Zeremi 1
1
A ZEREMI YERE NƖ A ZUDA NAALƲ-TẼW NƖBƐ
1:1—25:14
1A sɛbɛ ŋa manɛ nɩ a lɛ Hɩlkɩahu bidɛb, Zeremi, na yel ɛ́ ɩ a. A Zeremi tɩ yi n bàwr-maalbɛ na kpɩɛr Anatɔtɩ a yir pʋɔ, Bɛ̃zamɛ tẽw pʋɔ. 2A Amɔ̃ bidɛb, Zozɩasɩ, na tɩ ɩ a Zuda tẽw nãà a naalʋ-dɩb yome pie nɩ ata sob daar'a#1:2 A Yeezu Kɩrɩta na bɛ tɩ wa sɛr a yome 626 vuo pʋɔ n'a. a Sore tɩ ƴɛ̀r a Zeremi zie. 3Ʋ tɩ lɛb'a ƴɛ̀r a ʋ zie, a Zozɩasɩ bidɛb, Yoyakim, na ɩ a Zuda tẽw nãà a daar, tɩ ta n a Zozɩasɩ bidɛb, Sedesɩasɩ, naalʋ-dɩb yome pie nɩ been baarʋ vuo pʋɔ, ɛ́ tɩ ta a Zerizalɛm nɩbɛ diw-cenu, a cuwr anũu sob daar#1:3 A pɛr lɛ k'aa Yeezu Kɩrɩta na bɛ tɩ wa sɛr a yome 587 vuo pʋɔ, a mɔ̃-bàalʋ nɩ a só-ɩ̃-tʋɔra cuwr pʋɔ. Sedesɩasɩ nɩ Yoyakim: Nyɛ̃ 2Na 23.36 nɩ 2Bi-yel 36..
Naaŋmɩn bʋɔl'ɩ a Zeremi k'ʋʋ wa lɩɛbɩ a ʋ ƴɛ̀r-manɛ
4A Sore tɩ ƴɛ̀r'ɩ a ɩ̃ zie à ŋá:
5«Ɩ̃ tɩ bãw fʋ na
ɛ́ bɛ cɔbrɩ fʋ a fʋ mã puori sɛr ɛ,
ɩ̃ tɩ ka n nũú ƴãw fʋ ɛ́ fʋ wa bãw dɔw,
ɩ̃ tɩ ɩ na fʋ ɩ a ɩ̃ ƴɛ̀r-manɛ a nɩ-bʋʋr-yoru za zie.»
6Ɩ̃ tɩ sɔw na: «'Woi! Sore Naaŋmɩn i, ɩ̃ na ɩ n ŋmɩn ƴɛ̀r, ɩ̃ ɩ n pɔlbil-vɛlvɛl lɛ.»
7Ɛcɛ a Sore tɩ yel mɛ̃ na:
«Ta yel kɛ́: “Ɩ̃ ɩ n pɔlbil-vɛlvɛl lɛ” ɩ.
Zie nɛ za ɩ̃ na tone fʋ a, fʋ na cen nɩ a be.
Fʋ na tɩ yel'ɩ bom nɛ za ɩ̃ na yel kɛ́ fʋ yel a.
8Taa wa zɔrɛ nɩr za dɛ̃bɩ̃ɛ ɩ.
Bʋ̃ʋ n'ʋ vɛ̃, ɩ̃ be n a fʋ zie a fʋ faafʋ ƴãw.»
À à ŋá n'a a Sore ƴɛ̀r a ɩ̃ zie. 9Al pùorí, a Sore tɩ tur'ɩ a nũu tɔ n a ɩ̃ nʋɔr ɛ́ yel mɛ̃:
«Ɩ̃ ƴãwnɛ nɩ a ɩ̃ ƴɛ̀rʋ a fʋ nʋɔrɩ́.
10Nyɛ̃, a dĩa a, ɩ̃ kʋ̀rɛ fʋ nɩ tõ-nʋɔr
na càarɩ a nɩ-bʋʋrɛ nɩ a naalʋ-ten a:
kɛ́ fʋ tɩ vɔnɛ ɛ́ darɛ lɔbr,
kɛ́ fʋ tɩ sãwnɛ bɛrɛ ɛ́ ŋmɛrɛ bɛrɛ,
kɛ́ fʋ tɩ mɩɛr ɛ́ sɛlɛ.»
A amãdɩ tɩɛ wule nɩ a ziduwle na kárɛ a
11A Sore tɩ ƴɛ̀r'ɩ a ɩ̃ zie à ŋá: «Zeremi i, bʋ̃ʋ n'ʋ fʋ nyɛ̃?» Ɩ̃ tɩ sɔw na: «Amãdɩ tɩɛ#1:11 A ebre nɩbɛ zie a, a amãdɩ tɩɛ wule nɩ nɩr na bɛr gʋ̃ɔ a, bʋ̃ʋ n'ʋ vɛ̃, a tɩɛ ŋa n'ʋ mɩ́ tɩ de niwn pu a sɩ̃ɛ-kpɛ-paala. wule n'ʋ ɩ̃ nyɛ̃.» 12A Sore yel mɛ̃: «Fʋ nyɛ̃ nɩ vla! Ɩ̃ bɛr'ɩ gʋ̃ɔ ɛ́ gù k'aa ɩ̃ ƴɛ̀rʋ tɩ tu.»
13A Sore tɩ ƴɛ̀r'ɩ a ɩ̃ zie a gb'a ayi sob ƴãw à ŋá: «Ɛ́ a ƴɛrɛŋa, bʋ̃ʋ n'ʋ fʋ nyɛ̃?» Ɩ̃ tɩ sɔw na: «Ɩ̃ nyɛ̃ nɩ ziduwle na kárɛ a. A saa-pɛrɩ́-gʋba-lowr'a ʋ be ɛ́ cɩɩlɩ.»
14A lɛ n'a a Sore tɩ yel mɛ̃:
«A saa-pɛrɩ́-gʋba-lowr'a a faa na yi
yɛ́r pàw a tẽw nɩbɛ za#1:14 A Zeremi daar a, a dɔ̃ dem na tɩ fɛrɛ a Zuda naalʋ-tẽw a kʋ̃ tʋ̃ɔ́ tu zi-yũo wa a Zuda naalʋ-tɛ̃w a bɛ ɩ a saa-pɛrɩ́-gʋba-lowr ɛ. Bʋ̃ʋ n'ʋ vɛ̃, a Arabi tẽw wɛja-kpalɛ bɛ tɩ tɛr tub ɛ..
15A Sore yere na: Ɩ̃ na bʋɔl'ɩ
a saa-pɛrɩ́-gʋba-lowr naalʋ-ten dɔwlʋ za ɓã taa.
Bɛ na wa na,
ŋa za mɩ́ wa bin a ʋ naalʋ-dà-kɔw
a Zerizalɛm tẽw dɩ̃dɛɛ ƴãw,
tori a dacine na viiri koli ʋ a,
ɛ́ tori a Zuda tẽw tẽ-bɛrɛ za.
16Ɩ̃ na dɩ n nɩ a tẽw ŋa nɩbɛ ƴɛ̀rʋ.
Bʋ̃ʋ n'ʋ vɛ̃, bɛ sɩrɩ na maalɩ faa:
Bɛ zawrɩ mɛ̃ na bɛr,
bɛ maal'ɩ bagɛ kʋ̀ ŋmɩn-yoru,
ŋmɩmɛ bɛ na maalɩ ɛ́ puore a.
17A fʋ̃ʋ Zeremi, cɔbrɩ fʋ tʋɔra.
Ìr! Cen tɩ yel bom nɛ za
ɩ̃ na na yel kɛ́ fʋ yel kʋ̀ bɛ a.
Taa wa màwr a bɛ niŋé ɩ,
alɛ bɛ ɩ lɛ, ɩ̃ na ɩ na fʋ màwr a bɛ niŋé.
18A na tĩ a dɩ̃a a, ɩ̃ na ɩ na fʋ kpɛmɛ
mɛ̃ tẽ-kpɛ̃ɛ bɛ na cɔbrɩ ʋ kpɛmɛ a zɛbr ƴãw a.
Fʋ na ɩ na mɛ̃ kure kpul a,
mɛ̃ kur-zɩɛ dacin a, a tẽw za niŋé,
a Zuda tẽw na-mɩnɛ, a tõ-tõ-bi-bɛrɛ,
a bàwr-maalbɛ nɩ a naalʋ-tẽw tẽ-biir za niŋé.
19Bɛ na zɛb'ɩ fʋ na, ɛcɛ, bɛ kʋ̃ tʋ̃ɔ́ fʋ ɩ bom ɛ.
Bʋ̃ʋ n'ʋ vɛ̃, ɩ̃ be n a fʋ zie k'ɩ̃ɩ tʋ̃ɔ́ faa fʋ.
A mãa, a Sore, mãa n'ʋ yel.»
Currently Selected:
Zeremi 1: DBDC
Highlight
Copy
Compare
Share
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.
