Ɩzayi 54
54
A Sore bɛ cãà zawrɩ a Zerizalɛm bɛr ɛ
1Zerizalɛm i, lɔbr nʋ̃ɔ̀ cɛlsɩ,
fʋ̃ʋ na bɛ tɩ cãà tɛr bibiir a.
Lɔbr nʋ̃ɔ̀ cɛlsɩ cɩlɛ nɩ,
fʋ̃ʋ na bɛ tɩ cãà dɔwr a.
Bʋ̃ʋ n'ʋ vɛ̃, a Sore yere nɩ à ŋá a fʋ zie:
«Fʋ̃ʋ, pɔw-zawr-bɛra a,
fʋ tɛr'ɩ bibiir ƴɛrɛŋa zuo a pɔw na tɛr sɩr a.»
2Yɛ̀lɩ a fʋ pɛn-sɛw,
ɩ a fʋ kpɛb zie pɛnɛ a yɛlmɛ dɔwlɩ,
ta ƴɛ̀rɛ libie ƴɛ̀rʋ ɛ.
Ɩ a míe a wõwme dɔwlɩ,
ɛ́ fʋ kpa a kpawbie a kpɛmɛ.
3Bʋ̃ʋ n'ʋ vɛ̃, fʋ na yɛ́r'a pàw a ziir za,
a fʋ bibiir na so nɩ a tẽ-kpɔwlɩ,
ɛ́ lɛb kpɩɛr a tẽ-bɛrɛ
bɛ na bɛ tɩ cãà kpɩɛr a.
4Ta zɔrɛ dɛ̃bɩ̃ɛ ɩ,
vĩ kʋ̃ cãà ɩrɛ fʋ ɛ.
A fʋ tɩɛrʋ, ʋ ta damnɛ fʋ ɛ,
bɛ kʋ̃ cãà tʋʋr fʋ ɛ.
Fʋ na yiir'ɩ a fʋ pɔ̀lʋ daar vĩ bɛr,
fʋ kʋ̃ cãà bãwnɩ a fʋ pɔw-kʋɔlʋ zʋmɛ ɩ.
5Bʋ̃ʋ n'ʋ vɛ̃, a sob nɛ na ír fʋ a
n'ʋ na ɩ a fʋ sɩr,
a sob nɛ a yúor na dɩ
k'aa Sore, a kpɛnʋ-za-sob a.
A sob nɛ na yarɛ dier fʋ a,
a Ɩsɩrayɛl Naaŋmɩn na ɩ sõw a n'ʋ,
a sob nɛ bɛ na bʋɔlɛ a “tẽ-daa Sore” a.
6A fʋ pʋɔ za tɩ sãw na,
mɛ̃ pɔw bɛ na zawrɩ bɛr a.
Ɛcɛ a Sore lɛb'a de b.
A fʋ Naaŋmɩn yere na:
Nɩr na tʋ̃ɔ́ na sɩrɩ zawrɩ
a pɔ̀lʋ daar pɔw bɛr ɩ?
7Ɩ̃ tɩ zawr fʋ na bɛr blãlɛ tɛwr,
ɛcɛ ɩ̃ lɛb'a dier fʋ
nɩ su-ɓaarʋ na ɩ kpɛ̃ɛ a.
8Ɩ̃ tɩ nyɛ̃ nɩ fʋ nɩ suur yaga za,
zawrɩ na nyɛ b zaa pʋrɩ.
Ɛcɛ nɔ̃wfʋ na bɛ tɛr baarʋ a n'ʋ
ɩ̃ wule nɩ fʋ a ɩ̃ su-ɓaarʋ.
A mãa, a Sore, mãa n'ʋ
yere à á ŋá kʋ̀rɛ fʋ,
mãa na yarɛ dier fʋ a.
9«Ɩ̃ na ɩ na mɛ̃ a Nowe daar a.
Ɩ̃ tɩ pɔ na k'aa kʋ̃ɔ-paalʋ kʋ̃ɔ
kʋ̃ lɛb paalɩ pàw a tẽw ɛ.
Lɛ mɩ̀ n'a ɩ̃ pɔrɛ yere kʋ̀rɛ fʋ a dɩ̃a,
k'ɩ̃ɩ kʋ̃ lɛb nyɛ̃ nɩ fʋ suur ɛ,
k'ɩ̃ɩ kʋ̃ lɛb tanɩ fʋ ɛ.
10A tan saa na ìr tɩ àr zi-yoru,
ɛ́ a tãli damnɛ a,
a nɔ̃wfʋ ɩ̃ na nɔnɛ fʋ a bɛ lɩɛbɛ towtow ɛ,
a wõ-taa ɩ̃ na maal'ɩ fʋ a fʋ nʋ̃ɔ̀ ƴãw a,
kʋ̃ bãw damnʋ towtow ɛ.
A mãa, a Sore, mãa n'ʋ yere a lɛ kʋ̀rɛ fʋ,
mãa na tɛr a ɩ̃ su-ɓaarʋ a fʋ zie a.»
A Sore na lɛb'a mɛ a Zerizalɛm
11Zerizalɛm baw-bio na páw a,
saa waar'a lãwnɩ sɛsɛb ŋmɩɛr fʋ,
ɛ́ nɩr za bɛ be be na mɔwlɩ fʋ ɛ.
«A mãa, a Sore, ɩ̃ na lɛb'a mɛ b
nɩ kʋsɛbɛ bɛ na ƴãw bʋ̃-ƴãwnɩ a vɩɛl a.
Kʋsɛ-bi-nyɩlɩ bɛ na bʋɔlɛ safɩɩr a n'a
ɩ̃ na bin nɩ a fʋ pɛr.
12A dacine saa-zu na ɩ n
kʋsɛ-bi-nyɩlɩ bɛ na bʋɔlɛ iribi a,
a fʋ dɩ̃dɛɛ na ɩ n
kʋsɛbɛ na mɩ́ cuoli cuoli a.
A fʋ dacine za na viiri koli fʋ a
na ɩ n kʋsɛ-bi-nyɩlɩ vɩɛlɩ vɩɛlɩ.
13Ɩ̃ na wule nɩ a fʋ bibiir za,
ɛ́ bɛ na tɛr'ɩ ƴã-ɓaarʋ yaga.
14A mɩnʋ n'a na tɩɛ fʋ.
Fʋ kʋ̃ cãà zɔrɛ bom za dɛ̃bɩ̃ɛ ɩ,
fɛrʋ za na na zãá nɩ fʋ a ƴãw.
A dɛ̃bɩ̃-kpɛ̃ɛ na zãá nɩ fʋ na,
ʋ kʋ̃ lɛb ta b ɛ.
15Bɛlɛ wa wa ŋmãa nɩ fʋ zɛbr a,
a kʋ̃ yi mãa zie ɩ.
Nɩr wa ŋmãa nɩ fʋ zɛbr a,
ʋ na lo n a fʋ niŋé.
16Nyɛ̃, mãa n'ʋ ír a sãa-kpɩɛrɛ,
ʋl na mɩ́ zuwr a sãa-vũu ƴãwn
maalɛ nɩ zɛbr-bʋ̃-pɛ-bʋʋrɛ za a.
Mãa mɩ̀ n'ʋ ír a nɩr ʋl na na tʋ̃ɔ́ sãw
a zɛbr bome á ŋá bɛr a.
17Zɛbr bom kãw za bɛ na maalɩ a fʋ ƴãw a,
kʋ̃ tʋ̃ɔ́ ɩ b faa ɩ.
Nɩr za nãà wa yere a fʋ sãwna a ƴɛ̀rʋ-dɩb zie a,
fʋ na tʋ̃ɔ́ na ƴɛ̀r wul k'ʋʋ sãw na.
A bom ɩ̃ na bin gùre nɩ
a ɩ̃ tõ-tõ-biir a n'ɩ à ŋà,
à ŋá n'a ɩ̃ wule a bɛ mɩnʋ,
a Sore n'ʋ yere.»
Currently Selected:
Ɩzayi 54: DBDC
Highlight
Copy
Compare
Share
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.
