Ɩzayi 21
21
A Babɩlɔn tẽw lo na
1Ƴɛ̀rʋ na ƴɛ̀r
a «Wɛja-kpalɛ na pɩɛlɩ a kʋ̃ɔ-kpɛ̃ɛ a» ƴãw a.
Mɛ̃ a lɛ a sɛsɛb-pɩlɛ
na mɩ́ fu n fãw tɔl a Negɛɛvʋ#21:1 Negɛɛvʋ: Palɛsin saa-pɛrɩ́-dʋrʋ-lowr vuo kãw na cɛ blã na ɩ wɛja-kpalɛ a n'ʋ. Wɛja-kpalɛ na pɩɛlɩ kʋ̃ɔ-kpɛ̃ɛ a: A Babiloni tẽw n'ʋ bɛ yere. Ɛ́ a Mezopotami tẽw pɛrɩ́ n'a bɛ bʋɔlɛ a Babiloni. tẽw a,
a dɔ̃ sob yi n a wɛja-kpalɛ pʋɔ waar,
tẽw na ɩrɛ dɛ̃bɩ̃ɛ a.
2— Yel-nyɛra na ɩ kpɛ̃ɛ a n'ʋ a Sore ɩ k'ɩ̃ nyɛ̃. —
A nɩr ʋl nyɩ na tɩ dãw tɛr'ɩ a wõ-taa a lɩɛb'ɩ mɩlmɩlɛ,
a zi-sãwnɛ sãwnɛ nɩ a zie.
A Sore yere na:
«Elam tẽw dem i, nyɩ ìr'ɩ a zɛbr!
Mɛdɩ#21:2 Elam tẽw dem nɩ Mɛdɩ mɩnɛ: Bɛ tɩ kpɩɛr'ɩ a tẽw ʋl bɛ na bʋɔlɛ a dɩ̃a kɛ́ Ɩɩrã a. mɩnɛ ɛ, nyɩ piw a tẽ-kpɛ̃ɛ!
Ɩ̃ na ɩ na a ʋ pɔ̀l-ɩb za baarɩ.»
3Alɛ n'a so a ɩ̃ pʋsabɛ za màwr.
'Wɔbrʋ 'wɔbr mɛ̃ na,
mɛ̃ pɔw na dɔwr a 'wɔbrʋ a.
A damnʋ dam mɛ̃ na zuo ɩ̃ kʋ̃ tʋ̃ɔ́ wõ bom ɛ,
pʋl-vʋ̃ɔ tɛr mɛ̃ na zuo ɩ̃ kʋ̃ tʋ̃ɔ́ nyɛ̃ bom ɛ.
4A ɩ̃ yã bɔrɛ na,
dɛ̃bɩ̃ɛ ɩrɛ mɛ̃ na ɩ̃ màwr.
Ɩ̃ tɩ gùre nɩ a zaanʋɔra zie na mɩ́ ɓãa a,
ʋʋ wa lɩɛbɩ zaanʋɔra pʋl-vʋ̃ɔ a ɩ̃ zie.
5Bɛ cɔbrɛ nɩ a bʋ̃-dɩrɩ,
bɛ yɛ́rɛ nɩ a pɛnɛ a zɩma ƴãw,
bɛ dɩrɛ na ɛ́ nyúur.
Bɛ wa bere na cɛl ŋmɛ:
«Nyɩ ìr, zɛbr-nɩbɛ nɩ-bɛrɛ ɛ!
Nyɩ cɔbrɩ a nyɩ zɛbr bome!»
6Bʋ̃ʋ n'ʋ vɛ̃, à ŋá n'a a Sore ƴɛ̀r a ɩ̃ zie:
«Cen tɩ ƴãw zi-piwre
ʋ̀ mɩ́ yel ʋlɩ bom nɛ ʋ na na nyɛ̃ a.
7Ʋlɛ wa nyɛ̃ zɛbr-torko
wie ayi na tawr a,
nɩbɛ na zɔm bòn a,
nɩbɛ na zɔm nyɔ̃wmɩ a,
ʋ̃ʋ cɛlɛ be vla, ʋ cɛlɛ be vla vla!»
8A zi-piwre cɩɩr'a:
«Zu-sob i, ɩ̃ àr'ɩ a zie piwru zie a bibi-ɓil za,
ɩ̃ àr'ɩ a ɩ̃ zie gub zie a tɩ̃ɩsɔw za.
9Nyɩ cɛlɛ be! Nɩr'ʋ waar.
Ʋ be n zɛbr-torko
wie ayi na tawr a zu.
Ʋ de nɩ a ƴɛ̀rʋ yel:
“A Babɩlɔn tẽw lo na,
a Babɩlɔn tẽw lo na!
A ʋ ŋmɩmɛ dasuli za gã nɩ tẽw,
a kar kar a gã.”»
10Ɩ̃ nɩbɛ ɛ, nyɩɩm bɛ na ŋmɛ
mɛ̃ ble a gbãgbala pʋɔ a,
a yel n'ɩ à ŋà, a Sore, a kpɛnʋ-za-sob,
a Ɩsɩrayɛl Naaŋmɩn, na ɩ k'ɩ̃ bãw a.
A yel n'ɩ à ŋà ɩ̃ na wa yere kʋ̀rɛ nyɩ a.
Nyɩnɛ n'a a tɩ̃ɩsɔw cen ta?
11Ƴɛ̀rʋ na ƴɛ̀r Duma ƴãw a.
Nɩr'ʋ be Seyiir ɛ́ cɩɩrɛ yere a ɩ̃ zie#21:11 Duma: A wɛja-kpalɛ pʋɔ kʋ̃ɔ-ƴãwfʋ-zie kãw na be a Arabi tẽw saa-pɛrɩ́-gʋba-lowr a n'ʋ, a Edɔm tẽw saa-pɛrɩ́. Seyiir: A zie ŋa be n a Edɔm tẽw sɔwlɩsɔw, a Zerizalɛm tẽw sɔ́r zu.:
«Zi-gùre e, nyɩnɛ n'a a tɩ̃ɩsɔw cen ta?
Zi-gùre e, nyɩnɛ n'a a tɩ̃ɩsɔw cen ta?»
12A zi-gùre sɔw:
«A biɓaara tarɛ na, al pùorí a tɩ̃ɩsɔw lɛb waar.
Nyɩmɛ wa bɔbr kɛ́ nyɩ lɛb sowri a, nyɩ sowri,
ɛ́ a pùorí nyɩ lɛb wa daar kãw.»
Ƴɛ̀rʋ na ƴɛ̀r a Arabi tẽw ƴãw a
13Ƴɛ̀rʋ na ƴɛ̀r a Arabi tẽw ƴãw a.
Nyɩ na gã nɩ a Arabi tẽw wɩ̀ɛ pʋɔ,
nyɩɩm na tɔlɛ
a wɛja-kpalɛ pʋɔ cere Dedan a.
14Nyɩɩm na kpɩɛr a Tema a,
nyɩ tuori a kʋ̃ɔ-nyúur dem,
nyɩ cen nɩ kʋ̃ɔ tɩ kʋ̀ bɛ.
Nyɩ tuori a nɩbɛ na zɔrɛ a,
nyɩ cen nɩ bʋ̃-dɩrɩ tɩ kʋ̀ bɛ.
15Bʋ̃ʋ n'ʋ vɛ̃, bɛ zɔ n a zɛbr-sɔ-kpɛ̃ɛ niŋé,
a zɛbr-sɔ-kpɛ̃ɛ na gù a cɛb a niŋé,
a tam na dúori a bɛ ƴãw a niŋé,
a zɛbr na tʋl kpãkpã a niŋé.
16À ŋá sɩrɩ n'a a Sore ƴɛ̀r a ɩ̃ zie: «Ka nɩ yũon-been gbàgbàgbà, ɛ́ a Kedaar tẽw#21:16 Kedaar: Zie na be a Arabi tẽw wɛja-kpalɛ saa-pɛrɩ́-gʋba-lowr a n'ʋ. vɩɛlʋ za na baar'a. 17A tam-tɛbrbɛ na cɛ nɩ zaa pʋrɩ a Kedaar zɛbr-nɩbɛ pʋɔ.» A Sore, a Ɩsɩrayɛl Naaŋmɩn n'ʋ yel.
Currently Selected:
Ɩzayi 21: DBDC
Highlight
Copy
Compare
Share
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.
