Oze 12
12
A pɛr-tib daar za n'a a nɩ-bʋʋrɛ bɛ ŋa bɛ̀lɛ a Naaŋmɩn
1A Sore yere na: A Efarayim nɩbɛ
ŋmãa na jil mɛ̃ nɩ ziri,
ɛ́ a Ɩsɩrayɛl nɩbɛ tɛr bɛ̀lʋ-ɩb viiri koli nɩ mɛ̃.
Ɛcɛ Zuda ʋl cãà na lãwnɩ a Naaŋmɩn,
ɛ́ tu a Sonu-za-sob bɛ lɛb pùor ɛ.
2Sɛsɛb'ʋ a Efarayim nyúur zawla,
saa-pɛrɩ́ sɛsɛb'ʋ ʋ mɩ́ diwr tuur a bibi-ɓil za.
Ʋ ŋmarɛ nɩ ziri dɔwlɛ taa, ɛ́ ɩrɛ po-to-fãw-ɩb.
Ʋ maal'ɩ wõ-taa nɩ a Asiiri,
ɛ́ tɩr kãá kʋ̀ a Eziptɩ tẽw.
3A Sore maalɛ nɩ nɩ a Zuda nɩbɛ ƴɛ̀rʋ.
Ʋ na ƴãw na a Zakɔb manɩ a ʋ cenu pɛr,
ʋ na dɔwr'ʋ na sɛw nɩ a ʋ ɩ-ɩrɩ.
4Ʋ tɩ cãà nɩ a ʋ mã púorí,
ɛ́ de a nɩ-kpɛ̃ɛnʋ a ʋ yɛb zie.
Ɛ́ ʋ na wa ta nɩr a, ʋ tɩ mɔ̃ nɩ nɩ a Naaŋmɩn#12:4 De a nɩ-kpɛ̃ɛnʋ a ʋ yɛb zie: Nyɛ̃ Yzt 25.26, 27.35-36. Ʋ tɩ mɔ̃ nɩ nɩ a Naaŋmɩn: Nyɛ̃ Yzt 32.25-29..
5Ʋ tɩ mɔ̃ na tʋ̃ɔ́ malkɩ, ɛ́ kõ zɛlɩ ʋ.
Betɛl'a ʋ nyɛ̃ a Naaŋmɩn,
ɛ́ be n'a a Naaŋmɩn ƴɛ̀r'ɩ tɩ.
6A Sore Naaŋmɩn kpɛnʋ-za-sob,
“a Sore”, à ŋá n'a a sɛw kɛ́ bɛ mɩ́ bʋɔlɩ ʋ.
7«A na ɩ à ŋá a, a fʋ̃ʋ a,
fʋ na lɛb'a wa a fʋ Naaŋmɩn zie,
taa lɛbr pùor ɛ, cere dẽdẽ,
ɛ́ ƴãw a fʋ tɩɛrʋ a fʋ Naaŋmɩn ƴãw kʋralɛ.»
8A Efarayim ŋmɛ̃ na mɛ̃ a Kanãa tẽw dem
na tɛr nyãnyu-bʋ̃-kera a nũú a. Bɛ nɔnɛ nɩ a zub.
9Ɛ́ a Efarayim yere: «Naalʋ tɛwr'a ɩ̃ kpɛ,
ɩ̃ bɔ na tɛr a, a ɩ̃ ton za pʋɔ a, yel-bier bɛ ka be ɩ.»
10Ɛcɛ a mãa a, a Eziptɩ tẽw daar za n'a
ɩ̃ ɩ a Sore fʋ Naaŋmɩn.
Ɩ̃ na ɩ na nyɩ lɛb kpɩɛr a pɛnɛ-sɛwr pʋɔ,
mɛ̃ a alɩ bibie nɛ ɩ̃ na mɩ́ tɩ wa nyɛ̃ nyɩ a.
11Ɩ̃ na ƴɛ̀r'ɩ a ƴɛ̀r-manbɛ zie,
ɩ̃ na ɩ na a bʋ̃-nyɛrɩ bɛ na mɩ́ nyɛ̃ a lɛb yãwmɛ dɔwlɩ,
ɩ̃ɩ na ƴãw na bɛ mɩ́ lɔb zʋkpaɩ a ɩ̃ yúor ƴãw.
12A Galaadɩ#12:12 Galaadɩ: Nyɛ̃ 6.8. Gilgal: Nyɛ̃ 4.15 nɩ a manʋ. tẽw dem tɩ ɩ n
ɩ-fa-maalbɛ tɛɛ za, bɛ baar'ɩ bɛ za.
A Gilgal'a bɛ tɩ kʋrɛ a nadeli,
maalɛ nɩ bàwr bɛ tɛr bɛ́rʋ daar ɛ.
Ɛcɛ a bɛ bàwr-maal-kube
lɩɛb'ɩ kʋsɛ-gbawlɛ na gbõ taa gã a póru pʋɔ a.
13Zakɔb tɩ zɔ na cen Aram tẽw,
ʋ tɩ tõ n pɔw deb ƴãw,
ɛ́ a pɔw deb ƴãw ʋ lɩɛbɩ dʋ̃-cɩ̃ɩnɛ#12:13 Nyɛ̃ Yzt 28.2-5, 29.15-30..
14Ɛcɛ naaŋmɩn-ƴɛ̀r-manɛ n'ʋ
a Sore tɩ ƴãw ʋ tɛr a Ɩsɩrayɛl yi n a Eziptɩ tẽw.
Ɛ́ naaŋmɩn-ƴɛ̀r-manɛ n'ʋ a Sore tɩ ƴãw ʋ gù ʋ.
15A Efarayim ɩ na a kpɛ a Naaŋmɩn bɛ tɛr vuo ɩ,
a ʋ Sore na ɩ na a nɩbɛ bɛl za
ʋ na kʋ a zɩ̃ɩ lɛb lo a ʋ zu,
ʋ na ɩ na a kpɛ bɛ yáa a bɛ zʋmɛ san.
Currently Selected:
Oze 12: DBDC
Highlight
Copy
Compare
Share
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.
