Oze 7
7
1A lɛn daar ɩ̃ na mɩ́ bɔbr k'ɩ̃ɩ sanɩ a Ɩsɩrayɛl a,
a lɛn daar'a ɩ̃ mɩ́ nyɛ̃ a Efarayim sãwna
nɩ a Samaari nɩ-kʋ yele.
Ziri n'a bɛ ŋmarɛ a ziir za,
nyãnyuwr kpɩɛr'ɩ a yie pʋɔ,
a yẽw a, nyãnyu-nɩ-kʋrbɛ bɛ bɛrɛ a nɩbɛ ɩ.
2Bɛ bɛ mɩ́ tɩɛr'ɩ bɛ pʋɔ ɩ̃ na bɛ yiire
a bɛ ɩ-faar kãw za bɛrɛ a ɩ.
Ƴɛrɛŋa a, a bɛ ɩ-faar pili na pàw bɛ.
Alɛ n'ɩ a ŋan gã a ɩ̃ niŋé.
3A bɛ ɩ-faar ɩrɛ nɩ nʋ̃ɔ̀ a nãà,
ɛ́ a bɛ ziri ɩrɛ nʋ̃ɔ̀ a niw-dierbɛ.
4Bɛ za ɩ n pɩ̃ɔ-yel-bier-maalbɛ.
Bɛ ɩ na mɛ̃ dipɛ̃ sɛb zie na tʋlɛ kpãkpã
a dipɛ̃-maalɛ bɛ cãà gbɔwr vũu ƴãwn,
a lɛ ʋ na dɛ bu a zɔ baarɩ ɛ́ gù a tɩ ìr a.
5A bɛ nãà cuw bibir a,
a ʋ tõ-tõ-bi-bɛrɛ mɩ́ nyũ n a divɛ̃ zuo tɩ ɩ n bàalbɛ.
Bɛ mɩ́ ɩrɛ nɩ a nɩbɛ laar ɛ́ a nãà cɔwrɛ bɛ.
6A bɛlɩ dem na cɔbrɛ a yel-faa maalʋ a
mɩ́ tʋlɛ na mɛ̃ dam a.
A tɩ̃ɩsɔw za a, a bɛ suur mɩ́ gúre na,
ɛ́ a zie wa vɩɛrɛ ʋ dɩrɛ mɛ̃ vũu-kpɛ̃ɛ a.
7Bɛ za tʋlɛ nɩ kpãkpã mɛ̃ dipɛ̃ sɛb zie a.
Bɛ kʋrɛ nɩ a bɛ niw-dierbɛ.
A bɛ na-mɩnɛ lore na lɩɛrɛ taa,
ɛ́ kãw za bɛ nɔnɛ k'ʋʋ kõ cɔw mɛ̃ ɩ.
8A Efarayim kpɩɛr'a jɛr a nɩ-bʋʋr-yoru.
Ʋ ɩ na mɛ̃ sɛ̃sɛ̃ bɛ na bɛ lɩɛbɩ a.
9Nɩ-sãanbɛ báarɛ nɩ a ʋ fãw, ʋʋ bɛ bãwnɩ a ɩ.
Ʋ bul'ɩ zukɔbr pɛlɛ baarɩ, ɛ́ cãà bɛ bãwnɩ a ɩ.
10A Ɩsɩrayɛl nyʋ̀ʋ́r, alɛ n'a yere a ʋ sãwna.
Ɛcɛ bɛ bɛ lɛbr waar a Sore bɛ Naaŋmɩn zie ɩ.
À á ŋá za na saa ta bɛ a, bɛ bɛ bɔbr a Sore ɩ.
11A Efarayim ŋmɛ̃ na mɛ̃ naŋmam na bɛ tɛr yã
bɛ mɩ́ bɛlɩ nyɔw mɔlɛ lɛ a:
ʋ mɩ́ bʋɔl'ɩ a Eziptɩ tẽw k'ʋʋ wa sõw ʋ,
ɛ́ mɩ́ zɔ cen Asiiri tẽw.
12Ɛcɛ a lɛn daar bɛ na mɩ́ zɔrɛ cere a be a,
lɛn daar'a a ɩ̃ mɩ̃ɛ lore a bɛ zu.
Ɩ̃ mɩ́ ɩ na bɛ lo mɛ̃ saa-zu lili a,
ɩ̃ mɩ́ nyɔw bɛ na nɩ a ɩ̃ bɛra
mãa wa wõ bɛ ɓanɛ taa a.
13«Zu-bio páw bɛ na,
bɛ na zɔrɛ zãánɛ nɩ mɛ̃ a,
bɛ na ír zɛbr'ɩ mɛ̃ a, a bɛ loba n'a ta.
Bɛ ŋmarɛ nɩ ziri ƴãwn mɛ̃, ɩ̃ɩ pãa na faa bɛ ɛ?
14A bɛ pʋɔ za bɛ n'ʋ bɛ mɩ́ kone cɔwr'ɩ mɛ̃ ɩ.
Ɛcɛ bɛ mɩ́ gã na kone, wɛrɛ nɩ a bɛ ƴã-gan,
tɩɛr kɛ́ lɛ n'a bɛ na ɩ a bɛ ble
nɩ a bɛ divɛ̃ tɩ-wɔmɛ maalɩ vla.
À à ŋá bɛ na ɩrɛ a, mãa n'ʋ bɛ zawrɛ bɛrɛ.
15Ɛcɛ mãa n'ʋ tɩ kaa a bɛ zie,
mãa n'ʋ tɩ kʋ̀ bɛ a fãw!
Zɩ̃ kɛ́ tɩɛr-faar tɛwr'a bɛ tɩ tɛr a ɩ̃ ƴãw.
16Bʋ̃-zawlɛ zie n'a bɛ lɛbr cere,
bɛ ŋmɛ̃ na mɛ̃ tã-kaba a.
Zɛbr-sɔ-kpɛ̃ɛ n'ʋ na kʋ a bɛ niw-dierbɛ
a bɛ nyɔka-ƴɛ̀rʋ ƴãw,
lɛ n'a a nɩbɛ na la bɛ wõ nʋ̃ɔ̀ a Eziptɩ tẽw!»
Currently Selected:
Oze 7: DBDC
Highlight
Copy
Compare
Share
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.
