Oze 13
13
A Efarayim na zawrɩ a Naaŋmɩn bɛr a, ʋ na kpi na
1A Efarayim na mɩ́ tɩ ƴɛ̀rɛ a,
dɛ̃bɩ̃ɛ mɩ́ tɩ nyɔw nɩ a nɩbɛ za.
A Ɩsɩrayɛl tẽw pʋɔ a, a ʋ yúor tɩ yi na.
Ɛcɛ a Bàál ʋ na wa puore a,
ʋ sãw na, ɛ́ a ʋ sãwna ŋa kʋ ʋ na.
2A ƴɛrɛŋa mɩ̀ a, bɛ cãà na maalɛ a yel-bier:
bɛ nyɩlɛ nɩ salm-zɩɛ maalɛ nɩ bome,
bɛ nyɩlɛ nɩ salm-zɩɛ maalɛ nɩ tɩbɛ, nɩ a bɛ bãwfʋ,
nɩsaal bʋ̃-maalɩ n'ɩ à á ŋá za.
Ɛcɛ a al ƴãw n'a bɛ mɩ́ yel:
«A fɛr'a kɛ́ tɩ maalɩ bàwr kʋ̀ a!»
Nɩsaalbɛ pãa mɩ́ wa nyɔw nadeli kɔ́rɛ mɔwrɛ,
nyɩ maal'a ŋmɛ ɛ!
3Lɛ so, bɛ na tɔl'a mɛ̃ biɓaara ulu a,
mɛ̃ biɓaara ɓɩɛlʋ na zore a,
mɛ̃ sàwr sɛsɛb-pɩl na ɓáw cen zãá nɩ
a ble vab gbãgbala a.
Bɛ na ɩ na mɛ̃ zʋ̀ʋ́r na yire vʋɔrɩ́ a.
4Ɛ́ a mãa a, a Eziptɩ tẽw yib daar za n'a
ɩ̃ ɩ a Sore fʋ Naaŋmɩn,
fʋ bɛ lɛb tɛr Naaŋmɩn a bɛ ɩ a mãa n'ʋ ɛ,
faarɛ kãw za bɛ be be ƴãw pʋɔ a ɩ̃ ƴãw ɛ.
5Mãa n'ʋ tɩ cɩ̃ɩnɛ fʋ a wɛja-kpalɛ pʋɔ,
a wɛr tẽw pʋɔ fʋ na tɩ be a.
6Fʋ na dɛ wa tarɛ a mʋ̃ɔ 'wɔbrʋ zie a,
fʋ 'wɔb'ɩ a mʋ̃ɔ tɩw, ɛ́ fʋ na wa tɩw baar'a,
fʋ ɩrɛ nɩ pɔ̀l-ɩb#13:6 A kan-nɛ́ɛ 5 nɩ a 6 ƴãw a, nyɛ̃ Wl-ayi 18.11-18., alɛ n'a so fʋ yiiri mɛ̃ bɛr.
7Lɛ n'a ɩ̃ lɩɛbɩ gbẽw a nyɩ ƴãw,
ɩ̃ ũú na gù nyɩ a sɔ́r zu mɛ̃ nyũo a.
8Ɩ̃ ìr'ɩ a nyɩ ƴãw mɛ̃ ursɩ mã bɛ na nyɔw a bile a,
ɩ̃ na 'hel'ɩ a nyɩ nyarʋ,
ɩ̃ na 'wɔb nyɩ na mɛ̃ gbẽw-nyãw a,
a wɛ-dʋn na taw nyɩ na ɓɛl ɓɛl.
9Ɩsɩrayɛl ɩ, fʋ̃ʋ n'ɩ ŋan bɛ ŋmɛr bɛr,
mãa yõ n'ʋ na faa fʋ.
10A fʋ nãà na na faa fʋ a, nyɩnɛ n'a ʋ cen?
Ɛ́ a fʋ ƴɛ̀r-maalbɛ bɛl na be a fʋ ten za pʋɔ a,
nyɩnɛ n'a bɛ cen?
A bɛl ƴãw fʋ na tɩ yel: “Kʋ̀ mɛ̃ nãà nɩ nɩ-bɛrɛ!”#13:10 Nyɛ̃ 1Sa 8.5-6.
11Lɛ n'a ɩ̃ tɩ kʋ̀ fʋ na-mɩnɛ nɩ suur,
ɛ́ lɛb de bɛ a ɩ̃ su-yãyaar pʋɔ#13:11 Nyɛ̃ 1Sa 10.17-24, 15.26, Oze 10.15, 1Na 16.12-18.19, 22.37-38, 2Na 9.24-26..
12A Efarayim sãwna gã nɩ zi-been,
a ʋ yel-bier maal'a gã cɛlɛ.
13A pʋ-dɔwra 'wɔbrʋ dúor ʋ na, ɛcɛ ʋ bɛ bãw yã ɩ,
a ʋ dɔwfʋ ta na, ʋʋ zawrɩ a mã púorí yib.
14Ɩ̃ɩ pãa na faa bɛ a kpɩmɛ tẽw nuru pʋɔ ɔ?
Ɩ̃ pãa na piw bɛ tɛr bɛ ta kpi e?
Kũu u, a fʋ zɛbr bome ɩ n ŋmɩn?
Kpɩmɛ tẽw i, a fʋ fãw na kʋrɛ a ɩ n ŋmɩn#13:14 Nyɛ̃ 1Ko 15.55.?
Nɩbaalʋ zɔba kãw za bɛ cãà a ɩ̃ zie ɩ.
15A Efarayim yele za saa maalɛ vla a ʋ yɛbr sɔgɔ a,
ɛcɛ saa-pɛrí sɛsɛb na wa na,
Sore sɛsɛb na yi wɛja-kpalɛ pʋɔ a na wa na
wa ɩ a bul-nɛ́ɛ nɩ a kʋ̃ɔ-'wɔ̃wfʋ zie a ko gã.
Bɛ na faa nɩ a na-bome za,
a bʋ̃-vɩɛlɩ vɩɛlɩ za cen nɩ.
Currently Selected:
Oze 13: DBDC
Highlight
Copy
Compare
Share
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.
