Ɩzayi 45
45
A Sore ka n nũu ƴãw a nãà Siirisɩ
1À ŋá n'a a Sore ƴɛ̀rɛ
a ʋ nɩ-kabra Siirisɩ zie:
«Ɩ̃ tɩ̀ɛrɛ fʋ na k'ɩ̃ɩ ɩ fʋ so a nɩ-bʋʋrɛ,
k'ɩ̃ɩ faa a na-mɩnɛ nɩ-kpɛ̃ɛnʋ,
ɛ́ yuo a tẽ-bɛrɛ dɩ̃dɛɛ pamɛ
na kpa kɛ́ jɩ̀r a, a fʋ niŋé.
2Mãa mɩŋa na de fʋ nɩ niwn,
k'ɩ̃ɩ ɩrɛ a gbĩgbine a lɩɛbɛ
tẽsɔw na man taa a,
k'ɩ̃ɩ kárɛ a kur-zɩɛ pamɛ bɛrɛ,
nɩ a kure bɛ na jɩ̀r'ɩ a pamɛ a.
3Ɩ̃ na kʋ̀ b'ɩ a libie na bin a lige pʋɔ a,
nɩ a na-bome na sɔwlɩ a.
Lɛ n'a fʋ na bãw kɛ́ mãa n'ɩ a Sore,
a sob nɛ na yel a fʋ yúor bʋɔlɩ fʋ a,
a mãa, a Ɩsɩrayɛl Naaŋmɩn.
4A ɩ̃ tõ-tõ-bie Zakɔb ƴãw n'a,
ʋ̃ʋ, a Ɩsɩrayɛl ɩ̃ na kaa ír a ƴãw n'a
ɩ̃ yel a fʋ yúor bʋɔlɩ fʋ.
Ɩ̃ ƴãwnɛ fʋ na, ɛ́ fʋ bɛ bãw mɛ̃ ɩ.
5Mãa n'ɩ a Sore,
kãw bɛ lɛb ka be ɩ.
Mãa bɛ wa n'ʋ a, Naaŋmɩn bɛ ka be ɩ.
Fʋ bɛ bãw mɛ̃ ɩ,
ɛcɛ ɩ̃ kʋ̀rɛ fʋ a tome.
6À ŋá n'a a saa-pɛrɩ́
tɩ tɔ a mʋ̃tɔ̃w-kpɛb-lowr,
bɛ na bãw kɛ́ mãa bɛ wa n'ʋ a,
bom za bɛ ka be ɩ.
Mãa n'ɩ a Sore,
kãw bɛ lɛb ka be ɩ.
7Ɩ̃ mɩ́ maal'ɩ a cãà, ɛ́ ír lige.
Ɩ̃ mɩ́ ƴãw nɩ a nʋ̃ɔ̀, ɛ́ ír a kpɩɛrʋ.
A mãa, a Sore, mãa n'ʋ ɩrɛ à á ŋá za.
8Salom i, bɛr a mɩnʋ
ʋ yi a saa-zu be siw mɛ̃ ɓɩɛlʋ a.
A zũzuwe, a ɩ ʋ cir mɛ̃ a saa a!
A tẽw, ʋ yuo,
a faafʋ nyɛ̃ maalʋ ɛ́ a mɩnʋ bul!
A mãa, a Sore, mãa n'ʋ ír a bome á ŋá za.»
A yawra nɩ a yawr-mɩɛrɛ
9Baw-bio n'a, a nɩr fʋ na nyɛ̃
ʋ zɛbr'ɩ a sob nɛ na maalɩ ʋ a.
A nɩsaal ɩ na mɛ̃ tanɛ laa a la-taabɛ pʋɔ a.
A yawra na sowre nɩ a sob na mɩɛr'ɩ ʋ a:
«Bʋ̃ʋ n'ʋ fʋ ɩrɛ ɛ?
A fʋ laa bɛ tɛr pɛr ɛ.»
10Baw-bio n'a, a nɩr fʋ na nyɛ̃
ʋ sʋ̃ɔmɩ yere sãà kãw zie:
«Bi-bʋ̃ʋ n'ɩ à ŋà fʋ na dɔw a?»
Ɛ́ yere mã kãw zie: «Bʋ̃ʋ n'ʋ fʋ dɔw?»
11À ŋá n'a a Sore yere,
ʋl na cɔbrɩ a ʋ nɩ-bʋʋrɛ Ɩsɩrayɛl,
ɛ́ ɩ a ʋ Naaŋmɩn na ɩ sõw a:
«Nyɩmɛ nɛbɛ na tɛr sowru a ɩ̃ zie
a ɩ̃ bibiir nɩdaar yele ƴãw,
ɛ́ yere a lɛ a na fɛr k'ɩ̃ɩ ɩ a kʋ̀rɛ mɛ̃ bɩɩ?
12Mãa n'ʋ maalɩ a tẽw,
ɛ́ ír a nɩsaalbɛ na kpɩɛr ʋ a.
Mãa n'ʋ dɔl a salom nɩ a ɩ̃ nuru,
ɛ́ mɩ́ yel a ŋmar-bi-pɩlwɩlɩ
a lɛ a na fɛr k'aa ɩrɛ a.
13Mãa n'ʋ ɩ a nɩr#45:13 Nyɛ̃ 41.2 nɩ a manʋ. ŋa yi lo a sɔ́r,
mɛ̃ a lɛ a mɩnʋ na tu a,
ɩ̃ɩ na ɩ n a ʋ sɛ́ɛ za a man taa.
Ʋlɛ n'ʋ na lɛb mɛ a ɩ̃ tẽ-kpɛ̃ɛ, a Zerizalɛm.
Ʋ na bɛr'ɩ a ɩ̃ nɩbɛ bɛ na diw cen nɩ a,
bɛ lɛb wa,
ɛ́ bɛ bɛ yarɛ bom, bɛ tɩrɛ bom ɛ.
A Sore, a kpɛnʋ-za-sob'ʋ yel.»
Ɩsɩrayɛl i, a Naaŋmɩn be n a fʋ zie
14À ŋá n'a a Sore yere:
«Ɩsɩrayɛl i, a Eziptɩ tẽw dem tome tɔnɛ,
a Etiopi tẽw dem yɛ-yɛrbɛ libie,
a Seva tẽw dem, a nɩ-jarmam jarmam bɛ ŋa,
a za na tɔl'ɩ a fʋ zie, ɛ́ fʋ̃ʋ na so a.
A nɩbɛ bɛ ŋa na tuur fʋ na, ƴãw bamɛ.
Bɛ na gbĩ n dume a fʋ niŋé,
ɛ́ puori à ŋá a fʋ zie:
“Fʋ zie yõ n'a a Naaŋmɩn be,
kãw bɛ lɛb ka be ɩ.”»
15Ɩsɩrayɛl Naaŋmɩn i, fʋ̃ʋ na faarɛ a,
fʋ sɩrɩ na ɩ Naaŋmɩn na sɔwlɩ a!
16Vĩ nɩ zʋmɛ n'a
a bɛlɩ dem na maalɛ a tɩbɛ a zie.
Bɛ cere nɩ bɛ za ɛ́ a zʋmɛ tuur bɛ.
17Ɛcɛ a Sore faa nɩ a Ɩsɩrayɛl
faafʋ na be kʋralɛ a.
Nyɩɩm na ɩ a ʋ nɩbɛ a,
nyɩ bɛ be za na lɛb nyɛ̃ vĩ nɩ zʋmɛ ɩ, towtow!
Faafʋ na yel cãamɩ́ a
18À ŋá n'a a Sore yere,
ʋl na ír a salom a,
ʋl na ɩ a Naaŋmɩn na maalɩ a tẽw a,
na cɔbrɩ ʋ ɛ́ ɩ ʋ kpɛmɛ a.
Ʋ bɛ ír ʋ ʋ ɩ vuo gã ɩ,
ʋ maal'ʋ na kɛ́ bɛ kpɩɛr ʋ.
A lɛ pʋɔ n'a ʋ yere à ŋá:
«A Sore a, mãa n'ʋ,
kãw bɛ lɛb ka be ɩ.
19Ɩ̃ bɛ sɔwlɩ ƴɛ̀r a tẽw zie kãw na liw a ɩ.
Ɩ̃ bɛ yel a Zakɔb bʋʋrɛ:
Nyɩ bɔbr mɛ̃ zi-vuo pʋɔ ɩ.
A mãa Sore a, ɩ̃ yere nɩ bom na tu mɩnʋ a,
ɩ̃ yere nɩ bom na ɩ sɩza a.»
A nɩ-bʋʋrɛ za na bãw nɩ a Naaŋmɩn-sɩza
20Nyɩɩm na cɛ a nɩ-bʋʋrɛ sɔgɔ a,
nyɩ ɓã taa wa, nyɩ lãw taw pɩɛlɩ.
A bɛlɩ dem na tuo a bɛ dàa tɩɩb
ɛ́ puore ŋmɩn na kʋ̃ tʋ̃ɔ́ faa bɛ a,
bɛ bɛ bãw bom za ɩ.
21Nyɩ ƴɛ̀r, nyɩ manɩ a nyɩ yel-mɩŋa.
Nyɩ lãw ƴɛ̀r.
Ãa n'ʋ de niwn ɩ bɛ bãw
a yel na ɩrɛ a ƴɛrɛŋa a?
Ãa n'ʋ yel ʋ a koro kãw za?
A mãa Sore bɛ n'ʋ ɛ?
Naaŋmɩn bɛ lɛb ka be mãa bɛ wa n'ʋ a ɩ.
Naaŋmɩn na tɛr yel-mɩŋa a,
Naaŋmɩn na faarɛ a,
ʋ bɛ ka be a bɛ ɩ a mãa ɩ.
22Nyɩɩm na wɩɛr tɩ kpɩɛr a tẽw baarʋ zie a,
nyɩ lɩɛbɩ cɔw mɛ̃,
ɛ́ nyɩ na nyɛ̃ nɩ a faafʋ.
Bʋ̃ʋ n'ʋ vɛ̃, mãa n'ɩ a Naaŋmɩn,
kãw bɛ lɛb ka be ɩ.
23Mãa mɩŋa n'ʋ ɩ̃ pɔrɛ nɩ,
yel-mɩŋa n'a yire a ɩ̃ nʋɔrɩ́,
ƴɛ̀rʋ na bɛ lɩɛbɛ bɛrɛ a:
dun za na gbĩ n a ɩ̃ niŋé,
nʋɔr za na pɔ n à ŋá:
24«A Sore yõ zie n'a
a mɩnʋ nɩ a kpɛnʋ be.»
Bɛlɩ dem za na zɛb'ɩ mɛ̃ a
na wa n a ɩ̃ zie, ɛ́ vĩ ɩrɛ bɛ.
25Ɛcɛ a mãa zũú a,
a Ɩsɩrayɛl bʋʋrɛ za na páw nɩ a mɩnʋ
danɛ nɩ bɛ tʋɔra.
Currently Selected:
Ɩzayi 45: DBDC
Highlight
Copy
Compare
Share
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.
