Oze 10
10
A Sore sãwnɛ nɩ a Ɩsɩrayɛl tɩbɛ bɛrɛ
1Divɛ̃ tɩɩr púo na vɩɛl,
ɛ́ a tɩɩr wɔnɛ yaga a tɩ n'ɩ a Ɩsɩrayɛl.
Ɛcɛ a lɛ a tɩɩr na tɩ wɔnɛ yaga a,
lɛ n'a ʋ mɩ̀ tɩ mɩɛr a bàwr-maal-kube dɔwlɛ cere nɩ,
lɛ n'a ʋ mɩ̀ tɩ wobr a kʋsɛbɛ tele nɩ pɔ̀lʋ.
2Nɩsaal-libelibe nɛbɛ.
Ƴɛrɛŋa a, bɛ na nyɛ̃ nɩ dɔwrʋ yáa a san.
A Sore tɔr za n'ʋ na ŋmɛ
a bɛ bàwr-maal-kube lɔb,
ɛ́ ŋmɛr a kʋsɛbɛ bɛ na wob teli a bɛr.
3Ƴɛrɛŋa bɛ yere na: «Tɩ bɛ cãà tɛr nãà ɩ,
tɩ na bɛ ƴãwnɛ a Sore a ƴãw.
Ɛcɛ a nãà yel-ɩra pãa nɔ̃w n'ɩ bo a tɩ zie a?»
4Ƴɛ̀rʋ ƴɛ̀rɛ na, pɔ-ziri pɔrɛ, wõ-taa nɛ́ɛ bine.
Ɛcɛ a bɛ zie a, a yel-na-tu-sɔr-a ɩ na mɛ̃
mɔ̃-tuo na búle púo pʋɔ a.
5Dɛ̃bɩ̃ɛ nyɔw nɩ a Samaari tẽw dem
a Bɛtɩ-Awɛn tẽw nadele ƴãw, bɛ màwr bɛ za.
Bʋ̃ʋ n'ʋ vɛ̃, a ʋ nɩbɛ nɩ a ʋ bàwr-maalbɛ
maalɛ nɩ ko-kpɛ̃ɛ a ʋ ƴãw.
Ƴɛrɛŋa bɛ na nyɔw ʋ cen nɩ zi-zãána a,
bɛ na tʋ̃ɔ́ na cáarɛ a ʋ yúor na tɩ yi a.
6Bɛ mɩ̀ na nyɔw nɩ a nadele
cen nɩ Asiiri, tɩ kʋ̀ a na-kpɛ̃ɛ,
lɛ n'a a Efarayim na nyɛ̃ vĩ, ɛ́ a kpɛ a Ɩsɩrayɛl,
ʋ na lãw nɩ a nɩbɛ bɛ ŋa a.
7A Samaari tẽw yele baar'a,
a ʋ nãà ɩ na mɛ̃ dà-ŋmale na duwre kʋ̃ɔ zu a.
8Bɛ sãw nɩ a bɛ maalʋ-ziir za bɛr.
Alɛ tɩ n'ɩ a Ɩsɩrayɛl yel-bier.
Karnyã nɩ gʋʋr na bul'a do a bàwr-maal-kube zu.
Lɛ n'a bɛ na yel a tan: «Nyɩ pàw tɩ!»,
ɛ́ yel a tãli: «Nyɩ lo gùri pàw tɩ#10:8 Nyɛ̃ Luk 23.30, Yel-w 6.16.!»
A bom nɛ a Ɩsɩrayɛl na bʋ̀r a, ʋlɛ n'ʋ ʋ na cɛ̀
9A Givea tẽw yele daar za n'a
a Ɩsɩrayɛl maalɩ a yel-bier. Ʋ bɛ lɩɛbɩ a ʋ ɩb ɛ!
Lɛ so, a Givea tɛɛ za bɛ n'a a sɛw
k'aa zɛbr ta a nɩ-kʋrbɛ bɛ ŋa ɩ?
10Ɩ̃ na dɔwrɩ bɛ na, bɛ na tu a bɛ ɩ-faar#10:10 Ɩ-faar ayi: Alɛ tɔ̃w n'ɩ a salm-zɩɛ nadeli ayi bɛ na puore a Betɛl nɩ a Dan a. ayi a ƴãw.
A nɩ-bʋʋr-yoru na wõ n taa a bɛ ƴãw.
11A Efarayim tɩ ɩ na mɛ̃ náab bɛ na pɔwlɩ
ʋ nɔnɛ a ble vab a:
ɩ̃ na tɩ nyɛ̃ a ʋ nyũu ʋ ta a,
ɩ̃ de nɩ a ni-kɔ-dàa dɔwlɩ a ʋ nyũu zu:
Zuda buwr'ɩ a tẽw, ɛ́ Zakɔb tawr a kur-jajaa.
12Nyɩ bʋ̀rɛ a yel-mɩnʋ, ɛ́ nyɩ na cɛ̀ n a nɔ̃wfʋ.
Nyɩ cɛ pire, ƴɛrɛŋa n'a a sɛw kɛ́ nyɩ bɔbr a Sore,
ɛ́ gù ʋ wa tɩ ɩ a faafʋ ta nyɩ.
13Nyɩ̀ kɔ n a po-tuolu ɛ́ cɛ̀ a faalʋ,
nyɩ dɩ n ziri wɔm.
«Ɩsɩrayɛl ɩ, fʋ ƴãw nɩ a fʋ tɩɛrʋ a fʋ fãw ƴãw,
a fʋ soja-yaga yaga ƴãw.
14Alɛ so zɛbr gɔmɛ ìre dúor a fʋ nɩ-bʋʋrɛ sɔgɔ,
ɛ́ bɛ na sãw a fʋ tẽ-kpɛn kpɛn za bɛr.
A na ɩ na mɛ̃ a nãà Salman
na tɩ sãw a Bɛtɩ-Arvɛl#10:14 Bɛtɩ-Arvɛl: A tẽ-kpɛ̃ɛ ŋa be n a Zurdɛ̃ man saa-pɛrɩ́. Salman: Mowab tẽw nãà kãw n'ʋ. tẽw bɛr a.
A zɛbr ʋl pʋɔ a, ʋ tɩ kʋ n a mã mɩnɛ lãwnɩ a bɛ bibiir.
15À ŋá n'a a Betɛl ɩ nyɩ,
a nyɩ po-tuolu na bɛ tɛr manʋ a ƴãw.
Zie wa vɩɛrɛ a, a Ɩsɩrayɛl nãà yele na baar'a.»
Currently Selected:
Oze 10: DBDC
Highlight
Copy
Compare
Share
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.
