2 Bibie za yel-manɩ 8
8
A Salomɔ̃ tõ-bʋʋrɛ bʋʋrɛ a mɩnɛ
(Nyɛ̃ 1Na 9:10-28)
1A na wa maalɩ yome lɩzɛr a, a Salomɔ̃ tɩ ŋmãa nɩ a Sore Ŋmɩn-yir-kpɛ̃ɛ nɩ a ʋl mɩŋa nãà yir baarɩ. 2Ʋ tɩ lɛb'a mɛ a tẽ-bɛrɛ a Tɩ́ɩ̀r tẽw nãà, Hiram, na tɩ kʋ̀ ʋ a, ɛ́ ƴãw a Ɩsɩrayɛl nɩbɛ kpɩɛr a pʋɔ.
3Al pùorí, a Salomɔ̃ tɩ zɛb'ɩ nɩ a Hamatɩ-Sova tẽw, zɛb de ʋ. 4Ʋ tɩ lɛb'a mɛ a Tadɩmɔɔr#8:4 Tadɩmɔɔr: A tẽ-kpɛ̃ɛ ŋa tɩ be n a Siiri tẽw wɛja-kpalɛ pʋɔ. Bɛ bʋɔlɛ ʋ nɩ a dɩ̃a kɛ́ Palmiir. tẽw a wɛja-kpalɛ pʋɔ, nɩ a tẽ-bɛrɛ al za ʋ na tɩ mɛ a Hamatɩ vuo pʋɔ, kɛ́ bɛ mɩ́ maal bin a ʋ bʋ̃-dɩrɩ a pʋɔ a. 5Ʋ mɩ̀ tɩ lɛb'a mɛ a Bɛtɩ-Horon-le-Ho#8:5 Bɛtɩ-Horon-le-Ho nɩ Bɛtɩ-Horon-le-Ba: A ten á ŋá be n a Zerizalɛm saa-pɛrɩ́-gʋba-lowr nɩ a mʋ̃tɔ̃w-kpɛb-lowr cara pʋɔ, zãá nɩ a Zerizalɛm mɛ̃ kilo lɩzɛr a. nɩ a Bɛtɩ-Horon-le-Ba tẽ-kpɛn kpɛn, dacine na mɛ viiri koli a, ɛ́ ƴãw pamɛ na tɛr kparɩ a. 6Ʋ mɩ̀ tɩ lɛb'a mɛ Baalatɩ#8:6 Baalatɩ: Ʋ be n a Zerizalɛm mʋ̃tɔ̃w-kpɛb-lowr, ɛ́ zãá nɩ ʋ mɛ̃ kilo lɩz'a ayi nɩ pie a. nɩ a tẽ-bɛrɛ al za pʋɔ ʋ na mɩ́ tɩ ƴãw bɛ maal bin a ʋ bʋ̃-dɩrɩ a, a al pʋɔ ʋ na mɩ́ tɩ ƴãw a ʋ zɛbr-torkori a, nɩ a al pʋɔ ʋ na mɩ́ tɩ ƴãw a ʋ wie a. Ʋ tɩ mɛ n alɩ bome nɛ za ʋ na bɔbr a, a Zerizalɛm tẽ-kpɛ̃ɛ tɔr za pʋɔ, a Libã tãw zu nɩ a tẽw za pʋɔ ʋ na dɩrɛ a naalʋ a.
7Nɩbɛ na bɛ ɩ a Ɩsɩrayɛl bʋʋrɛ a tɩ cãà na kpɩɛr a tẽw: Hititɩ mɩnɛ, Amoritɩ mɩnɛ mɩnɛ, Perizitɩ mɩnɛ, Hivitɩ mɩnɛ nɩ Zebi tẽw dem. 8Bɛ tɩ cãà nɩ a be, a Ɩsɩrayɛl nɩbɛ na bɛ tɩ tʋ̃ɔ́ kʋ bɛ pàw pɛr a ƴãw. Bɛlɛ nɛbɛ a Salomɔ̃ tɩ ír ƴãw a pɔ̃tɔrɩ tome pʋɔ, bɛ cãà be nɩ dɩ̃a. 9A Salomɔ̃ bɛ tɩ ír Ɩsɩrayɛl nɩr kãw za ƴãw a pɔ̃tɔrɩ tome pʋɔ ɩ: bɛ nɩ̃ɛ na tɩ ɩ zɛbr-nɩbɛ, a ʋ tõ-tonbɛ, a ʋ zɛbr-nɩbɛ nɩ-bɛrɛ, a ʋ wie kaarbɛ, a ʋ zɛbr-torkori nɩ-bɛrɛ nɩ a ʋ wi-zɔmnbɛ nɩ-bɛrɛ. 10A na-kpɛ̃ɛ-lɩɛrbɛ tɩ kaa na ír tõ-tõ-nɩ-bɛrɛ kɔbr ayi dɔwlɩ lɩz'a ayi nɩ pie (250) kɛ́ bɛ jɩ́rɛ a Salomɔ̃ tome a zu-sɛbla na tone a.
11A Salomɔ̃ tɩ ƴãw nɩ a ʋ pɔw, a Faarawɔ̃ pɔwyaa, ʋ yi a Daviir Tẽ-kpɛ̃ɛ́, cen a yir ʋl pʋɔ ʋ na tɩ ŋmãa kʋ̀ ʋ a. Bʋ̃ʋ n'ʋ vɛ̃, a nãà tɩ yel'a: «A ɩ̃ pɔw bɛ tɛr sɔ́r na kpɩɛr a Ɩsɩrayɛl nãà Daviir yir pʋɔ ɩ, bʋ̃ʋ n'ʋ vɛ̃, a ziir al a Sore wõ-taa daga na kpɛ a ɩ n zi-son.»
12A lɛ n'a a Salomɔ̃ tɩ maalɩ nyɩw-a-za-bagɛ kʋ̀ a Sore, a bàwr-maal-kuur ʋl ʋ na tɩ ƴãw bɛ mɛ a Ŋmɩn-yir-kpɛ̃ɛ dɩ̃dɔr nʋɔrɩ́ a zu. 13Mɛ̃ a lɛ a Moyiir na yel kɛ́ bɛ tuur bibir za a, ʋ mɩ́ tɩ maal'ɩ bagɛ a pɩ̃ɛnʋ-bibir, cuw-paalɛ daar, nɩ a cuw-bɛrɛ ata á ŋá daar: a dipɛ̃ na bɛ ƴãw dãbɩl a cuw, a bʋ̃-dieri cuw nɩ a Sɛwr cuw. 14Mɛ̃ a lɛ a ʋ sãà Daviir na tɩ yel a, a Salomɔ̃ tɩ zɩɩl'ɩ a bàwr-maalbɛ palɛ palɛ a bɛ tome pʋɔ, nɩ a levitɩ mɩnɛ na so a Sore danʋ yielu, bɩɩ be a bàwr-maalbɛ sõwfʋ ƴãw a. Ʋ mɩ̀ tɩ báa na zɩɩlɩ a dɩ̃dɔ-gùrbɛ na gùre a Ŋmɩn-yir-kpɛ̃ɛ dɩ̃dɛɛ a. À ŋá n'a a Naaŋmɩn nɩr Daviir tɩ yel k'aa ɩ. 15A lɛ na càarɩ a bàwr-maalbɛ nɩ a levitɩ mɩnɛ nɩ a na-bome tɛɛ za a, bɛ tɩ tu n a lɛ tɔr za a nãà Daviir na tɩ yel a, bɛ gãw been kãw za bɛr ɛ.
16À ŋá n'a a tome al za a Daviir na tɩ tɩɛrɩ k'ʋʋ tõ a tɩ tõ: a na tĩ a Ŋmɩn-yir-kpɛ̃ɛ pɛr sʋ̃ɔ́fʋ tome tɩ ta n a baarʋ daar tome a. A Ŋmɩn-yir-kpɛ̃ɛ tɩ vɩɛl'a bɛ cɛ ɩ.
17Lɛ n'a a Salomɔ̃ tɩ cen a Esion-Gevɛɛr nɩ Eilatɩ lowr, a Edɔm tẽw kʋ̃ɔ-kpɛ̃ɛ nʋɔr. 18A nãà Hiram tɩ ƴãw nɩ a ʋ tõ-tõ-biir cen nɩ gbor-bɛrɛ nɩ nɩbɛ na bãw a kʋ̃ɔ-kpɛ̃ɛ a tɩ kʋ̀ a Salomɔ̃. Bɛlɛ nɩ a Salomɔ̃ tõ-tõ-biir tɩ ta n a Ofɩɩr#8:18 Ofɩɩr: A tẽw ŋa be n a Arabi tẽw saa-pɛrɩ́-dʋrʋ-lowr, bɩɩ a Afrika tẽw tʋr-bɔw ƴãw bɩɩ a Ɛ̃dɩ tẽw. Nyɛ̃ 1Na 9.28. tẽw, de salm-zɩɛ tɔn pie nɩ ata lɛb wa n wa kʋ̀ a nãà Salomɔ̃.
La Bible en Dagara © Alliance Biblique du Burkina Faso, 2013.