Ɩzayi 53
53
1Ãa n'ʋ sàw de a yel tɩ na wõ a?
Ãa n'ʋ nyɛ̃ a Sore kpɛnʋ bãw?
2A Sore niŋé a,
a tõ-tõ-bie tɩ bàa na mɛ̃ vale a,
mɛ̃ va-kũule na tɛ̀ nyɩgɛ tẽ-kõw pʋɔ a.
A sãáfʋ nɩ a vɩɛlʋ al bʋʋrɛ
a nɩbɛ na mɩ́ jɩ́rɛ a, ʋ bɛ tɩ tɛr a ɩ.
A ʋ ŋmɛ̃a bɛ tɩ ɩrɛ tɩ nʋ̃ɔ̀ ɛ.
3A nɩbɛ za tɩ jewr'ʋ na ɛ́ zawr'ʋ bɛr.
Nɩr na wone tuo a tɩ n'ʋ,
nɩr na mili nɩ a 'wɔbrʋ a.
Ʋ tɩ ɩ na mɛ̃ nɩr
nɩr za na bɛ bɔbr k'ʋʋ jɩ́r kaa a.
Tɩ tɩ jewr'ʋ na,
tɩ tɩ nyɛ̃ ʋ na ʋ bɛ ɩ bom za ɩ.
4Zɩ̃ k'aa tɩ bàalʋ n'a ʋ tɩ tuo,
a tɩ wʋ̀ʋr'a tɩ dĩ ʋ.
Ɛ́ tɩɩm tɩ tɩ́ɛrɛ kɛ́ Naaŋmɩn n'ʋ
dɔwrɛ ʋ a lɛ,
kɛ́ Naaŋmɩn n'ʋ ŋmɩɛr ʋ ɛ́ ƴãwnɛ ʋ vĩ.
5Ɛcɛ a tɩ ɩ-faar'a so bɛ cɔ̀r ʋ col,
a tɩ yel-bebe zũú n'a bɛ ƴɛ́r ʋ ŋmɛr.
A dɔwrʋ ʋl na ɩ kɛ̀ tɩ páw a ƴã-ɓaarʋ a,
ʋl zu n'a k'ʋ lo.
Ɛ́ a ʋ natɩɛ n'a so kɛ̀ tɩ nyɛ̃ a sanʋ.
6Tɩ za tɩ bɔrɛ na gʋɔr mɛ̃ píir a,
ŋa tuur ʋ sɔ́r, ŋa tuur ʋ sɔ́r.
Ɛcɛ a Sore ɩ na a tɩ za sãwna lo a ʋ zu.
7Bɛ dɔwr'ʋ na, ʋʋ siwri ʋ tʋɔra,
ʋ bɛ háa nʋɔr ɛ.
Mɛ̃ péle bɛ na cere nɩ a kʋb zie a,
mɛ̃ pɛ́rʋ bɛ na ŋmarɛ a kɔblʋ ʋʋ àr gbili a,
ʋ bɛ háa nʋɔr ɛ.
8Bɛ nyɔw ʋ na, bɛ dɩ n ʋ nɩ ƴɛ̀rʋ,
bɛ kʋ ʋ na ír bɛr.
Ɛcɛ ãa n'ʋ tɩ cɛlɩ a ʋ yele zie?
Bɛ ír ʋ na bɛr a nɩ-vʋʋrɩ tẽw zu,
a ʋ nɩbɛ sãwna ƴãw n'a bɛ kʋ ʋ.
9Bɛ ũù ʋ na lãwnɩ nɩ-faar,
a ʋ yàa be n tɛra dem yarʋ pʋɔ,
ʋ na saa bɛ maalɩ yel-faa za,
ɛ́ ziri bɛ dãw yi a ʋ nʋɔrɩ́ a.
10Ɛcɛ a Sore kʋ̀ n yel-mɩŋa
a ʋ tõ-tõ-bie a kpɩɛrʋ na dĩ a.
Ɛ́ a sob nɛ na lɩɛrɩ nɩbɛ
de a ʋ nyɔ-vʋʋrʋ tɩr a,
ʋ ɩ na k'ʋ lɛb nyɛ̃ àrʋ zie.
A ʋ tõ-tõ-bie na tɛr'ɩ bʋʋrɛ ɛ́ cãà vʋʋrɩ cɛlɩ.
Ʋlɛ n'ʋ na ɩ a Sore pʋ-tɩɛrʋ maalɩ.
11A Sore yere na:
«A tuo a ɩ̃ tõ-tõ-bie na wõ a zũú,
ʋ na nyɛ̃ nɩ a cãà, nʋ̃ɔ̀ na paalɩ ʋ na.
A ɩ̃ tõ-tõ-bie na ɩ a nɩ-mɩŋa tɔr za a
na ɩ na nɩ-yaga yaga lɩɛbɩ nɩ-mɩn,
ʋ na de a bɛ yel-bebe tuo a ƴãw.
12Alɛ n'a so ɩ̃ ƴãwnɛ ʋ
a nɩbɛ na ɩ bɛrɛ zuo bɛ za a pʋɔ.
Ʋlɛ nɩ a gãdaar nɛbɛ na lãw põ
a zɛbr na-bome bɛ na fa a.
Bʋ̃ʋ n'ʋ vɛ̃, ʋ nyɛ̃ nɩ ʋ tʋɔra sàw a kũu,
ɛ́ bɛ sɔ́r ʋ ƴãw a nɩ-faar pʋɔ,
ʋ tuo nɩ nɩ-yaga yaga faalʋ,
ɛ́ ɩ a yel-bebe dem tãpɛlʋ sob.»
Currently Selected:
Ɩzayi 53: DBDC
Highlight
Copy
Compare
Share
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.
