Ɩzayi 62
62
A Zerizalɛm na tɛr'ɩ yo-paala
1A nɔ̃wfʋ ɩ̃ na nɔnɛ fʋ a ƴãw a,
Zerizalɛm i, ɩ̃ bɛ ɩrɛ gbili ɛ.
A nɔ̃wfʋ ɩ̃ na nɔnɛ fʋ a ƴãw a,
Sɩyɔ̃ i, ɩ̃ bɛ zɩnɛ zoom ɛ,
ɛ́ gù a fʋ mɩnʋ tɩ sãá mɛ̃ cãà a,
ɛ́ a fʋ faafʋ 'lere mɛ̃ mɔ̃-'lena vũu a.
2A nɩ-bʋʋrɛ na nyɛ̃ nɩ a fʋ mɩnʋ,
ɛ́ a na-mɩnɛ za nyɛ̃
a fʋ yúor-vɩɛlʋ-danʋ.
Fʋ na tɛr'ɩ yo-paala a Sore na na por a.
3Fʋ na ɩ na mɛ̃
nãà-kpawɔ-vla vla a Sore nũú a,
mɛ̃ nãà zu-pɛn-vila a fʋ Naaŋmɩn nũú a.
4Bɛ kʋ̃ cãà bʋɔlɛ fʋ
“Tẽ-kpɛ̃ɛ bɛ na zawrɩ bɛr a ɩ”,
bɛ kʋ̃ lɛb por a fʋ tẽw
“Tẽw na sãw ʋ za a ɩ”.
Bɛ na nɩ̃ɛ na bʋɔlɛ fʋ “Sore nʋ̃ɔ̀”,
ɛ́ por a fʋ tẽw
“Pɔw na kul sɩr vla a”.
Bʋ̃ʋ n'ʋ vɛ̃, fʋ na sɩrɩ na ɩ a Sore nʋ̃ɔ̀,
ɛ́ a fʋ tẽw na tɛr'ɩ sɩr.
5Mɛ̃ a lɛ pɔlbile na mɩ́ kul pɔwsɩrale a,
lɛ n'a a sob nɛ na lɛb mɩɛr fʋ a na ɩ a fʋ sɩr.
Mɛ̃ a lɛ pɔw-sãan na mɩ́ ƴãw a ʋ sɩr nʋ̃ɔ̀ a,
lɛ n'a fʋ na ƴãw a fʋ Naaŋmɩn nʋ̃ɔ̀.
6Zerizalɛm i, a fʋ dacĩ-bɛrɛ zu a,
ɩ̃ ƴãw nɩ zi-gùrbɛ.
Bɛ bɛ be za na ɩ gbili
a mʋ̃tɔ̃w nɩ a tɩ̃ɩsɔw ɛ.
«Nyɩɩm na lɛb sɩ̃wnɛ a Sore tɩɛrʋ
a Zerizalɛm ƴãw a,
pɩ̃ɛnʋ bɛ ka a nyɩ zie ɩ!
7Nyɩ taa bɛrɛ ʋ ʋ pɩ̃ɛnɛ ɩ,
ɛ́ gù ʋ wa tɩ lɛb maalɩ a Zerizalɛm ƴãw,
ɛ́ ɩ k'ʋ lɩɛbɩ danʋ bom a tẽw za zie.»
8A Sore pɔ n nɩ a ʋ kpɛnʋ na ɩ kpɛ̃ɛ a, yel:
«Ɩ̃ bɛ be za na lɛb bɛr a fʋ dɔ̃ dem
bɛ dɩ a fʋ ble ɩ.
A fʋ divɛ̃ ƴãw fʋ na bàl fʋ tʋɔra a,
a sãanbɛ kʋ̃ lɛb nyũ a ɩ.
9Ɛcɛ a bɛlɩ dem na na ŋma a ble a,
bɛlɛ nɛbɛ na dɩrɛ a danɛ nɩ a Sore.
A bɛlɩ dem na na pɔr a divɛ̃ tɩɩr wɔmɛ a,
bɛlɛ nɛbɛ na nyũ a divɛ̃ a ɩ̃ zi-sõw pʋɔ.»
10Zerizalɛm tẽw dem i, nyɩ yi,
nyɩ yi a tẽ-kpɛ̃ɛ pʋɔ fɔ̃w!
Nyɩ puo a sɔ́r kʋ̀ a ɩ̃ nɩ-bʋʋrɛ.
Nyɩ paalɩ a bɔwrɩ,
nyɩ ír a kʋsɛbɛ bɛr,
nyɩ bà bãwfʋ ʋ zɛw a nɩ-bʋʋrɛ ƴãw.
11A Sore ɩ na bɛ wõ a ʋ kɔkɔr
tɩ tɔ a tẽw baarʋ zie.
Nyɩ yel a Sɩyɔ̃ tẽ-kpɛ̃ɛ:
«A fʋ Faarɛ tarɛ na.
Ʋ tɛr'ɩ a nɩbɛ ʋ na páw a lɛb waar'ɩ,
ʋ lɛb'a waar'ɩ a ʋ tuo bom#62:11 Nyɛ̃ 40.10 nɩ a manʋ..»
12Bɛ na bʋɔlɛ bɛ nɩ “Nɩ-bʋʋr-sõw”,
“nɩbɛ a Sore na ya de a”.
Ɛ́ fʋ̃ʋ, Zerizalɛm i, bɛ kʋ̃ cãà bʋɔlɛ fʋ
“a tẽ-kpɛ̃ɛ bɛ na zawrɩ bɛr a ɩ”,
bɛ na bʋɔlɛ fʋ nɩ “tẽ-kpɛ̃ɛ bɛ na bɔbr a”.
Currently Selected:
Ɩzayi 62: DBDC
Highlight
Copy
Compare
Share
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.
