Oze 9
9
A Naaŋmɩn nɩ-bʋʋrɛ kʋ̃ páw bom za ɩ
1Ɩsɩrayɛl ɩ, ta dɩ tuo cɩlɛ laar hele nɩ
mɛ̃ a nɩ-bʋʋr-yoru a ɩ.
Bʋ̃ʋ n'ʋ vɛ̃, fʋ tõ n pɔw-yɛm tome
a taw fʋ zãá nɩ a fʋ Naaŋmɩn,
ɛ́ fʋ nɔ̃w nɩ a tome á ŋá sã-ya
a ble vab gbãgbalɩ za pʋɔ.
2Ɛcɛ a ble bɛ na vàrɛ a ble vab gbãgbala pʋɔ a,
nɩ a tɩ-wɔmɛ kãá bɛ na tʋɔr íre a, fʋ̃ʋ kʋ̃ so a ɩ.
A divɛ̃-paala fʋ na gùre a, fʋ kʋ̃ páw a ɩ.
3Efarayim kʋ̃ tʋ̃ɔ́ kpɩɛr a Sore tẽw pʋɔ ɩ,
ʋ na lɛb'a cen a Eziptɩ bɩɩ a Asiiri
tɩ dɩrɛ bʋ̃-dɩ-dɛgɛ.
4A lɛ pʋɔ a, a Efarayim nɩbɛ
kʋ̃ mɩ́ lɛb cir divɛ̃ bɛr a Sore maalʋ ƴãw ɛ,
a bɛ bagɛ kʋ̃ mɩ́ pɛlɩ a ʋ pʋɔ ɩ.
A bɛ bʋ̃-dɩrɩ na ɩ na mɛ̃ wahala daar dipɛ̃ a:
bɛlɩ dem za na 'wɔbr a a na tɛr'ɩ dɛwr.
Bʋ̃ʋ n'ʋ vɛ̃, a bɛ dipɛ̃ na mɩ́ guoli bɛ na,
ɛcɛ ʋ bɛ kpɩɛr a Sore Ŋmɩn-yir-kpɛ̃ɛ pʋɔ ɩ.
5Bʋ̃ʋ n'ʋ nyɩ na ɩ a cuw-kpɛ̃ɛ bibir?
A Sore cuw bibir?
6Nyɩmɛ wa ìre ɛ́ bɛrɛ a nyɩ tẽw na sãw a,
a Eziptɩ tẽw na de nyɩ na,
ɛcɛ a tẽw ʋl na dɩ Mɛmfisɩ#9:6 Mɛmfisɩ: A Eziptɩ tẽw pɛrɩ́ tẽ-kpɛ̃ɛ-kʋra n'ʋ. Nyɛ̃ Ɩza 19.13. a na ɩ n a nyɩ yàa.
A nyɩ bʋ̃-vɩɛlɩ vɩɛlɩ na lɩɛb'ɩ karnyã bʋ̃-sori
ɛ́ gʋʋr bul paalɩ a nyɩ kpɛb ziir.
7A dɔwrʋ daar ta na, a Ɩsɩrayɛl, ʋ bãwnɩ a.
Nyɩ yere na: «A naaŋmɩn-ƴɛ̀r-manɛ yarɛ na,
a sob nɛ a Naaŋmɩn na ƴãw
a ʋ vʋʋrʋ a ìre nɩ kɔ̃tɔmɛ.»
A nyɩ ɩ-faar na bɛ tɛr nʋɔr,
lãwnɩ a nyɩ bɛ-nɔn a ʋ zie a n'a so.
8A Sob nɛ na piwre a zie a Efarayim ƴãw a
be n a Naaŋmɩn zie, a naaŋmɩn-ƴɛ̀r-manɛ n'ʋ.
Ɛcɛ bɛ ƴãwnɛ nɩ bɛrɩ a ʋ sɛ́ɛ za zu,
bɛ mɩ́ diw ʋ na tɩ sãá nɩ a ʋ Naaŋmɩn yir.
9Nyɩ maal'ɩ a faa tɩ tɔ,
mɛ̃ a lɛ nyɩ na tɩ ɩ a Givea#9:9 Givea: Nyɛ̃ Ƴɛ̀r-d 19—21. tẽw a.
Naaŋmɩn na lɛb'a bãwnɩ a nyɩ ɩ-faar,
ʋ na dɔwrɩ nyɩ nɩ a nyɩ yel-bebe ƴãw.
Bɛ ɩ na a kpɛ a Sore
10À ŋá n'a a Sore yere:
«Ɩ̃ nyɛ̃ nɩ a Ɩsɩrayɛl ʋ ɩ mɛ̃ divɛ̃ tɩ-wɔmɛ
bɛ na nyɛ̃ wɛja-kpalɛ pʋɔ a.
Ɩ̃ nyɛ̃ nɩ a nyɩ sãàkʋm-kore mɛ̃ kãkãw wɔ̃-dãw
bɛ na nyɛ̃ a tɩɛ zu a.
Ɛcɛ bɛl a, bɛ na dɛ wa tarɛ a Bàál-Pewɔɔr#9:10 Bàál-Pewɔɔr: Nyɛ̃ Sɔr-n 25. tẽw a,
bɛ bɛr'ɩ bɛ tʋɔra kʋ̀ a Vĩ#9:10 Vĩ: Zʋm'ʋ a Ɩsɩrayɛl nɩbɛ tɩ de lɩɛr'ɩ a Bàál yúor.,
lɛ n'a bɛ lɩɛbɩ faalʋ na bɛ maal'ɩ wob a,
mɛ̃ a bom ʋl tɔr za bɛ na nɔnɛ a.
11A Efarayim yúor na yi a
na tɔl'a mɛ̃ lile na ƴaw cen a:
bie kʋ̃ lɛb dɔw ɛ, pʋɔ kʋ̃ lɛb tɛr ɛ,
sɩɛ kʋ̃ lɛb ŋmãa a ɩ.
12Bɛlɛ saa guole bibiir a,
bɛ kʋ̃ mɩ́ ta nɩbɛ sɛr ɛ, ɩ̃ɩ ír bɛ a bɛ zie.
Mãa dɛ wa ŋmɛlɛ kpaar cɔwr bɛ a,
baw-bio páw bɛ na.
13A Efarayim ɩ̃ na nyɛ̃ a,
ʋ ɩ na a ʋ bibiir ɩ wɛ-dʋn,
ʋ bɛr bɛ na bɛ tuore a bɛ kʋrɛ.
14Sore e, alɛ na wa ɩ dɔwrʋ a,
buor'ʋ bɛ na kaa ír?
Kʋ̀ a bɛ pɔwbɛ pʋ-ãàmɛ nɩ bɩr-varsɩ.»
15A Sore yel'a ƴãw pʋɔ:
«Gilgal'a a bɛ faalʋ za sãá. Be n'a ɩ̃ tɩ hɩ̃ɛn bɛ.
A bɛ faalʋ zũú, ɩ̃ na diw bɛ na bɛr a ɩ̃ yir,
ɩ̃ kʋ̃ cãà nɔnɛ bɛ ɩ, a bɛ niw-dierbɛ za gaarɩ na.
16Bɛ ŋmɛ n a Efarayim páw,
a ʋ nyɩgɛ ko na, ʋ kʋ̃ lɛb wɔ̃ wɔmɛ ɩ.
Bɛlɛ saa wa dɔwr a,
ɩ̃ na ɩ n a bɛ bi-nɔnɩ bɛ ŋa kpi.»
17A ɩ̃ Naaŋmɩn na zawrɩ bɛ na bɛr,
bɛ na bɛ bɛr wõ ʋ a ƴãw.
Lɛ n'a bɛ na bɔrɛ yʋ̀ɔr a nɩ-bʋʋr-yoru pʋɔ.
Currently Selected:
Oze 9: DBDC
Highlight
Copy
Compare
Share
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.
