Ɩzayi 22

A Zerizalɛm, ʋ gùre ʋ tʋɔra

1Ƴɛ̀rʋ na ƴɛ̀r a “Yel-nyɛra fʋɔla#22:1 Yel-nyɛra fʋɔla: Fʋɔla kãw na pɩɛlɩ a Zerizalɛm a n'ʋ bɛ yere.” ƴãw a.

Zerizalɛm i, bʋ̃ʋ n'ʋ so

a fʋ nɩbɛ za do a gàrɛ zu?

2Bʋ̃ʋ n'ʋ so fʋ ɩ tẽ-kpɛ̃ɛ na ɩ gɔmɛ tɛwr a,

tẽ-kpɛ̃ɛ na damnɛ a,

tẽ-kpɛ̃ɛ na cɩlɛ ʋ za a?

Zɛbr zie bɛ n'a a fʋ nɩbɛ kpi ɛ,

zɛbr zie bɛ n'a bɛ kʋ bɛ ɩ.

3A fʋ zɛbr-nɩbɛ nɩ-bɛrɛ lãw na zɔ bɛ za,

a tam-tɛbrbɛ nyɔw bɛ na bɛ ɩ gaso nɩbɛ.

A bɛlɩ dem za a dɔ̃ dem na tɩ páw a,

a bɛlɩ dem na saa tɩ zɔ zãá a,

bɛ nyɔw bɛ na bɛ ɩ gbãgbaar.

4Alɛ n'a so ɩ̃ yere kʋ̀rɛ nyɩ:

«Nyɩ ta kaarɛ ɩ̃ zie ɩ,

nyɩ bɛr mɛ̃ ɩ̃ kõ a ɩ̃ mʋta-zɩ̃ɩ.

Nyɩ ta dɩ tuo yel kɛ́ nyɩ mɔwlɩ mɛ̃

a ɩ̃ nɩ-bʋʋrɛ yele na sãw a ƴãw ɛ.

5Bʋ̃ʋ n'ʋ vɛ̃, a dɩ̃a bibir a,

a Sore ɩ na a ɩ zɔ-ŋmɛ-taa,

nɩbɛ bɛ na zɛb tʋ̃ɔ́ a nɩ pʋl-vʋ̃ɔ.»

A yel-nyɛra fʋɔla pʋɔ a,

dacĩ-kpɛ̃ɛ 'law na lo,

cɛlsɩ ŋmɩɛr'a dúor a tan lowr.

6A Elam tẽw zɛbr-nɩbɛ tɛr'ɩ tamɛ nɩ lɔwr.

Nɩbɛ be n a zɛbr-torkori zu,

wi-zɔmnbɛ be n be.

A Kɩ́ɩ̀r tẽw sojarɩ cɔbrɛ nɩ a bɛ zɛbr-kur-pãgalɩ#22:6 A Elam tẽw zɛbr-nɩbɛ nɩ a Kɩ́ɩ̀r tẽw sojarɩ tɩ yi n Mezopotami, ɛ́ mɩ́ tɩ lãwnɩ a Asiiri tẽw dem zɛbr libie ƴãw..

7Zerizalɛm i, a fʋ fʋɔlɩ al

na vɩɛl zuo a za a paal'ɩ zɛbr-torkori,

ɛ́ a wi-zɔmnbɛ cɔbrɩ gù a zɛbr a fʋ dɩ̃dɛɛ niŋé.

8Bom bɛ cãà gù a Zuda naalʋ-tẽw ɛ.

A ʋlɩ bibir a, nyɩ tɩ lɩɛb'ɩ niwn cɔw

a zɛbr bome bɛ na bin a yir

bɛ na bʋɔlɛ a «Tuw» a pʋɔ#22:8 A nãà yir lõbowr kãw n'ʋ bɛ bʋɔlɛ a lɛ. Nyɛ̃ 1Na 7.2-5, 10.17-21..

9Nyɩ nyɛ̃ nɩ a dacĩ-kpɛ̃ɛ

na viiri koli a Daviir Tẽ-kpɛ̃ɛ a, vɛɛ za.

Nyɩ ƴãw nɩ kʋ̃ɔ paalɩ

a kʋ̃ɔ-ƴãwfʋ-zie ʋl na be a pile a.

10Nyɩ sɔr'ɩ a Zerizalɛm yie,

nyɩ ŋmɛr'ɩ a mɩnɛ bɛr,

k'aa dacĩ-bɛrɛ gub tʋ̃ɔ́ ɩ mɔlɛ.

11Nyɩ cɔbr'ɩ kʋ̃ɔ-ƴãwfʋ-zie

a dacĩ-bɛrɛ ayi cara pʋɔ,

a kʋ̃ɔ-ƴãwfʋ-zi-kʋra kʋ̃ɔnɩ ƴãw.

Ɛcɛ nyɩ bɛ lɩɛbɩ niwn cɔw a sob nɛ

na n'ʋ so a yele á ŋá za ɩrɛ a ɩ.

Ʋ tɩ cɔbrɛ a nɩ koro kãw za,

ɛ́ nyɩ bɛ nyɛ̃ ʋ ɛ.

12A ʋlɩ bibir nɛ a, a Sore,

a Naaŋmɩn kpɛnʋ-za-sob,

tɩ bʋɔlɛ nyɩ nɩ kon nɩ cɛlsɩ ŋmɛb ƴãw,

a nyɩ zuru fɔrʋ nɩ vʋɔrɩ kparɩ sub ƴãw.

13Ɛ́ a wa ɩ nʋ̃ɔ̀ nɩ cɩlʋ:

bɛ kʋrɛ nĩi, bɛ ŋmarɛ píir kɔkɛɛ,

bɛ 'wɔbr nɛn, bɛ nyúur divɛ̃.

Nyɩ yere na: «Tɩ dɩrɛ ɛ́ nyúur,

bʋ̃ʋ n'ʋ vɛ̃, bio tɩ na kpi na#22:13 A Yeezu nɩ-tona Pol lɛb'a de a ƴɛ̀r-bie á ŋá a Korɛ̃tɩ tẽw dem sɛb-tʋɔla dãw-niwn sob pʋɔ: 1 Kor 15.32.!»

14Ɛcɛ a Sore, a kpɛnʋ-za-sob ɩ na k'ɩ̃ wõ yel ŋa:

«Nyɩ kʋ̃ páw a nyɩ sãwna ŋa suur

ɛ́ gù nyɩ tɩ kpi ɛ.»

À ŋá n'a a Sore,

a Naaŋmɩn kpɛnʋ-za-sob, pɔ yel.

Bɛ na faa nɩ a Sevina tome kʋ̀ Elɩakɩm

15Nyɛ̃ a lɛ a Sore, a kpɛnʋ-za-sob, na yel mɛ̃ a: «Cen tɩ páw a bʋ̃-kaarɛ ŋa, a Sevina, na ɩ a nãà yir nɩ-kpɛ̃ɛ a, yel ʋ:

16Bʋ̃ʋ n'ʋ fʋ so a ka,

a fʋ nɩbɛ n'ɩ tẽbowle a ka

fʋ tuwr yàa a fʋ ƴãw a ka,

fʋ tuwr a fʋ yàa-bɔw a pìir saa-zu,

fʋ tuwr a fʋ gaa zie a pìir pʋɔ?

17Nyɛ̃, a Sore na dam dam fʋ na, ɩ̃ bá a,

ʋ na nyɔw fʋ na gùr kpũlẽkpũlẽ,

18ɛ́ gbanɩ fʋ bɛr fʋ tɩ bile

tẽw kãw na yɛlmɛ a pʋɔ.

Be n'a fʋ na tɩ kpi,

be n'a fʋ na tɩ kpi n a fʋ zɛbr-torkori

fʋ na zɛwr'ɩ fʋ tʋɔra

ɛ́ ƴãwnɛ nɩ a fʋ nɩ-kpɛ̃ɛ yir vĩ a!

19A Sore yere na:

ɩ̃ na diw fʋ na bɛr a fʋ tome zie,

ɩ̃ na ír fʋ nɩ a fʋ beba zie.

20A ʋlɩ bibir nɛ a, ɩ̃ na bʋɔl'ɩ

a ɩ̃ tõ-tõ-bie Elɩakɩm, Hɩlkɩahu bidɛb.

21Ɩ̃ na su ʋ nɩ a fʋ kpar-wogo,

ɩ̃ na sɛ ʋ nɩ a fʋ kpàwr,

ɩ̃ na de nɩ a fʋ nɩ-kpɛ̃ɛnʋ kʋ̀ ʋ.

Ʋ na ɩ n sãà a Zerizalɛm tẽw dem zie,

nɩ a Zuda naalʋ-tẽw za zie.

22Ɩ̃ na de nɩ a Daviir yir pĩi kʋ̀ ʋ.

Ʋlɛ wa yuo a pan a, nɩr bɛ pàwr ʋ ɛ,

ʋlɛ wa pàw ʋ a, nɩr bɛ yuore ʋ ɛ.

23Ɩ̃ na kpa ʋ na mɛ̃ kpawbir a,

zi-kpɛ̃w pʋɔ,

ʋ́ʋ̀ na ɩ na a ʋ sãà yir tɛr yúor.»

24A ʋ yir nɩbɛ za, a bɛl na pɩɛlɩ ʋ a nɩ a bɛl na zãá nɩ ʋ a, na mɛ n a ʋ ƴãw mɛ̃ a lɛ bɛ na mɩ́ yawlɩ bʋ̃-pʋrpʋr kpawbir ƴãw a, a lali tɩ tɔ a ku-laar a. Nyɛ̃ tɩbrʋ na tɩbrɛ a! 25A Sore, a kpɛnʋ-za-sob, yere na: «Bibir kãw, a kpawbir na kpa zi-kpɛ̃w pʋɔ a kʋ̃ cãà àr ɛ, ʋ na ka na lo, ɛ́ a tuor ʋ na tuo a sãw.» À à ŋá n'a a Sore ƴɛ̀r.

Currently Selected:

Ɩzayi 22: DBDC

Highlight

Copy

Compare