Ɩzayi 1
1
ZI-DÃW-NIWN SOB
1—39
1Amɔtɩsɩ bidɛb, Ɩzayi, yel-nyɛra ʋ na nyɛ̃ càar'ɩ Zuda naalʋ-tẽw nɩ Zerizalɛm tẽ-kpɛ̃ɛ, a Zuda tẽw na-mɩnɛ Ozɩasɩ, Yotam, Akaazɩ nɩ Ezekɩasɩ daar a#1:1 A na-mɩnɛ bɛ ŋa daar'a a Ɩzayi tɩ tõ a ʋ naaŋmɩn-ƴɛ̀r-manɛ tome, a yome kʋb-gbile 781 nɩ 687 vuo pʋɔ, a Yeezu Kɩrɩta na bɛ tɩ wa sɛr a. .
Nɩ-bʋʋrɛ na bɛ bãw bom za a
2Bɛrɛ wone, salom i!
Tẽw i, ƴãw tobr!
A Sore n'ʋ ƴɛ̀rɛ:
“Ɩ̃ guol'ɩ bibiir bɛ bàa ɩ nɩ-bɛrɛ,
ɛcɛ bɛ gaarɩ nɩ a ɩ̃ zu.
3Náab mɩ́ bãw nɩ a sob nɛ na so ʋ a,
ɛ́ bõw bãw a dʋ̃-laa ʋl pʋɔ
a ʋ sore na ƴãwnɛ ʋ a dɩb a.
Ɛcɛ a Ɩsɩrayɛl bɛ bãw bom za ɩ,
a ɩ̃ nɩ-bʋʋrɛ bɛ bãw bom za pɛr ɛ.”
A Zuda tẽw ŋmɛ̃ na taa nɩ wɛja-kpalɛ
4Nyɛ̃ baw-bio a!
Nɩ-bʋʋr-yel-bebe dem,
nɩ-bʋʋrɛ na tuo sãwna a,
yel-fa-maalbɛ bʋʋrɛ,
bibiir na sãw bɛ za a!
Nyɩ̀ zawr'ɩ a Sore bɛr,
nyɩ̀ jewr'ɩ a Ɩsɩrayɛl Naaŋmɩn na ɩ sõw a,
nyɩ̀ lɩɛb'ɩ zikur cɔw ʋ.
5Nyɩn lowr'a bɛ na lɛb ŋmɛ nyɩ,
nyɩɩm na cãà gaarɩ a?
A zu ɩ n natɩɛ ʋ za,
a socir za ɩ n bàal.
6A gbɛ́ɛ tɩ tɔ a zu a, zie za bɛ cɛ ɩ.
Wʋlɛ n'ɩ a ziir za,
ŋmɩɛrʋ ziir na sãá a nɩ na-tɩ-zɩɩr
nɩr za na bɛ pɛ́w a, na bɛ 'lẽ a,
na bɛ ɩ kãá sɔ a.
7A nyɩ tẽw sãw nɩ ʋ za,
vũu dɩ n a nyɩ tẽ-bɛrɛ.
Sãanbɛ báarɛ nɩ
a nyɩ tẽsɔw bʋ̃-kʋ́ɔrɩ a nyɩ mimié.
A nyɩ tẽsɔw gã nɩ zawla,
ʋ sãw nɩ ʋ za, ɩ mɛ̃ a lɛ
dɔ̃ dem na mɩ́ wa tɔl baarɩ ʋʋ ŋmɛ̃ a.
8A Sɩyɔ̃ tẽ-kpɛ̃ɛ yõ n'ʋ cãà be
ɩ mɛ̃ sɛw divɛ̃ tɩɩr púo pʋɔ a,
mɛ̃ gùr kɔ̃kɔ̃bʋr#1:8 Kɔ̃kɔ̃bʋr: Farsɩ ƴɛ̀r-bir'ʋ. Zɛ-va-wɔm kãw na mɩ́ ŋmɛ̃ taa nɩ bɔlɛ a n'ʋ. púo pʋɔ,
mɛ̃ tẽ-kpɛ̃ɛ bɛ na piw a.
9A Sore, a kpɛnʋ-za-sob,
bɛ tɩ bɛr tɩ nɩbɛ blã bɛ cɩ̃ɛ a,
tɩ nãà ɩ na mɛ̃ a Sodɔm tẽ-kpɛ̃ɛ a,
tɩ nãà ŋmɛ̃ na taa nɩ Gomɔɔr#1:9 Sodɔm nɩ Gomɔɔr: Ten a Naaŋmɩn na tɩ sãw bɛr a ten dem ɩ-faar zũú a n'a. Nyɛ̃ Yzt 19.24-25. .
Puoru a Naaŋmɩn na bɛ nɔnɛ a
10Nyɩ bɛrɛ wone a Sore ƴɛ̀rʋ,
Sodɔm tẽw nɩ-bɛrɛ ɛ,
nyɩ ƴãw tobr a tɩ Naaŋmɩn wulu ƴãw,
Gomɔɔr tẽw nɩ-faar i#1:10 Sodɔm nɩ Gomɔɔr: A tẽ-bɛrɛ ayi á ŋá ɩ n a yel-faar maalʋ ziir bãwfʋ. Nyɛ̃ Yzt 19.!
11A Sore yere na:
“Bʋ̃ʋ n'ʋ a nyɩ bàwr-yaga yaga ɩrɛ mɛ̃?
Ɩ̃ sɛw na nɩ a pʋ́rɩ nyɩw-a-za-bagɛ
nɩ a náli nɛn-kãánɩ!
A nadɛɛ, a péli nɩ a bʋrali zɩ̃ɩ a,
ɩ̃ bɛ cãà bɔbr a ɩ.
12Nyɩ na mɩ́ wa wa àr a ɩ̃ niŋé a,
ãa n'ʋ yel kɛ́ nyɩ mɩ́ wa nɛbr a ɩ̃ yir davʋrɩ?
13Nyɩ ta cãà waar'ɩ de-kʋ̀b bome
wa kʋ̀rɛ mɛ̃ zawlalɛ ɩ!
A zʋ̀ʋ́r a, ɩ̃ bɛ nɔnɛ a towtow ɛ.
Nyɩ ta cãà maalɛ
a nyɩ cuw-paalɛ cuwr,
a nyɩ pɩ̃ɛnʋ-bibie
nɩ a nyɩ cuw-bɛrɛ ɩ,
ɩ̃ bɛ sàwr puoru na lãwnɩ ɩ-faar a ɩ.
14Ɩ̃ bɛ nɔnɛ a nyɩ cuw-paalɛ cuwr
nɩ a nyɩ cuw-bɛrɛ ɩ,
a ɩ n tuor a ɩ̃ zie, ɩ̃ bàl'a nɩ a deb.
15Nyɩ na mɩ́ wa yɛ́r a nuru a puoru ƴãw a,
ɩ̃ mɩ́ pàw nɩ a ɩ̃ mimie.
Nyɩmɛ saa nɔnɛ nyɩɩm puore suwle taa,
ɩ̃ bɛ bɛrɛ wone ɩ:
a nyɩ nuru ɩ n zɩ̃ɩ tɛwr.
16Nyɩ pɛ́w nyɩ tʋɔra,
nyɩ so a nyɩ dɛwr bɛr,
nyɩ ír a nyɩ ɩ-faar bɛr a ɩ̃ niŋé,
nyɩ bɛr a yel-faa maalʋ.
17Nyɩ zanɛ a vla maalʋ, nyɩ bɔbr a mɩnʋ.
Nyɩ mɩ́ ɩ a sob nɛ na fɛrɛ dier a bome a,
ʋ lɛb tuur a sɔr-vla.
Nyɩ mɩ́ maalɩ a bi-kpieb a lɛ-na-tu-sɔr-a,
nyɩ mɩ́ tu a pɔw-kʋɔr yel pùor.”
Nyɩmɛ wa cãà gaarɩ a...
18“A Sore yere na:
«Nyɩ wa tɩ ŋmɛ nɔkpɛn.
A nyɩ yel-bebe wa mʋ̃ɔ̀ ɓõɓõ a,
a na lɩɛb'a pɛlɩ parpar.
Alɛ wa mʋ̃ɔ̀ cõcõ a,
a na lɩɛb'a pɛlɩ mɛ̃ pi-kɔblʋ pɛn-pla a.
19Nyɩmɛ wa sàw bɛrɛ wone a,
nyɩ na dɩrɛ nɩ a tẽw bʋ̃-nʋʋr.
20Ɛcɛ nyɩmɛ wa zawrɩ a,
nyɩmɛ wa cãà gaarɩ a,
a zɛbr-sɔ-kpɛ̃ɛ n'ʋ na dɩ nyɩ.»
À ŋá n'a a Sore ƴɛ̀r.
A Sore na ír'ɩ a Zerizalɛm dɛwr bɛr
21Ŋmɩŋmɩn n'a a tẽ-kpɛ̃ɛ na bɛ lɛbr pùor a
wa tɩ lɩɛbɩ pɔw-yɛm#1:21Pɔw-yɛm: A Ɩsɩrayɛl bʋʋrɛ na mɩ́ bɛr a bɛ Naaŋmɩn, ɛ́ lɛb tuur ŋmɩn-yoru maalɛ nɩ a tɩbɛ a, alɛ n'ɩ a pɔw-yɛm tome. Ɛ́ à à ŋá n'a a Zerizalɛm tẽw dem tɩ ɩrɛ. Alɛ n'a so a Ɩzayi de ʋ man nɩ pɔw-yɛm. ?
Maal-ɩb tɩ be n a yel-na-tu-sɔr-a ƴãw a Zerizalɛm pʋɔ,
a mɩnʋ tɩ so a zie a ʋ pʋɔ.
Ɛcɛ ƴɛrɛŋa a, nɩ-kʋrbɛ nɛbɛ paalɩ ʋ.
22Zerizalɛm i,
a fʋ salm-pla lɩɛb'ɩ kʋ̃ɔ-puuru,
a fʋ divɛ̃-nʋ̃ɔ̀ nʋ̃ɔ̀ jɛrɩ kʋ̃ɔ.
23A fʋ nɩ-bɛrɛ ɩ n nɩ-gaarɩ
na lãwnɛ nɩ nyãnyuwr a.
Bɛ za, bɛ nɔnɛ nɩ a bʋ̃-kʋ̀rɩ,
bɛ go na gù a tɔnɛ.
Bɛ bɛ maalɛ a bi-kpieb yele ƴãwn ɛ,
ɛ́ bɛ ŋmɛlɛ kaar a pɔw-kʋɔr na tɛr yel a ɩ.
24Alɛ so a Sore Naaŋmɩn,
a kpɛnʋ-za-sob, a Ɩsɩrayɛl Naaŋmɩn
na tɛr fãw a yere à ŋá:
«Nyɛ̃ baw-bio a!
Ɩ̃ na tʋ̃ɔ́ nɩ a nɩbɛ na àr a ɩ̃ ƴãw a yáa a san,
ɩ̃ na yáa nɩ a san a ɩ̃ dɔ̃ dem zie!
25Zerizalɛm i, ɩ̃ na lɩɛb'ɩ a fʋ ƴãw:
ɩ̃ na ɩ na fʋ lɛb vɩɛl,
mɛ̃ zɩ̃ɛ n'a ɩ̃ ɩ n a,
ɩ̃ na ɩ n a fʋ dɛwr za a yi.
26Ɩ̃ na ɩ n a fʋ ƴɛ̀r-dɩrbɛ
bɛ lɛb ŋmɛ̃ mɛ̃ a dãwdãw a,
ɛ́ a fʋ yã-wulbɛ ɩ mɛ̃ a koro za a.
Ɛ́ a pùorí a, bɛ na tʋ̃ɔ́ na bʋɔlɛ fʋ
“Mɩnʋ Tẽ-kpɛ̃ɛ” nɩ “Tẽ-kpɛ̃ɛ
na bɛ lɛb pùor a”.»
27A Sɩyɔ̃ tẽw wa ɩrɛ a lɛ-na-tu-sɔr-a,
ʋ na nyɛ̃ nɩ a faafʋ,
ɛ́ a mɩnʋ pùor tub'a
na faa a ʋ nɩbɛ na na lɩɛbɩ a bɛ ɩb a.
28Ɛcɛ a yele za na sãw nɩ
a nɩ-gaarɩ nɩ a yel-bebe dem zie.
Bɛlɩ dem za na zawrɛ
a Sore bɛrɛ a na bɔr a.
29Lɛ n'a vĩ na ɩrɛ nyɩ
a tɩ-maalɩ nyɩ na tɩ nɔnɛ yaga za a ƴãw.
Nyɩ na su n zuru a nyɩ zaadɛnɩ ƴãw
nyɩ na tɩ kaa ír maalɛ a tɩbɛ a be a.
30Nyɩ na ŋmɛ̃ na taa nɩ tɩɩr
a váar na mɩ́ wa suori a,
bɩɩ mɛ̃ zaadɛnɩ
na bɛ mɩ́ wa cãà tɛr kʋ̃ɔ a.
31A nɩr na tɛr fãw a
na lɩɛb'a ɩ mɛ̃ mʋ̃ɔ a,
ɛ́ a ʋ ɩ-ɩrɩ ɩ vũu-zele.
Bɛ za ayi na lãw na dɩrɛ,
ɛ́ nɩr kʋ̃ tʋ̃ɔ́ kpiiri a vũu ŋa ɩ.
Currently Selected:
Ɩzayi 1: DBDC
Highlight
Copy
Compare
Share
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.
