Oze 8
8
A Ɩsɩrayɛl zawr'ɩ a Naaŋmɩn ɛ́ bʋ̀nɛ ɩrɛ
1Dʋ̃ a wɩ́ɛ! Kpɩɛrʋ siwr'ɩ a Sore tẽw pʋɔ mɛ̃ sɩla a.
Bʋ̃ʋ n'ʋ vɛ̃, à ŋá n'a a Sore yere:
«A Ɩsɩrayɛl nɩbɛ sãw nɩ mãa nɩ a bɛl wõ-taa bɛr,
bɛ zawr'ɩ a ɩ̃ wulu bɛr.
2Bɛ kone na cɔwr mɛ̃ yere nɩ:
“Ɩ̃ Naaŋmɩn i, tɩɩm Ɩsɩrayɛl, tɩ bãw fʋ na!''
3Bɛ zawr'ɩ a vla bɛr, lɛ so a dɔ̃ sob diwr bɛ.
4Bɛ zɩɩl'ɩ a bɛ na-mɩnɛ ɛ́ bɛ sowri mɛ̃ bom ɛ.
Bɛ kaa na ír a bɛ niw-dierbɛ ɩ̃ɩ bɛ bãwnɩ a ɩ.
A bɛ salm-pla nɩ a bɛ salm-zɩɛ n'a
bɛ de maal'ɩ a tɩbɛ a bɛl mɩŋa loba ƴãw.
5Samaari#8:5 Samaari: A Ɩsɩrayɛl saa-pɛrɩ́-gʋba-lowr naalʋ-tẽw tẽ-kpɛ̃ɛ n'ʋ. tẽw dem i,
a nyɩ nadele ɩrɛ mɛ̃ nɩ kɔkɔrʋ.
Nyɩ ɩ na a ɩ̃ suur ìr.
Debor'a a na tɩ ta, nyɩ na kʋ̃ tʋ̃ɔ́ bɛ tɛr a sãwna a?
6Ɩsɩrayɛl tẽw n'a ʋ yi,
bʋ̃-maalɛ kãw n'ʋ maalɩ ʋ, ʋ bɛ ɩ Naaŋmɩn ɛ.
Ʋ̃ʋ, a Samaari tẽw nadele#8:6 Nadele: Ʋ na ɩ n a nadele ʋl a Zerobowam 1 sob na tɩ maalɩ ƴãw a Betɛl zi-sõw pʋɔ a. Nyɛ̃ 1Na 12.28-29. na ŋmɛr'a yaarɩ pɩrɩsɩsɩ.
7Nyɩ na bʋ̀rɛ a sɛsɛb a, sɛsɛb'ʋ nyɩ na cɛ.
Bʋ̃ʋ n'ʋ vɛ̃, mɛ̃ a lɛ a zʋkpar na yel a:
“Ble na bɛ yi zu a, bɛ tɛr zɔ̃ ɩ''.
Ɛ́ ʋlɛ saa ɩ mɛ̃ ʋ tɛr'ɩ zɔ̃ a,
nɩ-sãanbɛ nɛbɛ na dɩ ʋ.
8Bɛ vɔl'ɩ a Ɩsɩrayɛl.
Ʋlɛ n'ɩ ŋan a nɩ-bʋʋr-yoru sɔgɔ
mɛ̃ bom na bɛ tɛr pɛr a.
9Ʋ nyɛ̃ nɩ ʋ tʋɔra cen Asiiri.
Bõw-gaara mɩ́ so nɩ ʋ tʋɔra,
ɛcɛ a Efarayim nɩbɛ dàar'ɩ sɛnbɛ.
10Bɛ na saa kʋ̀rɛ bʋ̃-kʋ̀rɩ a nɩ-bʋʋr-yoru a,
a daar ʋl ɩ̃ na na ɓã bɛ taa a ta na.
Ɛ́ ka nɩ blã blã a, bɛ na nyɛ̃ nɩ a wʋ̀ʋr
a na-mɩnɛ za nãà na na ƴãw bɛ a.
11A Efarayim maal'ɩ a bàwr-maal-kube yaga yaga
a yel-bier ír-bɛrʋ ƴãw,
ɛcɛ a bàwr-maal-kube á ŋá
nɩ̃ɛ na ɩ ʋ maalɛ a yel-bebe.
12Mãa saa ɩ mɛ̃ ɩ̃ sɛb'ɩ
a ɩ̃ nɛ-ƴãwnɩ tu-tu-túr kʋ̀ ʋ a,
ʋ bɛ ŋmɛlɛ kaar a ɩ.
13Nɛnɛ n'a bɛ kʋrɛ 'wɔbr
ɛ́ yel kɛ́ bàwr'a bɛ maalɛ.
A bɛ pɛlɛ a mãa Sore pʋɔ towtow ɛ,
ɩ̃ bɛ yiire a bɛ sãwna bɛrɛ ɩ,
ɩ̃ sɔrɛ nɩ a bɛ yel-bebe.
Bɛ na lɛb'a cen a Eziptɩ tẽw.
14A Ɩsɩrayɛl yiir'ɩ a mãa ʋ Íre bɛr
ɛ́ mɛ yir-vɩɛlɩ vɩɛlɩ.
Zuda ʋl a, tẽ-bɛrɛ bɛ na gù vla a n'a
ʋ mɛ paalɩ a ziir za.
Ɛcɛ ɩ̃ na ƴãw nɩ vũu a ʋ tẽ-bɛrɛ,
a vũu na dɩ n a bɛ yir-vɩɛlɩ vɩɛlɩ.»
Currently Selected:
Oze 8: DBDC
Highlight
Copy
Compare
Share
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.
