɩ na tʋ̃ɔ́ na maalɩ a vla a?
24Ɩ̃ na ɩ na nyɩ yaarɩ cen a ziir za
mɛ̃ mɔ̃-kon a wɛja-kpalɛ pʋɔ sɛsɛb
na de cen nɩ a.
25A Sore yere na:
Zerizalɛm i, nyɛ̃ a bom nɛ na gùre fʋ a,
a bom ɩ̃ na gùre nɩ fʋ a.
Bʋ̃ʋ n'ʋ vɛ̃, fʋ yiiri mɛ̃ na bɛr
ɛ́ ƴãw a fʋ tɩɛrʋ
ŋmɩn-bɛlɛbɛlɛ ƴãw.
26Ɩ̃ mɩ̀ na vaar'ɩ a fʋ kparʋ
do tɩ tɔ n a fʋ niwn,
ɛ́ bɛ na nyɛ̃ nɩ a fʋ faalʋ.
27Aa! a fʋ pɩ̃ɔ ɩ-ɩrɩ, a dɛb vʋla kon,
a fʋ pɔw-yɛm vĩ tome!
Ɩ̃ nyɛ̃ nɩ a za vla
a tãli zu nɩ a póru pʋɔ,
a fʋ tɩb-faar faar!
Bʋnʋ baw-bio n'a
Zerizalɛm i, fʋ bɛ bɔbr kɛ́ fʋ so
a fʋ dɛwr bɛr ɛ!
Debor'a a na cãà cɛlɩ tɩ ta?»
Currently Selected:
Zeremi 13: DBDC
Highlight
Copy
Compare
Share
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.
