Ɩzayi 23
23
Tɩ́ɩ̀r nɩ Sɩdɔ̃ ten na sãw na
1Ƴɛ̀rʋ na ƴɛ̀r Tɩ́ɩ̀r#23:1 Tɩ́ɩ̀r nɩ Sɩdɔ̃: Fenisi tẽw gbee siwfʋ ziir ayi kãw na tɩ be a Mediterane kʋ̃ɔ-kpɛ̃ɛ nʋɔr a n'a. ƴãw a.
«Nyɩ ŋmɩɛr kuor cɛlsɩ,
nyɩɩm gbor-bɛrɛ na mɩ́ cen tẽ-zãánɩ a,
bʋ̃ʋ n'ʋ vɛ̃, a zie za sãw na,
a yie bɛ cãà be ɩ.»
Gbor-bɛrɛ na yi a kʋ̃ɔ-kpɛ̃ɛ-sɔgɔ-tẽw, Sɩɩpʋr,
wa ta a n'a wõ a yel ŋa.
2«Nyɩ ɩ gbili,
nyɩɩm na kpɩɛr a kʋ̃ɔ-kpɛ̃ɛ nʋɔr a,
nyɩɩm Sɩdɔ̃ tẽw yɛ-yɛrbɛ
na mɩ́ tõ a nyɩ nɩbɛ bɛr
3bɛ gãw a kʋ̃ɔ-kpɛ̃ɛ a.»
A bome bɛ na mɩ́ bʋ̀r lanɩ a Nɩl man a,
a bome bɛ na mɩ́ tɩ de a ʋ kõkowe ƴãw a,
a Sɩdɔ̃ tẽw mɩ́ tɩ so a,
a tẽ-kpɛ̃ɛ ŋa tɩ n'ɩ a nɩ-bʋʋr-yoru dàa.
4Vĩ wɛ, Sɩdɔ̃ i,
fʋ̃ʋ na ɩ a kʋ̃ɔ-kpɛ̃ɛ zɛbr-yir-kpɛ̃w a!
Bʋ̃ʋ n'ʋ vɛ̃, a kʋ̃ɔ-kpɛ̃ɛ yere na:
«Ɩ̃ bɛ wõ pʋ-dɔwra 'wɔbrʋ ɛ,
ɩ̃ bɛ dɔw bibiir ɛ,
ɩ̃ bɛ guoli pɔ́lɛ́ ɩ,
ɩ̃ bɛ wul pɔwsɩrali#23:4 A ƴɛ̀r-bie á ŋá pɛr'ɩ k'aa Fenisi tẽw dem kʋ̃ cãà páwr a kʋ̃ɔ-kpɛ̃ɛ na-bome ɩ. A ka a, bɛ de nɩ a kʋ̃ɔ-kpɛ̃ɛ man nɩ pɔw. Bʋ̃ʋ n'ʋ vɛ̃, a ʋlɩ vuo nɛ nɩbɛ zie a, a kʋ̃ɔ-kpɛ̃ɛ tɩ ɩ na mɛ̃ a Fenisi tẽw dem pɔw a. ɛ.»
5A Eziptɩ tẽw wa wõ a a,
ʋ na màwr'a mɛ̃ a lɛn daar ʋ na na wõ a Tɩ́ɩ̀r yele a.
6Nyɩ gãw a kʋ̃ɔ-kpɛ̃ɛ cen tɩ sãá Tarsisɩ,
nyɩ ŋmɩɛr kuor cɛlsɩ
nyɩɩm na kpɩɛr a kʋ̃ɔ-kpɛ̃ɛ nʋɔr a.
7A nyɩ tẽ-kpɛ̃ɛ na tɩ dãw damnɛ a n'ɩ à ŋà a?
Tẽ-kpɛ̃ɛ-kʋra kʋra
na mɩ́ tɩ cen tɩ so ziir zi-zãánɩ a?
8A Tɩ́ɩ̀r tẽ-kpɛ̃ɛ tɩ pone nɩ na-mɩnɛ kpawʋʋr,
a ʋ yɛ-yɛrbɛ tɩ ɩ n na-mɩnɛ,
a ʋ bʋ̃-kʋ̀ɔrbɛ tɩ ɩ n a tẽw zu nɩ-yée.
Ɛ́ ãa n'ʋ wa yel k'aa Tɩ́ɩ̀r tẽw sãw?
9A Sore, a kpɛnʋ-za-sob'ʋ
yel k'ʋʋ ɩ a nɩbɛ bɛ na ƴãwnɛ a pɔ̀l-ɩb baarɩ,
k'ʋʋ siwri a tẽw zu nɩ-yée za.
10«Kʋ́ɔr a fʋ tẽsɔw, Tɩ́ɩ̀r i,
mɛ̃ a Nɩl vuo bɛ na mɩ́ kʋ́ɔr a,
a fʋ gbee siwfʋ zie na bɛ cãà be a ƴãw.»
11A Sore zɛw nɩ a nũu a kʋ̃ɔ-kpɛ̃ɛ ƴãw,
ʋ ɩ na a naalʋ-ten màwr,
ʋ yel'a kɛ́ bɛ sãw
a Kanãa tẽw zɛbr-yir-kpɛn bɛr.
12Ʋ yel'a: «Sɩdɔ̃ tẽw dem i, a nyɩ nʋ̃ɔ̀ baar'a,
nyɩɩm na ɩ mɛ̃ pɔwsɩrale bɛ na fɛr gã nɩ a.
Fʋ̃ʋ saa ìr gãw a kʋ̃ɔ-kpɛ̃ɛ
tɩ sãá a kʋ̃ɔ-kpɛ̃ɛ-sɔgɔ-tẽw Sɩɩpʋr a,
fʋ cãà kʋ̃ tɩ nyɛ̃ pɩ̃ɛnʋ a be ɩ.
13Nyɛ̃ a Kalde tẽw dem tẽw a:
a nɩbɛ bɛ ŋa bɛ cãà be ɩ.
A Asiiri tẽw ɩ na k'ʋ lɩɛbɩ wɛ-dʋn tẽw.
A nɩbɛ tɩ mɛ n yir-cõcowli a zie piwru ƴãw,
cɔbrɩ zɛbr-yir-kpɛn,
ɛ́ a Asiiri tẽw wa ɩ a lɩɛbɩ deboru gã.
14Nyɩ ŋmɩɛr kuor cɛlsɩ,
nyɩɩm, gbor-bɛrɛ, na mɩ́ cen tẽ-zãánɩ a,
a nyɩ zɛbr-yir-kpɛ̃w na lo a ƴãw.»
15Lɛ n'a bɛ na yiiri a Tɩ́ɩ̀r tẽ-kpɛ̃ɛ bɛr yome lɩz'a ata nɩ pie, na ɩ na-been yõ nyɔ-vʋʋrʋ bibie a. A yome lɩz'a ata nɩ pie á ŋá wa baarɩ a, a na ŋmɛ̃ n a Tɩ́ɩ̀r tẽ-kpɛ̃ɛ zie mɛ̃ a lɛ a yielu ŋa na yere a pɔw-yɛm ƴãw a:
16De korijom, cɔlɩ a tẽ-kpɛ̃ɛ,
fʋ̃ʋ pɔw-yɛm bɛ na yiiri bɛr a.
Ŋmɩɛr a lɛ fʋ na tʋ̃ɔ́ a,
puule a fʋ yielu,
a nɩbɛ cãà tɛr a fʋ tɩɛrʋ.
17A yome lɩz'a ata nɩ pie wa baar'a, a Sore na kaa nɩ a Tɩ́ɩ̀r zie. Ʋ na lɛb'a páwr libie. Ʋ na tone nɩ a pɔw-yɛm tome nɩ a naalʋ-ten za na pàw a tẽ-daa a. 18Ɛcɛ a alɩ bome nɛ ʋ na na mɩ́ páw a, nɩ a ʋ tɔnɛ a, bɛ na mɩ́ de a na kʋ̀ a Sore. Bɛ kʋ̃ mɩ́ gbõ a taa ɩ, bɛ kʋ̃ mɩ́ maal bin a ɩ. A alɩ bome nɛ ʋ na na mɩ́ páw a, na mɩ́ ɩ n a bɛlɩ dem na kpɩɛr a Sore niŋé a dɩb, ɛ́ sõw bɛ bɛ su kpar-vɩɛlɩ.
Currently Selected:
Ɩzayi 23: DBDC
Highlight
Copy
Compare
Share
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.
