Oze 11
11
A Ɩsɩrayɛl zawr'ɩ a ʋ Sãà Naaŋmɩn nɔ̃wfʋ bɛr
1À ŋá n'a a Sore yere:
«A Ɩsɩrayɛl na tɩ ɩ pɔlbile a, ɩ̃ tɩ nɔ̃w ʋ na,
ɩ̃ɩ tɩ bʋɔl'ɩ a ɩ̃ bie na tɩ be a Eziptɩ tẽw a#11:1 Nyɛ̃ Zer 2.2-3, Ety 4.22, Mat 2.15..»
2Ɛcɛ a pùorí, a lɛ ɩ̃ na nɩ̃ɛ mɩ́ tɩ bʋɔlɛ bɛ a n'a,
bɛ mɩ́ lɛb bãw ƴãw fãw cere zãánɛ nɩ mɛ̃.
Bàál mɩnɛ nɛbɛ bɛ maalɩ bàwr kʋ̀,
ɛ́ nyɩw de-kʋ̀b bome ƴãw tɩbɛ nɩsaal na pɛnɩ a.
3Ɛcɛ mãa n'ʋ tɩ zanɩ nɩ a Efarayim a cenu,
ɩ̃ mɩ́ tɩ nyɔw ʋ nɩ nũú.
Ɛcɛ ʋ bɛ tɩ bãw kɛ́ ʋl zie n'a ɩ̃ tɩ kaarɛ ɩ.
4Ɩ̃ tɩ kaarɛ nɩ ʋ zie nɩ nɩsaalʋ, ɩ̃ na tɩ nɔnɛ ʋ a ƴãw.
A ʋ zie a, ɩ̃ tɩ ɩ na mɛ̃ mã
na ɓáw bi-pɩɩla dɔwlɩ nyãa zu mɔwrɛ a ʋ kɔ́r a.
Ɩ̃ mɩ́ tɩ gũu na cɔw ʋ ɛ́ kʋ̀rɛ ʋ a bʋ̃-dɩrɩ.
5«A Ɩsɩrayɛl nɩ-bʋʋrɛ kʋ̃ lɛb wa a Eziptɩ ɛ,
Asiiri tẽw n'ʋ na so bɛ,
bɛ na zawrɩ a ɩ̃ zie lɛb-waa a ƴãw.
6Zɛbr na be n a bɛ ten pʋɔ,
zɛbr na sãw nɩ a bome al na gù bɛ a bɛr,
ɛ́ sãw bom za bɛr,
a lɛ bɛ na tɩɛrɩ a na bɛ vɩɛl a ƴãw.
7A ɩ̃ nɩ-bʋʋrɛ su n zu zawrɛ mɛ̃ bɛrɛ,
bɛ bʋɔlɛ bɛ na kɛ́ bɛ lɛb ìr,
ɛcɛ bɛ been kãw za bɛ lɛb ìre ɩ.»
8«Ɛcɛ Efarayim i, ŋmɩŋmɩn za n'a
ɩ̃ na sàw zawrɩ fʋ bɛr?
Ɩsɩrayɛl ɩ, ŋmɩŋmɩn za n'a ɩ̃ na sàw de fʋ tɩr?
Ŋmɩŋmɩn za n'a ɩ̃ na sàw ɩ fʋ,
mɛ̃ ɩ̃ na ɩ a Adima#11:8 Adima nɩ Sevoyim: A ten á ŋá ayi pɩɛl'ɩ a Sodɔm nɩ a Gomɔɔr ten. Bɛ wa lãw na sãw a za bɛr. Nyɛ̃ Wl-ayi 29.22. tẽw a?
Ɩ̃ na sàw na ɩ fʋ, fʋ ŋmɛ̃ mɛ̃ a Sevoyim tẽw a?
A ɩ̃ tɩɛrʋ za dam'a, ɛ́ a ɩ̃ nɩbaal-zɔba ìr.
9Ɛcɛ ɩ̃ kʋ̃ bɛr a ɩ̃ suur ìr ɛ,
ɩ̃ kʋ̃ lɛb wa wa sãw a Efarayim bɛr ɛ,
bʋ̃ʋ n'ʋ vɛ̃, ɩ̃ ɩ n Naaŋmɩn, ɩ̃ bɛ ɩ nɩsaal ɛ,
a fʋ zie a, ɩ̃ ɩ n sõw, ɩ̃ kʋ̃ wa wul a ɩ̃ suur ɛ.»
10A nɩbɛ bɛ na nyɔw cen nɩ a tẽ-yũo a,
na cere na tuur a Sore na ùore mɛ̃ gbẽw a.
Ʋlɛ wa ùori a, a ʋ bibiir
na yi n a mʋ̃tɔ̃w-kpɛb-lowr, màwr zɔrɛ waar'ɩ.
11Bɛ na yi n a Eziptɩ,
ɛ́ màwr zɔrɛ waar'ɩ mɛ̃ davɩmɛ a,
bɛ na yi n a Asiiri wa mɛ̃ naŋmamɛ a.
«Ɩ̃ na ɩ na bɛ kpɩɛr a bɛ yie pʋɔ.»
A Sore n'ʋ yel.
Currently Selected:
Oze 11: DBDC
Highlight
Copy
Compare
Share
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.
