Barukɩ 5
5
1Zerizalɛm i,
yaa a fʋ wʋ̀ʋr nɩ a fʋ zu-bio kparʋ bɛr,
ɛ́ su a Naaŋmɩn yúor-vɩɛlʋ-danʋ
kpar-vla kʋralɛ.
2Su a faafʋ na yi a Naaŋmɩn zie a,
mɛ̃ kpar-kpɛ̃ɛ a,
ɛ́ vɔblɩ a Na-be-kʋralɛ yúor-vɩɛlʋ-danʋ
mɛ̃ nãà-kpawʋɔ a, a fʋ zũú.
3Bʋ̃ʋ n'ʋ vɛ̃, Naaŋmɩn na wul'ɩ a fʋ vɩɛlʋ a tẽw za.
4Yúor ŋa n'ʋ ʋ na por fʋ kʋralɛ:
«Mɩnʋ ƴã-ɓaarʋ nɩ Pùor-bɛ-lɛbrʋ yúor-vɩɛlʋ-danʋ»#5:4 Nyɛ̃ Zer 33.16.
5Ìr, Zerizalɛm i!
Àr a zie na kɛrɩ a zu, ɛ́ jɩ́r a saa-pɛrɩ́.
Nyɛ̃ a fʋ bibiir,
a Naaŋmɩn na ɩ sõw a
ƴɛ̀rʋ na bʋɔlɩ ɓã taa,
bɛ yi a saa-pɛrɩ́ tɩ tɔ
a mʋ̃tɔ̃w-kpɛb-lowr a.
Bɛ cɩlɛ na,
a Naaŋmɩn na lɛb bãwnɩ bɛ a ƴãw.
6Bɛ tɩ yi n nɩ gbɛ́ɛ
a fʋ dɩ̃dɛɛ ƴãw,
a bɛ dɔ̃ dem darɛ bɛ.
Ɛcɛ Naaŋmɩn tɛr bɛ na
lɛb waar'ɩ a fʋ zie,
bɛ tuo bɛ na nɩ dɛpaalʋ
mɛ̃ na-mɩnɛ na zɩ̃
nãà-dà-kɔw zu a.
7Bʋ̃ʋ n'ʋ vɛ̃, a Naaŋmɩn yel'a
kɛ́ bɛ ɩ a tã-kɛrɩ
nɩ a tãli-kore a siw.
Ʋ ƴãw na bɛ paalɩ a fʋɔlɩ,
k'aa tẽsɔw man taa#5:7 Nyɛ̃ Ɩza 40.3-4. ,
a Ɩsɩrayɛl nɩbɛ tʋ̃ɔ́ bɛr yã ɛ́ cere,
ɛ́ a Naaŋmɩn
yúor-vɩɛlʋ-danʋ bɩɛlɛ bɛ.
8A Naaŋmɩn na yel a zũú n'a
a tuwr nɩ a tɩɩr a puuru na nyùur a,
na kʋ̀ ɓaarʋ a Ɩsɩrayɛl nɩbɛ.
9Bʋ̃ʋ n'ʋ vɛ̃,
a Naaŋmɩn na tɛr bɛ na
lɛb wa n nɩ nʋ̃ɔ̀.
Ʋ na caalɩ bɛ na
nɩ a ʋ yúor-vɩɛlʋ-danʋ,
ʋ na bɩɛlɩ bɛ na
nɩ a ʋ su-ɓaarʋ nɩ a ʋ mɩnʋ.
Currently Selected:
Barukɩ 5: DBDC
Highlight
Copy
Compare
Share
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.