Ɩzayi 20

A naaŋmɩn-ƴɛ̀r-manɛ Ɩzayi na cɔlɛ nɩ ƴã-gã-zawla nɩ gbɛ-zawlɛ a pɛr

1A ʋlɩ yũon nɛ a Asiiri tẽw nãà, Sargɔ̃#20:1 Sargɔ̃ 2 sob: Ʋ tɩ dɩ n a naalʋ a Asiiri tẽw zu a Yeezu Kɩrɩta na bɛ tɩ wa sɛr a yome 722 tɩ ta 705. Ʋ tɩ zɛb'a de a Asɩdɔdɩ tẽ-kpɛ̃ɛ a yome 711 sob., na tɩ tõ a ʋ zɛbr-nɩbɛ nɩ-kpɛ̃ɛ za a Asɩdɔdɩ tẽ-kpɛ̃ɛ ƴãw na be a Filisɩti tẽw a tɩ n'a. Ʋ tɩ zɛb'a de ʋ.

2A tɩ cãà na cɛ yome ata, ɛ́ a Sore yel a Amɔtɩsɩ bidɛb, Ɩzayi: «Cɛ̀r a vʋɔra pɛn fʋ na sɛ a sɩɛmɩ́ a bɛr, ɛ́ yàa a nafawr fʋ na ƴãw a gbɛ̃ɛ́ a bɛr.» Ʋ̀ tɩ ɩ a lɛ, ɛ́ cɔlɛ nɩ ƴã-gã-zawla nɩ gbɛ-zawlɛ.

A ʋlɩ yũon nɛ bɛ na tɩ zɛb de a Asɩdɔdɩ a, 3a Sore tɩ ƴãw na a Ɩzayi ƴɛ̀r à ŋá: «Yome ata n'ɩ à ŋá a ɩ̃ tõ-tõ-bie Ɩzayi na cɔlɛ nɩ ƴã-gã-zawla nɩ gbɛ-zawlɛ a. Bãwfʋ nɩ nɩdaar yel na càarɩ a Eziptɩ tẽw nɩ a Etiopi tẽw a n'ʋ. 4A Asiiri tẽw nãà na nyɔw nɩ a Eziptɩ tẽw dem cen nɩ, bɛ ɩ gaso nɩbɛ, ɛ́ ír a Etiopi tẽw dem a bɛ tẽw cen nɩ, a pɔ́lɛ́ nɩ a dɛb-nyamɛ. Lɛ n'a bɛ mɩ́ na ɩ ƴã-gã-zawlɛ nɩ gbɛ-zawlɛ, pɛ-zawlɛ. Nyɛ̃ vĩ na na nyɔw a Eziptɩ tẽw dem a! 5A bɛlɩ dem na tɩ ƴãw a bɛ tɩɛrʋ a Etiopi tẽw ƴãw, bɩɩ pɔrɛ nɩ a Eziptɩ tẽw sõwfʋ a, pʋl-vʋ̃ɔ na tɛr bɛ na ɛ́ vĩ nyɔw bɛ.»

6A ʋlɩ bibir nɛ a, a nɩbɛ na kpɩɛr a Mediterane kʋ̃ɔ-kpɛ̃ɛ nʋɔr a#20:6 A Filisɩtɛ̃ mɩnɛ nɛbɛ. Ɛcɛ bɛ mɩ́ na tʋ̃ɔ́ na ɩ a Zuda naalʋ-tẽw nɩbɛ. na yere na: «Nyɛ̃ a lɛ a na ŋmɛ̃ a nɩbɛ tɩ na tɩ tɩ́ɛrɛ a ƴãw a! Tɩ tɩ bɔbr'a kɛ́ tɩ zɔ cen a be tɩ páw sõwfʋ, ɛ́ bɛ faa tɩ a Asiiri tẽw nãà nuru pʋɔ. À à ŋá a, ŋmɩŋmɩn n'a tɩ na tʋ̃ɔ́ nyɛ̃ a faafʋ?»

Currently Selected:

Ɩzayi 20: DBDC

Highlight

Copy

Compare