Popular Bible Verses from Ɩzayi 1

Share

“A Sore yere na: «Nyɩ wa tɩ ŋmɛ nɔkpɛn. A nyɩ yel-bebe wa mʋ̃ɔ̀ ɓõɓõ a, a na lɩɛb'a pɛlɩ parpar. Alɛ wa mʋ̃ɔ̀ cõcõ a, a na lɩɛb'a pɛlɩ mɛ̃ pi-kɔblʋ pɛn-pla a.

Nyɩmɛ wa sàw bɛrɛ wone a, nyɩ na dɩrɛ nɩ a tẽw bʋ̃-nʋʋr.

Nyɩ zanɛ a vla maalʋ, nyɩ bɔbr a mɩnʋ. Nyɩ mɩ́ ɩ a sob nɛ na fɛrɛ dier a bome a, ʋ lɛb tuur a sɔr-vla. Nyɩ mɩ́ maalɩ a bi-kpieb a lɛ-na-tu-sɔr-a, nyɩ mɩ́ tu a pɔw-kʋɔr yel pùor.”

Ɛcɛ nyɩmɛ wa zawrɩ a, nyɩmɛ wa cãà gaarɩ a, a zɛbr-sɔ-kpɛ̃ɛ n'ʋ na dɩ nyɩ.» À ŋá n'a a Sore ƴɛ̀r.

Nyɩ pɛ́w nyɩ tʋɔra, nyɩ so a nyɩ dɛwr bɛr, nyɩ ír a nyɩ ɩ-faar bɛr a ɩ̃ niŋé, nyɩ bɛr a yel-faa maalʋ.

Nyɩ na mɩ́ wa yɛ́r a nuru a puoru ƴãw a, ɩ̃ mɩ́ pàw nɩ a ɩ̃ mimie. Nyɩmɛ saa nɔnɛ nyɩɩm puore suwle taa, ɩ̃ bɛ bɛrɛ wone ɩ: a nyɩ nuru ɩ n zɩ̃ɩ tɛwr.

Nyɩ ta cãà waar'ɩ de-kʋ̀b bome wa kʋ̀rɛ mɛ̃ zawlalɛ ɩ! A zʋ̀ʋ́r a, ɩ̃ bɛ nɔnɛ a towtow ɛ. Nyɩ ta cãà maalɛ a nyɩ cuw-paalɛ cuwr, a nyɩ pɩ̃ɛnʋ-bibie nɩ a nyɩ cuw-bɛrɛ ɩ, ɩ̃ bɛ sàwr puoru na lãwnɩ ɩ-faar a ɩ.

Náab mɩ́ bãw nɩ a sob nɛ na so ʋ a, ɛ́ bõw bãw a dʋ̃-laa ʋl pʋɔ a ʋ sore na ƴãwnɛ ʋ a dɩb a. Ɛcɛ a Ɩsɩrayɛl bɛ bãw bom za ɩ, a ɩ̃ nɩ-bʋʋrɛ bɛ bãw bom za pɛr ɛ.”

Ɩ̃ bɛ nɔnɛ a nyɩ cuw-paalɛ cuwr nɩ a nyɩ cuw-bɛrɛ ɩ, a ɩ n tuor a ɩ̃ zie, ɩ̃ bàl'a nɩ a deb.