Popular Bible Verses from Ɩzayi 45

Share

Ɩ̃ na kʋ̀ b'ɩ a libie na bin a lige pʋɔ a, nɩ a na-bome na sɔwlɩ a. Lɛ n'a fʋ na bãw kɛ́ mãa n'ɩ a Sore, a sob nɛ na yel a fʋ yúor bʋɔlɩ fʋ a, a mãa, a Ɩsɩrayɛl Naaŋmɩn.

Mãa mɩŋa na de fʋ nɩ niwn, k'ɩ̃ɩ ɩrɛ a gbĩgbine a lɩɛbɛ tẽsɔw na man taa a, k'ɩ̃ɩ kárɛ a kur-zɩɛ pamɛ bɛrɛ, nɩ a kure bɛ na jɩ̀r'ɩ a pamɛ a.

Mãa n'ɩ a Sore, kãw bɛ lɛb ka be ɩ. Mãa bɛ wa n'ʋ a, Naaŋmɩn bɛ ka be ɩ. Fʋ bɛ bãw mɛ̃ ɩ, ɛcɛ ɩ̃ kʋ̀rɛ fʋ a tome. À ŋá n'a a saa-pɛrɩ́ tɩ tɔ a mʋ̃tɔ̃w-kpɛb-lowr, bɛ na bãw kɛ́ mãa bɛ wa n'ʋ a, bom za bɛ ka be ɩ. Mãa n'ɩ a Sore, kãw bɛ lɛb ka be ɩ.

Ɩ̃ mɩ́ maal'ɩ a cãà, ɛ́ ír lige. Ɩ̃ mɩ́ ƴãw nɩ a nʋ̃ɔ̀, ɛ́ ír a kpɩɛrʋ. A mãa, a Sore, mãa n'ʋ ɩrɛ à á ŋá za.

Nyɩɩm na wɩɛr tɩ kpɩɛr a tẽw baarʋ zie a, nyɩ lɩɛbɩ cɔw mɛ̃, ɛ́ nyɩ na nyɛ̃ nɩ a faafʋ. Bʋ̃ʋ n'ʋ vɛ̃, mãa n'ɩ a Naaŋmɩn, kãw bɛ lɛb ka be ɩ.

À ŋá n'a a Sore ƴɛ̀rɛ a ʋ nɩ-kabra Siirisɩ zie: «Ɩ̃ tɩ̀ɛrɛ fʋ na k'ɩ̃ɩ ɩ fʋ so a nɩ-bʋʋrɛ, k'ɩ̃ɩ faa a na-mɩnɛ nɩ-kpɛ̃ɛnʋ, ɛ́ yuo a tẽ-bɛrɛ dɩ̃dɛɛ pamɛ na kpa kɛ́ jɩ̀r a, a fʋ niŋé.

Mãa mɩŋa n'ʋ ɩ̃ pɔrɛ nɩ, yel-mɩŋa n'a yire a ɩ̃ nʋɔrɩ́, ƴɛ̀rʋ na bɛ lɩɛbɛ bɛrɛ a: dun za na gbĩ n a ɩ̃ niŋé, nʋɔr za na pɔ n à ŋá

A ɩ̃ tõ-tõ-bie Zakɔb ƴãw n'a, ʋ̃ʋ, a Ɩsɩrayɛl ɩ̃ na kaa ír a ƴãw n'a ɩ̃ yel a fʋ yúor bʋɔlɩ fʋ. Ɩ̃ ƴãwnɛ fʋ na, ɛ́ fʋ bɛ bãw mɛ̃ ɩ.