Ɩzayi 4
4
1A ʋlɩ bibir nɛ a, pɔwbɛ ayopõi
na mɩ́ nyɔw nɩ dɛb-been fɩɩrɩ tɛr ɛ́ yere:
«Tɩ na kaarɛ nɩ a tɩ bʋ̃-dɩrɩ
nɩ a tɩ bʋ̃-suuri zie.
Sàw kɛ̀ tɩ ɩ a fʋ pɔwbɛ,
fʋ ír a tɩ vĩ tɛwr bɛr tɩ!»
A Sore na gù n a Zerizalɛm nɩbɛ na cɛ a
2A ʋlɩ bibir nɛ a, a ʋlɩ bom nɛ a Sore na na ɩ ʋ bul a, na ɩ n a ƴãwfʋ nɩ a yúor-vɩɛlʋ-danʋ. Ɛ́ a ʋlɩ bom nɛ a tẽw na na tɩr a, ɩ a Ɩsɩrayɛl nɩbɛ na cɛ a nyʋ̀ʋ́r nɩ a bɛ yúor. 3Lɛ n'a a bɛlɩ dem na na cãà be a Zerizalɛm a, a bɛl na na cãà vʋʋrɛ a Sɩyɔ̃ a, bɛ na bʋɔlɛ bɛ “Sore nɩ-sori”. A bɛlɩ dem za, a Zerizalɛm, a Sore na sɛb ƴãw a ʋ sɛbɛ pʋɔ kɛ́ bɛ vʋʋrɛ a nɛbɛ. 4A Sore na ɩ na mɩnʋ nɩ vɩɛlʋ sɛsɛb fu. Ʋlɛ wa ír a Zerizalɛm pɔwbɛ dɛwr bɛr à à ŋá a, ʋlɛ wa pɛ́w a zɩ̃ɩ a Sɩyɔ̃ tẽw na ɩ a cir a ʋ pʋɔ a bɛr a, 5a lɛn daar a, ʋ na ɩ na zũzuwr mɩ́ sãá a mʋ̃tɔ̃w, ɛ́ zʋ̀ʋ́r nɩ vũu-zɛlɛ sãá a tɩ̃ɩsɔw a Sɩyɔ̃ tãw zu ziir za, nɩ a bɛlɩ dem za na na ɓã taa a ʋ zu a zu. A Sore yúor-vɩɛlʋ-danʋ na pàw nɩ bom za mɛ̃ pɛn-sɛw-kpɛ̃ɛ a, 6mɛ̃ váar gàr na mɩ́ tɩr ɓaarʋ a bibir tʋlʋ ƴãw, ɛ́ ɩ pib nɩ taw-lanʋ zie a saa na waar lãwnɩ sɛsɛb, nyɩwrʋ nɩ tanʋ a ƴãw.
Currently Selected:
Ɩzayi 4: DBDC
Highlight
Copy
Compare
Share
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.
