Ɩzayi 61
61
A Sore tõ-tõ-bie nɩ a ʋ tõ-nʋɔr
1A Sore Naaŋmɩn Vʋʋrʋ be n a ɩ̃ zu.
Bʋ̃ʋ n'ʋ vɛ̃, ʋ cir'ɩ a kãá ƴãw a ɩ̃ zũú kabrɩ mɛ̃
k'ɩ̃ɩ tɩ yel yel-nʋ̃ɔ̀ kʋ̀ a nan dem.
Ʋ tõ m'a k'ɩ̃ɩ tɩ mɔwlɩ a pʋ-sãwna dem,
k'ɩ̃ɩ tɩ hieri yel a nɩbɛ bɛ na diw cen nɩ a,
kɛ́ bɛ na lɛb'a so bɛ tʋɔra,
nɩ a nɩbɛ na be a gaso pʋɔ a,
kɛ́ bɛ na lɛb'a nyɛ̃ a mʋ̃tɔ̃w cãà.
2Ʋ tõ m'a k'ɩ̃ɩ tɩ hieri yel
a Sore pʋ-pɩɛlʋ yũon,
nɩ a bibir ʋl ʋ
na na yáa a san a ʋ dɔ̃ dem zu a.
Ʋ tõ m'a k'ɩ̃ɩ tɩ mɔwlɩ
a bɛlɩ dem za na tɛr wahala a.
3A Sɩyɔ̃ ƴãw n'a bɛ tɛr a wahala.
Ɛcɛ a fɛr'a k'ɩ̃ɩ kʋ̀ bɛ zu-pɛn vla vla
lɩɛr'ɩ a tãpɛlʋ na be a bɛ zurú a,
k'ɩ̃ɩ cir kãá-nyũu ƴãw bɛ
na wule nʋ̃ɔ̀ ɛ́ bɛ wule wahala a,
k'ɩ̃ɩ su bɛ cuw kparɩ
lɩɛr'ɩ a nɩbaal-ɩb bɛ na ɩrɛ a.
Lɛ n'a bɛ na de bɛ man nɩ
tɩɩr na ɩrɛ a Naaŋmɩn nyɛrɛ ƴãwfʋ a,
tɩ-sɛlɩ zie na wule
a Sore yúor-vɩɛlʋ-danʋ a.
4Bɛ na lɛb'a libri a deboru,
bɛ na lɛb a mɛ a yie
na lo lo gã a koro za a.
Bɛ na ɩ n a tẽ-bɛrɛ na sãw gã
a dɩta-pɛ-yome za a, a lɛb àr.
5Nɩ-sãanbɛ na be n be
àrɛ nɩ a nyɩ píir nɩ a nyɩ bʋʋr.
Nʋʋrɩ na kʋɔr'ɩ a nyɩ póru kʋ̀rɛ nyɩ,
ɛ́ kʋɔr a nyɩ divɛ̃ tɩɩr póru.
6Ɛcɛ a nyɩɩm a, bɛ na bʋɔlɛ nyɩ nɩ
“Sore bàwr-maalbɛ.”
A nyɩ yúor na dɩ n
“Sore tɩ Naaŋmɩn tõ-tõ-biir.”
Nyɩ na dɩ n a nɩ-bʋʋr-yoru na-bome,
ɛ́ nyɩ na íre nɩ yúor nɩ a bɛ tɛra.
7A Sore yere na:
«Bɛ ƴãw nyɩ nɩ vĩ ɛ́ lɛb ƴãw.
A nyɩ bom tɩ n'ɩ a zʋm-faar faar
a nɩbɛ na tɩ tʋʋr nyɩ a.
Alɛ n'a so nyɩ na páw bom gb'a ayi
a bɛ tẽw pʋɔ,
ɛ́ vʋʋrɛ nɩ nʋ̃ɔ̀ na bɛ tɛr baarʋ a.
8Bʋ̃ʋ n'ʋ vɛ̃, a mãa Sore a, ɩ̃ nɔnɛ na
kɛ́ bɛ mɩ́ nɔnɛ a yel-na-tu-sɔr-a,
ɛcɛ ɩ̃ ciir'ɩ a nyãnyu-nɩ-kʋ-ɩb.
A na ɩ à ŋá a, ɩ̃ na lɛb'a kʋ̀ nyɩ
a bom nɛ a na fɛr kɛ́ nyɩ so a,
ɩ̃ na maal'ɩ nyɩ nɩ wõ-taa
na na be be kʋralɛ a.»
9A nyɩ bʋʋrɛ yúor na yi n a ziir za,
a nɩ-bʋʋr-yoru ten za pʋɔ.
A bɛlɩ dem za na na nyɛrɛ bɛ a,
na bãw bɛ nɩ a yel ŋa zũú:
bɛ na ɩ n bʋʋrɛ
a Sore na maalɩ a.
A Zerizalɛm yiele na danɛ nɩ a Sore
10Ɩ̃ cɩlɛ na, ʋ̃ʋ ɩ̃ cɩlɛ nɩ a Sore ƴãw.
A ɩ̃ socir cɩlɛ nɩ a ɩ̃ Naaŋmɩn ƴãw.
Bʋ̃ʋ n'ʋ vɛ̃, ʋ faarɛ mɛ̃ na
ɛ́ suur mɛ̃ a faafʋ mɛ̃ kparʋ a,
ʋ pile nɩ a mɩnʋ pàwr mɛ̃
mɛ̃ kpar-kpɛ̃ɛ a.
Ɩ̃ ɩ na mɛ̃ dɛb-sãan na vili pɛn a ʋ zũú a,
bɩɩ mɛ̃ pɔw-sãan na ƴãw a ʋ pɩ̃ɛmɛ a.
11Mɛ̃ a lɛ a tẽsɔw
na mɩ́ bɛr a ʋ bʋ̃-bule a yi a,
ɛ́ a zaadɛ̃ bɛr a bʋ̃-bʋʋrɛ bɛ na bʋ̀r ʋ a bul a,
lɛ n'a a Sore Naaŋmɩn
na ɩ a mɩnʋ nɩ a danʋ a bul a nɩ-bʋʋrɛ za niŋé.
Currently Selected:
Ɩzayi 61: DBDC
Highlight
Copy
Compare
Share
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.
