Ɩzayi 26
26
A tẽ-kpɛ̃ɛ na kpɛmɛ a nɩ a tẽ-kpɛ̃ɛ na bɛ tɛr tab a
1A ʋlɩ bibir nɛ a Zuda tẽw pʋɔ a,
a nɩbɛ na yiele nɩ yielu ŋa:
«Tɩ tɛr'ɩ tẽ-kpɛ̃ɛ na kpɛmɛ a.
A ʋ gub ƴãw a,
a Sore ƴãw nɩ dacine ayi viiri koli ʋ.
2Nyɩ yuo a dɩ̃dɛɛ,
nyɩ bɛr a nɩ-bʋʋrɛ na tuur a mɩnʋ a bɛ kpɛ,
bɛl na bɛ lɛb pùor a.
3Fʋ mɩ́ tu n tub na bɛ bãw bʋnʋ a,
tɩr a ƴã-ɓaarʋ mɩŋa, Sore e,
bɛ na ƴãw a bɛ tɩɛrʋ a fʋ ƴãw a zũú.
4Nyɩ ƴãw a nyɩ tɩɛrʋ a Sore ƴãw kʋralɛ,
ʋ̃ʋ, a Sore ƴãw,
ʋl na ɩ a Pìir na be kʋralɛ a.
5Bʋ̃ʋ n'ʋ vɛ̃, ʋ bili nɩ a bɛlɩ dem
na kpɩɛr a zi-kɛrɩ zu a bɛr bɛ siw tɩ lo.
Ʋ dáa nɩ a tẽ-kpɛ̃ɛ na bɛ tɛr tab a lɔb,
ʋ dáa ʋ na lɔb a tẽw, ɛ́ ɩ k'ʋ tɔ a tanɛ.
6A nan dem nɩ a bãbàalbɛ na nɛb'ɩ ʋ nɩ gbɛ́ɛ.»
Puoru
7Sore e, a nɩ-mɩŋa sɔ́r cere nɩ daadaa,
fʋ ɩ na a ʋ sɔr-dẽdẽ man taa.
8Sɩza n'a, Sore e,
a sɔ́r fʋ na yel kɛ́ tɩ tuur a zu a,
tɩ mɩ́ ƴãw nɩ a tɩ tɩɛrʋ a fʋ ƴãw.
A ʋlɩ bom nɛ tɩ na bɔbr a
n'ɩ kɛ́ tɩ bʋɔlɛ fʋ, tɩ tɩ́ɛrɛ fʋ.
9A tɩ̃ɩsɔw a, ɩ̃ mɩ́ bɔbr'a kɛ́ fʋ nãà be a ɩ̃ zie,
ɩ̃ mɩ́ bɔbr fʋ nɩ a ɩ̃ pʋ̃ɔmɩ pʋ̃ɔmɩ za.
Fʋ̃ʋ mɩ́ wa tu a nɩsaalbɛ zie
a lɛ fʋ na dɩ a ƴɛ̀rʋ bin a,
a tẽ-daa nɩbɛ mɩ́ zanɩ nɩ a mɩnʋ.
10Ɛcɛ bɛlɛ mɩ́ wa zɔ a nɩ-faar nɩbaalʋ a,
bɛ bɛ mɩ́ zanɛ a mɩnʋ ɛ.
Bɛ mɩ́ maalɛ nɩ a faa a tẽw ʋl tɔr za pʋɔ
a nɩbɛ na ɩrɛ a vla a,
Sore e, bɛ bɛ mɩ́ nyɛ̃ fʋ na ɩ kpɛ̃ɛ a ɩ.
11Sore e, a fʋ nũu zɛw nɩ a ŋmɛb ƴãw,
ɛ́ bɛ bɛ nyɛ̃ ʋ ɛ.
Ɛcɛ bɛ na nyɛ̃ nɩ a lɛ
fʋ na tʋlɛ a fʋ nɩ-bʋʋrɛ gub ƴãw a,
ɛ́ vĩ na nyɔw bɛ na.
A vũu na be be a fʋ dɔ̃ dem ƴãw a na dɩ bɛ na.
12Sore e, fʋ kʋ̀rɛ tɩ nɩ a ƴã-ɓaarʋ,
fʋ̃ʋ n'ʋ mɩ́ maalɩ
a alɩ bome nɛ za tɩ na ɩrɛ a kʋ̀ tɩ.
13Sore tɩ Naaŋmɩn i,
nɩ-bɛrɛ na bɛ ɩ a fʋ̃ʋ a tɩ dãw na so tɩ,
ɛcɛ a fʋ yúor yõ n'ʋ tɩ bʋɔlɛ.
14A nɩ-bɛrɛ bɛ ŋa kpi na kʋ̃ lɛb vʋʋrɩ ɛ,
bɛ ɩ n nyãakpɩmɛ tɛwr, bɛ kʋ̃ lɛb ìr ɛ.
Fʋ wa na wa ɩ bɛ kpi pàw pɛr,
wa ɩ a bɛ tɩɛrʋ tɔr za bɔr a nɩbɛ zie.
15Fʋ ɩ na a tɩ tẽw nɩbɛ yɛ̀r dɔwlɩ, Sore e,
fʋ ɩ na a tɩ tẽw nɩbɛ yɛ̀r dɔwlɩ,
fʋ wul'ɩ a fʋ yúor-vɩɛlʋ-danʋ,
fʋ ɩ na a tẽw tʋr-bɔwrɩ za taw tɔl nidaa.
16Sore e, a kpɩɛrʋ daar a,
fʋ̃ʋ n'ʋ a nɩbɛ mɩ́ bɔbr.
Fʋ̃ʋ wa ƴãwnɛ a dɔwrʋ a lɛn daar a,
bɛ mɩ́ puore na 'hũ'hune nɩ.
17Sore e, tɩ tɩ be n a fʋ niŋé
mɛ̃ pɔw-púor na ta dɔwfʋ a:
ʋ ŋmɩɩlɛ na kone nɩ.
18A tɩɩm mɩ̀ a, tɩ tɩ sɛw na kɛ́ tɩ dɔw,
tɩ wõ n a 'wɔbrʋ,
ɛcɛ a wa ɩ na mɛ̃ sɛsɛb'ʋ tɩ dɔw a.
Tɩ bɛ kʋ̀ a tẽw a faafʋ ɛ,
tɩ bɛ kʋ̀ nɩ-paalɛ a tẽ-daa ɩ.
A kũuni na lɛb'a vʋʋrɛ, ɛ́ a Sore sãw a faalʋ kpɛnʋ bɛr
19Ɩ̃ nɩbɛ ɛ, a nyɩ kũuni na lɛb'a vʋʋrɛ,
bɛ na lɛb a ìr àr.
A bɛlɩ dem na gã a tanɛ pʋɔ a,
na ìr'a ŋmɩɛr nʋ̃ɔ̀ cɛlsɩ.
A Sore na ɩ na cãà ɓɩɛlʋ lo a nyɩ zu,
ɛ́ a tẽsɔw ɩ a kũuni lɛb vʋʋrɛ.
20Ɩ̃ nɩbɛ ɛ, nyɩ kpɛ a nyɩ yie pʋɔ
ɛ́ taw a pamɛ pàw nyɩ tʋɔra.
Nyɩ sɔwlɩ blã,
a Sore suur tɔl baarɩ.
21Ʋlɛ n'ɩ ŋan yire a ʋ yir,
k'ʋʋ wa kaa a tẽw nɩbɛ zie
a bɛ yel-faar ƴãw.
A tẽsɔw na bɛr'ɩ a zɩ̃ɩ a sãá,
ʋ kʋ̃ cãà sɔwlɩ a nɩbɛ bɛ na kʋ a ɩ.
Currently Selected:
Ɩzayi 26: DBDC
Highlight
Copy
Compare
Share
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.
