Ezekɩɛl 15

A Sore divɛ̃ tɩɩr púo na dɩ n vũu

1A Sore tɩ yel mɛ̃ na: 2«A fʋ̃ʋ nɩsaal bie, sɔw kʋ̀ m! A divɛ̃ tɩɛ#15:2 Divɛ̃ tɩɛ: A Sɛb-sõw pʋɔ a, a divɛ̃ tɩɛ ɩ n a Ɩsɩrayɛl, a Naaŋmɩn nɩ-bʋʋrɛ, bãwfʋ. Nyɛ̃ 17.6-8, 19.10-14, Ɩza 5.1-7, Oze 10.1, Mark 12.1-11. dàa vɩɛl'a zuo a dàar za na cɛ a bɩɩ? A ʋ wuli tɛr'ɩ yel-ɩra zuo a wɩ̀ɛ pʋɔ tɩɩr wuli bɩɩ? 3Bɛ mɩ́ tʋ̃ɔ́ na de a ʋ dàa maal'ɩ bʋ̃-kãw bɩɩ? Bɛ na tʋ̃ɔ́ na maal'ɩ ʋ kpawbir mɩ́ yawlɩ bom bɩɩ? 4Ʋ̃ʋ'hʋ̃, vũu tɛwr'a ʋ na tʋ̃ɔ́ gbɔw. A vũu wa dɩ a ʋ nyɛɛ a za ayi, ɛ́ a sɔwlɩsɔw mɩŋa nyɔw vũu a, ʋ na lɛb'a tʋ̃ɔ́ ɩ bom bɩɩ? 5A lɛn daar ʋ na tɩ ɩ a ɓil a, ʋ bɛ tɩ tɛr yel-ɩra kãw za ɩ. Ƴɛrɛŋa a vũu na wa dɩ ʋ za cʋmcʋm a, bɛ na tʋ̃ɔ́ na ɩ n ʋ bom bɩɩ? Towtow!

6Nyɛ̃, à ŋá n'a a mãa Sore Naaŋmɩn yere: Bɛ mɩ́ kaa na ír a divɛ̃ tɩɛ dàa lɔb ƴãw a vũumí ɛ́ bɛr a tɩ-yũo dàa. Lɛ mɩ̀ n'a ɩ̃ na nyɩw a bɛlɩ dem na kpɩɛr a Zerizalɛm a bɛr. 7Ɩ̃ na ìr'ɩ a bɛ ƴãw. Bɛ tɩɛrɛ kɛ́ bɛ yi n a vũu pʋɔ, ɛcɛ a vũu na dɩ bɛ na. A lɛn daar mãa wa ìr a bɛ ƴãw a, nyɩ na bãw na kɛ́ mãa n'ɩ a Sore. 8Ɩ̃ na ɩ na a bɛ tẽw ɩ wɛja-kpalɛ, bɛ na bɛ tu a ɩ̃ pùor a ƴãw. À ŋá n'a a Sore Naaŋmɩn yere.»

Currently Selected:

Ezekɩɛl 15: DBDC

Highlight

Copy

Compare