Popular Bible Verses from Ɩzayi 54

Share

Zɛbr bom kãw za bɛ na maalɩ a fʋ ƴãw a, kʋ̃ tʋ̃ɔ́ ɩ b faa ɩ. Nɩr za nãà wa yere a fʋ sãwna a ƴɛ̀rʋ-dɩb zie a, fʋ na tʋ̃ɔ́ na ƴɛ̀r wul k'ʋʋ sãw na. A bom ɩ̃ na bin gùre nɩ a ɩ̃ tõ-tõ-biir a n'ɩ à ŋà, à ŋá n'a ɩ̃ wule a bɛ mɩnʋ, a Sore n'ʋ yere.»

A tan saa na ìr tɩ àr zi-yoru, ɛ́ a tãli damnɛ a, a nɔ̃wfʋ ɩ̃ na nɔnɛ fʋ a bɛ lɩɛbɛ towtow ɛ, a wõ-taa ɩ̃ na maal'ɩ fʋ a fʋ nʋ̃ɔ̀ ƴãw a, kʋ̃ bãw damnʋ towtow ɛ. A mãa, a Sore, mãa n'ʋ yere a lɛ kʋ̀rɛ fʋ, mãa na tɛr a ɩ̃ su-ɓaarʋ a fʋ zie a.»

Ta zɔrɛ dɛ̃bɩ̃ɛ ɩ, vĩ kʋ̃ cãà ɩrɛ fʋ ɛ. A fʋ tɩɛrʋ, ʋ ta damnɛ fʋ ɛ, bɛ kʋ̃ cãà tʋʋr fʋ ɛ. Fʋ na yiir'ɩ a fʋ pɔ̀lʋ daar vĩ bɛr, fʋ kʋ̃ cãà bãwnɩ a fʋ pɔw-kʋɔlʋ zʋmɛ ɩ.

Bʋ̃ʋ n'ʋ vɛ̃, a sob nɛ na ír fʋ a n'ʋ na ɩ a fʋ sɩr, a sob nɛ a yúor na dɩ k'aa Sore, a kpɛnʋ-za-sob a. A sob nɛ na yarɛ dier fʋ a, a Ɩsɩrayɛl Naaŋmɩn na ɩ sõw a n'ʋ, a sob nɛ bɛ na bʋɔlɛ a “tẽ-daa Sore” a.

Yɛ̀lɩ a fʋ pɛn-sɛw, ɩ a fʋ kpɛb zie pɛnɛ a yɛlmɛ dɔwlɩ, ta ƴɛ̀rɛ libie ƴɛ̀rʋ ɛ. Ɩ a míe a wõwme dɔwlɩ, ɛ́ fʋ kpa a kpawbie a kpɛmɛ.

Ɩ̃ na wule nɩ a fʋ bibiir za, ɛ́ bɛ na tɛr'ɩ ƴã-ɓaarʋ yaga.

Ɩ̃ tɩ nyɛ̃ nɩ fʋ nɩ suur yaga za, zawrɩ na nyɛ b zaa pʋrɩ. Ɛcɛ nɔ̃wfʋ na bɛ tɛr baarʋ a n'ʋ ɩ̃ wule nɩ fʋ a ɩ̃ su-ɓaarʋ. A mãa, a Sore, mãa n'ʋ yere à á ŋá kʋ̀rɛ fʋ, mãa na yarɛ dier fʋ a.

Ɩ̃ tɩ zawr fʋ na bɛr blãlɛ tɛwr, ɛcɛ ɩ̃ lɛb'a dier fʋ nɩ su-ɓaarʋ na ɩ kpɛ̃ɛ a.

«Ɩ̃ na ɩ na mɛ̃ a Nowe daar a. Ɩ̃ tɩ pɔ na k'aa kʋ̃ɔ-paalʋ kʋ̃ɔ kʋ̃ lɛb paalɩ pàw a tẽw ɛ. Lɛ mɩ̀ n'a ɩ̃ pɔrɛ yere kʋ̀rɛ fʋ a dɩ̃a, k'ɩ̃ɩ kʋ̃ lɛb nyɛ̃ nɩ fʋ suur ɛ, k'ɩ̃ɩ kʋ̃ lɛb tanɩ fʋ ɛ.

A dacine saa-zu na ɩ n kʋsɛ-bi-nyɩlɩ bɛ na bʋɔlɛ iribi a, a fʋ dɩ̃dɛɛ na ɩ n kʋsɛbɛ na mɩ́ cuoli cuoli a. A fʋ dacine za na viiri koli fʋ a na ɩ n kʋsɛ-bi-nyɩlɩ vɩɛlɩ vɩɛlɩ.