Wulu-ayi-sob 18
18
A levitɩ mɩnɛ na tɛr sɔ́r alɩ bome nɛ ƴãw a
1A levitɩ mɩnɛ bɛl na ɩ bàwr-maalbɛ a nɩ a Levi bʋʋrɛ bɛl na cɛ a kʋ̃ tɛr tẽsɔw bɛ na põ ír kʋ̀ bɛ, mɛ̃ a Ɩsɩrayɛl nɩbɛ ŋmãa a ɩ. A bɛ dɩb ƴãw a, bɛ na so nɩ a Sore bàwr-maal-bome, nɩ a bome a mɩnɛ ʋ na so a. 2A levitɩ mɩnɛ kʋ̃ tɛr tẽsɔwr a Ɩsɩrayɛl nɩbɛ ŋmãa sɔgɔ ɩ. A bɛ bom'ɩ a Sore, mɛ̃ a lɛ ʋ na yel kʋ̀ bɛ a.
3A dʋn a Ɩsɩrayɛl nɩbɛ na mɩ́ kʋ maal'ɩ a lãw-taa bàwr a, a nĩi bɩɩ a píir nɩ a bʋʋr a, a bàwr-maalbɛ tɛr'ɩ sɔ́r a nɛn ŋmãa ƴãw: a fɛr'a kɛ́ bɛ mɩ́ kʋ̀ bɛ a baw, a tacɩlɛ nɩ a púor. 4Nyɩ mɩ̀ na mɩ́ kʋ̀ bɛ nɩ a kukur bʋ̃-dan: a ble, a divɛ̃-paala nɩ a kãá, lãwnɩ a pi-kɔblʋ nyɩ na na de niwn ŋma a. 5Bʋ̃ʋ n'ʋ vɛ̃, a nyɩ dɔwlʋ za pʋɔ a, a Sore nyɩ Naaŋmɩn kaa na ír a Levi nɩ a ʋ bʋʋrɛ kɛ́ bɛ tone a Sore tome bibie za.
6Levitɩ wa bɔbr k'ʋʋ bɛr a tẽ-kpɛ̃ɛ ʋl ʋ na kpɩɛr a Ɩsɩrayɛl tẽw pʋɔ, ɛ́ wa a zie ʋl a Sore na na kaa ír a, 7ʋ na tʋ̃ɔ́ na tone a Sore ʋ Naaŋmɩn tome a be, mɛ̃ a levitɩ mɩnɛ bɛl na be a be a Sore niŋé a. 8A ʋ dɩb ƴãw a, ʋlɛ nɩ a ʋ taabɛ dem na mɩ́ ɩ n been, ƴãw pʋɔ a libie ƴãw, ʋ na na tʋ̃ɔ́ mɩ́ páw a ʋ yir bome kʋɔrʋ pʋɔ a.
A naaŋmɩn-ƴɛ̀r-manbɛ yele
9Nyɩmɛ wa kpɛ a tẽw a Sore nyɩ Naaŋmɩn na kʋ̀rɛ nyɩ a pʋɔ a, nyɩ kʋ̃ tĩ cɔwrɛ a nɩ-bʋʋr-yoru bɛl ɩ-ɩrɩ na bɛ tɛr ŋmɛ̃a a ɩ. 10Bɛ ta nyɛ̃ nɩr a nyɩ pʋɔ, ʋ nyɩw a ʋ bidɛb bɩɩ a ʋ pɔwyaa maal'ɩ bàwr ɛ, nɩr ʋ tone a tɩtɩwlʋ tome ɩ, ʋ sowre bàwr-bʋwrɛ ɩ, ʋ mɩ́ kanɩ a salom zu bãw yel ɛ, ʋ bãwnɛ nɩdaar yele ɩ, ʋ ɩrɛ sɔ-ɩb ɛ, 11ʋ tɛr ɩ-ɩrɩ nyɔwr'ɩ a nɩbɛ ɩ, ʋ lɔbr a nɩbɛ ɩ, ʋ kabrɛ a kũu kabrʋ bʋʋrɛ kãw za ɩ. 12A bɛlɩ dem na mɩ́ ɩrɛ à à ŋá a, a Sore nyɩ Naaŋmɩn bɛ nɔnɛ a bɛ yele towtow ɛ, alɛ so ʋ na diw a tẽw ŋa dem a nyɩ tab daar. 13Nyɩɩm ƴãw a, nyɩ tu a Sore nyɩ Naaŋmɩn nɩ a nyɩ pʋɔ za. 14A nɩ-bʋʋr-yoru bɛ ŋa tẽw nyɩ na na de a, bɛ mɩ́ bɛrɛ na wone a bàwr-bʋwrbɛ nɩ a bɛlɩ dem na mɩ́ kanɩ a salom zu bãw yel a. A Sore nyɩ Naaŋmɩn bɛ bɔbr a lɛ a nyɩ zie ɩ. 15Ʋ na tõ n naaŋmɩn-ƴɛ̀r-manɛ a nyɩ zie, ʋ ŋmɛ̃ mɛ̃ a mãa a. A nyɩ bʋʋrɛ pʋɔ n'a ʋ na yi, ʋlɛ n'ʋ nyɩ na bɛrɛ wone. 16À á ŋá n'a nyɩ tɩ zɛlɩ a Sore nyɩ Naaŋmɩn zie, a ʋlɩ bibir nyɩ na tɩ ɓã taa a Orɛb tãgɛ̃́ a. Nyɩ tɩ yel'a: «Tɩ bɛ bɔbr kɛ́ tɩ lɛb càarɩ wõ a Sore tɩ Naaŋmɩn kɔkɔr ɛ. Tɩ bɛ bɔbr kɛ́ tɩ lɛb nyɛ̃ a vũu-kpɛ̃ɛ ŋa ɩ. Tɩ bɛ bɔbr kɛ́ tɩ kpi#18:16 Tɩ bɛ bɔbr kɛ́ tɩ kpi ɛ: Nyɛ̃ 5.23-31, ɛ́ baa zuo a za, a kan-nʋɔr 25 sob. ɛ!» 17Lɛ n'a a Sore tɩ yel mɛ̃: «Bɛ tɛr'ɩ yel-mɩŋa bɛ na ƴɛ̀rɛ à à ŋá a. 18Ɩ̃ na tõ n naaŋmɩn-ƴɛ̀r-manɛ ʋ ɩ mɛ̃ a fʋ̃ʋ a, a bɛ zie. Ʋ na ɩ n a bɛ bʋʋrɛ nɩr. Ɩ̃ na ƴãw nɩ a ɩ̃ ƴɛ̀rʋ a ʋ nʋɔrɩ́, ʋʋ na mɩ́ yel'ɩ a alɩ bome nɛ za ɩ̃ na yel k'ʋʋ yel a, kʋ̀ bɛ. 19Nɩr bɛ wa bɛrɛ wone a ƴɛ̀rʋ, a naaŋmɩn-ƴɛ̀r-manɛ ŋa na na ƴɛ̀rɛ a ɩ̃ yúor ƴãw a, mãa mɩŋa na sowri ʋ nɩ bom. 20Ɛcɛ naaŋmɩn-ƴɛ̀r-manɛ wa kpɛ pʋra ƴɛ̀r a ɩ̃ yúor ƴãw, ƴɛ̀rʋ ɩ̃ na bɛ yel k'ʋʋ yel a, bɩɩ ʋlɛ wa ƴɛ̀r ŋmɩn-yoru yúor ƴãw a, a naaŋmɩn-ƴɛ̀r-manɛ ŋa na kpi na.»
21Kapaw nyɩ na sowre nɩ nyɩ tʋɔra à ŋá: «Ŋmɩŋmɩn n'a tɩ na tʋ̃ɔ́ bãw k'aa ƴɛ̀rʋ bɛ yi a Sore zie?» 22Naaŋmɩn-ƴɛ̀r-manɛ wa yel bom a Sore yúor ƴãw, ɛ́ a ʋlɩ bom nɛ bɛ wa ɩ a, a wul'a k'aa ƴɛ̀rʋ bɛ yi a Sore zie ɩ. A naaŋmɩn-ƴɛ̀r-manɛ n'ʋ mɩ̀ kpɛ pʋra ƴɛ̀r. Nyɩ taa zɔrɛ ʋ ɛ.
Currently Selected:
Wulu-ayi-sob 18: DBDC
Highlight
Share
Compare
Copy
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.
