Ɩzayi 60
60
A Zerizalɛm na ɩ n cãà a tẽ-daa ƴãw
1Ìr àr, Zerizalɛm i! Nyɩwrɛ fʋ za.
Bʋ̃ʋ n'ʋ vɛ̃, a fʋ cãà waar'a,
a Sore yúor-vɩɛlʋ-danʋ pure nɩ a fʋ zu!
2Jɩ́r nyɛ̃: lige pàw nɩ a tẽw,
ulu pili na pàw a nɩ-bʋʋrɛ.
Ɛcɛ fʋ̃ʋ a, a Sore pure nɩ a fʋ zu mɛ̃ mʋ̃tɔ̃w a,
ɛ́ a ʋ yúor-vɩɛlʋ-danʋ nyɩwrɛ a fʋ zu.
3A nɩ-bʋʋr-yoru
na cere na wɩɛr a fʋ cãà zie,
ɛ́ a na-mɩnɛ wɩɛr a fʋ cãà na pùr caalɩ a zie.
4Dʋɔ a zu a ziir za ɛ́ nyɛ̃:
bɛ za ɓanɛ nɩ taa, bɛ waar'ɩ a fʋ zie.
A fʋ bidɛbr yi n zi-zãána tarɛ,
ɛ́ nɩbɛ pɛ̀w pɛ̀w a fʋ pɔwyaar.
5Fʋ na nyɛ̃ na, ɛ́ a fʋ niwn caalɩ,
nʋ̃ɔ̀ na ɩrɛ fʋ na ɛ́ ƴãw cɩrɛ fʋ.
Bʋ̃ʋ n'ʋ vɛ̃, a kʋ̃ɔ-kpɛ̃ɛ na-bome
na waar'ɩ a fʋ zie,
a nɩ-bʋʋr-yoru tɛra
na wa na wa ta a fʋ zie.
6Nyɔ̃wmɩ na yɛ̀r'a pàw a fʋ tẽw,
Madian#60:6 Madian nɩ Eifa: Arabʋ bʋʋrɛ kãw nɛbɛ. Saba: Arabi tẽw saa-pɛrɩ́-dʋrʋ-lowr'a ʋ be. nɩ Eifa ten nyɔ̃wmɩ-pɔlɛ.
A Saba tẽw dem za na wa na.
Bɛ na wa n nɩ salm-zɩɛ
nɩ tɩ-suur-zɔ̃-na-nyùur-vla-vla-a,
yiele danɛ nɩ a Sore.
7A Sore yere na:
«A Kedaar#60:7 Kedaar nɩ Nebayɔtɩ: Arabʋ bʋʋrɛ mɩ̀ cãà nɛbɛ. tẽw bʋʋr nɩ píir
na ɓã n taa a fʋ zie.
Fʋ̃ʋ na so a Nebayɔtɩ tẽw pʋ́rɩ
a fʋ bagɛ maalʋ ƴãw.
Bɛ na mɩ́ de a na tɩr
a ɩ̃ bàwr-maal-kuur zu,
ɛ́ a na mɩ́ ɩ n bàwr na pɛlɩ a ɩ̃ pʋɔ a.
À ŋá n'a ɩ̃ na wul a ɩ̃ yir vɩɛlʋ-danʋ.
8Tẽbowle n'ɩ a nɩbɛ bɛ ŋa
na mɩ́ ƴáw mɛ̃ zũzuwr a,
mɛ̃ naŋmamɛ na ƴáwr cere a kpɛb zie a?
9A tẽ-zãánɩ dem tɩ́ɛrɛ mɛ̃ na.
A Tarsisɩ tẽw gbor-bɛrɛ duwre nɩ a nidaa,
k'aa lɛb tɛr a fʋ bibiir zi-zãána zãána wa n,
lãwnɩ a bɛ salm-pla nɩ a bɛ salm-zɩɛ.
Bɛ waar'a kɛ́ bɛ́ wa ír a ɩ̃ yúor-vɩɛlʋ-danʋ,
a mãa, fʋ Naaŋmɩn,
a Ɩsɩrayɛl Naaŋmɩn na ɩ sõw a,
a mãa na ɩ kɛ̀ fʋ nyɛ̃ a ƴãwfʋ ŋa a.»
10A Sore yere nɩ a Zerizalɛm zie:
Sãanbɛ nɛbɛ na lɛb mɛ a fʋ dacĩ-bɛrɛ,
ɛ́ a bɛ na-mɩnɛ be a fʋ tome tob ƴãw.
Bʋ̃ʋ n'ʋ vɛ̃, ɩ̃ tɩ nyɛ̃ nɩ suur, ŋmɛ b.
Ɛcɛ ƴɛrɛŋa a ɩ̃ pʋ-pɩɛlʋ pʋɔ a,
ɩ̃ lɛb'a wule fʋ a ɩ̃ nɔ̃wfʋ.
11A fʋ dɩ̃dɛɛ na mɩ́ yuo na gã kʋralɛ.
Bɛ bɛ pàwr a a mʋ̃tɔ̃w nɩ a tɩ̃ɩsɔw ɛ.
Lɛ n'a bɛ na ɩ a nɩ-bʋʋr-yoru
na-bome kpɛ a fʋ pʋɔ,
lãwnɩ a bɛ na-mɩnɛ na cɔrɩ tu taa a.
12A nɩ-bʋʋrɛ bɛl bɩɩ a naalʋ-tẽw ʋl
nãà wa zawrɩ na tone a fʋ tome a,
bɛ kʋ̃ cãà ɩ.
A nɩ-bʋʋrɛ bɛl na lo n pelẽpelẽ.
13A tɩ-vɩɛlɩ na ɩ a Libã tẽw dɛpaalʋ a,
a sɩpɩrɛ tɩɩr, a pɛ̃ tɩɩr nɩ a biwi tɩɩr dàar
na ta n a fʋ zie,
k'aa wa ɩ a ɩ̃ zi-sõw ʋ vɩɛl.
À ŋá n'a ɩ̃ na ɩ,
a zie ʋl ɩ̃ na be a tɛr yúor.
14A bɛlɩ dem na tɩ dɔwrɛ fʋ a
na su n zuru taw pɩɛl'ɩ fʋ,
a bɛlɩ dem za na tɩ ɩ b la a
na lo na vɔblɩ muru a fʋ pile.
Bɛ na bʋɔlɛ fʋ nɩ “A Sore tẽ-kpɛ̃ɛ”,
“A Ɩsɩrayɛl Naaŋmɩn na ɩ sõw a Sɩyɔ̃”.
15A nɩbɛ tɩ zawrɩ fʋ na bɛr,
bɛ bɛ tɩ nɔnɛ fʋ ɛ,
ɛ́ nɩr za bɛ tɩ tuur yire a fʋ zie ɩ.
Ƴɛrɛŋa a, ɩ̃ na maalɩ fʋ na fʋ vɩɛl kʋralɛ,
mɩ́ ƴãw a nɩbɛ cɩlɛ yome yome za.
16Fʋ na nyúur'ɩ a nɩ-bʋʋr-yoru bʋ̀rʋ,
fʋ na dɩrɛ nɩ a bɛ na-mɩnɛ na-bome.
Lɛ n'a fʋ na bãw k'aa mãa,
a Sore, mãa n'ɩ a fʋ faarɛ,
k'aa mãa, a Zakɔb Naaŋmɩn, na tɛr kpɛnʋ a,
mãa n'ɩ a fʋ ya-diere.
17Ɩ̃ na ɩ na salm-zɩɛ lɩɛrɩ kur-zɩɛ wa,
salm-pla lɩɛrɩ kure wa,
kur-zɩɛ lɩɛrɩ a dàar wa,
kure lɩɛrɩ a kʋsɛbɛ wa.
A ƴã-ɓaarʋ n'ʋ ɩ̃ na ƴãw ʋ jɩ́rɛ fʋ,
ɛ́ a mɩnʋ dɩrɛ naalʋ a fʋ zu.
18Nɩr kʋ̃ lɛb wõ bɛ ƴɛ̀r
po-to-fãw-ɩb ƴɛ̀rʋ a fʋ tẽw pʋɔ ɛ,
bɛ ƴɛ̀r zie na sãw a nɩ kpɩɛrʋ ƴɛ̀rʋ
a zie a fʋ tʋr-bɔwrɩ na viiri koli a pʋɔ ɛ.
Fʋ na bʋɔlɛ nɩ a fʋ dacĩ-bɛrɛ “Faafʋ”,
ɛ́ bʋɔlɛ a fʋ dɩ̃dɛɛ “Danʋ”.
19A mʋ̃tɔ̃w bɛ n'ʋ na cãà ɩ a fʋ bibir cãà ɩ,
ɛ́ a cuw ɩ a fʋ tɩ̃ɩsɔw cãà ɩ.
A mãa, a Sore fʋ Naaŋmɩn,
ɩ̃ na caalɛ fʋ nɩ kʋralɛ,
ɩ̃ na caalɛ fʋ na nɩ a ɩ̃ cãà na na caalɩ ʋ za a.
20A fʋ mʋ̃tɔ̃w bɛ lɛb kpɩɛr ɛ,
a fʋ cuw bɛ lɛb kpiir ɛ,
bʋ̃ʋ n'ʋ vɛ̃, a mãa, a Sore a,
ɩ̃ na caalɛ fʋ nɩ kʋralɛ.
A fʋ wahala bibie na baar'a.
21A fʋ nɩbɛ za na ɩ n nɩ-mɩn,
bɛ na so nɩ a tẽw ŋa kʋralɛ.
Ɩ̃ ír bɛ na nɩ a ɩ̃ nuru
kɛ́ bɛ wule a ɩ̃ yúor-vɩɛlʋ-danʋ.
Bɛ ɩ na mɛ̃ tɩɩr mãa mɩŋa na sɛl a.
22A bɛ pʋɔ a, a pʋrɩ za na lɩɛb'ɩ nɩbɛ túr,
a bãbàal woro na lɩɛb'ɩ nɩ-bʋʋrɛ na kpɛmɛ a.
A mãa, a Sore a,
ɩ̃ na páw nɩ fɔ̃w maalɩ a yel ŋa,
a daar wa ta a.
Currently Selected:
Ɩzayi 60: DBDC
Highlight
Copy
Compare
Share
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.
