Tɩtɩ Sɛbɛ 2
2
A JAAN-SON TUFƲ
1Ɩ̃-cɛ a fʋ̃ʋ, mana a ala na tuure taa nɩ a jaan-son. 2Yel a dab-koro á bá tɛrɛ a yɛ̃, ɩ nɩ nɩ-hɛlɛlɛ, ɩ̃ mɩ ɩ cɛcɛlbɛ, bɔ̃w ɩraa nɩ cĩcĩ a Naaŋmɩn ƴɛrɩ̃ pʋɔ, a nʋfʋ, nɩ a su-nyɔwraa pʋɔ. 3A lɛ ʋ mɩ, a pɔɔbɔ bala na kor, a ba cenfʋ á sɛw taa nɩ a bala na be a puorfʋ pʋɔ. A ba taa ɩ nɩ-korbo, mɩɩ a dãa gbãgbaar wa, ɩ̃-cɛ bá ɛ̃ɛ ɩ a ƴɛr-son-manba, 4a mɩnɛ a ba na tʋɔ jaan a pɔɔbɔ a ba nʋnɔ a ba sɩrbɛ nɩ a ba bibiir, 5bɔ̃w tɛrɛ nɩ a ba mɩ̃ɛ, ɩ nɩ cɛcɛ, bɔ̃w tʋnɔ a tʋmɔ a yir pʋɔ, a ba mɩ ɩ a pɔɔ-sono na wono a ba sɩrɛ toor, a mɩnɛ a nɩrɛ kɔ̃ wa kpɛrɛ a Naaŋmɩn ƴɛrɩ̃ wa.
6A lɛ ʋ mɩ a polbil jie, kpãkpana ba a ba bɔ̃w tɛrɛ a ba mɩ̃ɛ. 7Ɩ̃ a fʋ̃ʋ mɩ, fú ɩ a bõ-tɔɔnaa a tʋ̃-vɛlɛ a jaa ɩnɛ; a fʋ jaanfʋ ʋ taa tɛrɛ saanaa wa. Fú ɩ nɩ-hɛlɛlɛ, 8tɛrɛ a yel-mɩ̃ɛ ƴɛrɩ̃sɩ, a mɩnɛ a sama-deme kɔ̃ nyɛ korfʋ jie, a vĩ na nyɔw ba, a-na-ɩ baa nyɛ a cɛfʋ jie wa.
9A gbãgbaar sɛw na na jɔrɔ a ba nɩ-bɛrɛ, maala a ala na nʋmɔ ba a yele a jaa pʋɔ. Baa sɛw na ma cɩɩrɛ ba wa, 10mɩɩ ma fara ba yele wa, ɩ̃ ba ɛ̃ɛ na sɛw ba miile a ba maal-bie pʋɔ á ba ɩ na nɩ-sono nɩ nɩ-dẽdẽsɩ, a mɩnɛ a nɩbɛ na ƴɔnɔ a sɩ Fafaara Naaŋmɩn jaanfʋ a ba maalfʋ a jaa pʋɔ.
11A-na-ɩ a Naaŋmɩn sũofʋ ʋlɔ na ɩ a faafʋ a nɩbɛ ba jaa jie nyɩrʼã cãa pʋɔ, 12ma jaana sɩ a sɩ kɔ̃ jaar a Naaŋmɩn sɔr bar, mɩɩ kɔ̃ jɩɛlɛ a tẽw pʋɔ yele wa, ɩ̃-cɛ a sɩ na ɩ cɛcɛlbɛ a ka a tẽw na pʋɔ, ɩ nɩ nɩ-torisɩ, ɩ̃ mɩ ɩ a dẽdẽ a puorfʋ sɔr pʋɔ. 13A ƴɛ̃ƴɛrɩ̃ na, sɩ tɛrɛ na tɩɛrɩ̃-daadaa a Naaŋmɩn jie, cɛlɛ nɩ a bibir ʋlɔ a *Jeeju-Kirisi ʋlɔ na ɩ a Nɩ-kpɛ̃ɛ Naaŋmɩn nɩ a sɩ Fafaara nɔɔ nyɩrɛ nɩ a ʋ yo-yifʋ. 14Ʋ tɩɩrʼã a ʋ mɩ̃ɛ a sɩ ɩnɛ, na tʋɔ da sɩ faa a yel-faar a jaa pʋɔ, ɩ̃ pɛw sɩ bar a sɩ ɩ a ʋ mɩ̃ɛ tɛw ben, mɩ ɓĩɓine a tʋ̃-vɛlɛ a jaa maalfʋ ɩnɛ.
15A nɔhɔ̃ ɩ̃ sɛw a fʋ na man ba, kpãkpana nɩ ba, ɩ̃ gala ba nɩ a kpɛ̃w ʋlɔ a Naaŋmɩn na kʋ fʋ. Taa wa ɩ a nɩrɛ ʋ kpɛrɛ fʋ wa.
Currently Selected:
Tɩtɩ Sɛbɛ 2: BNT93
Highlight
Copy
Compare
Share
Want to have your highlights saved across all your devices? Sign up or sign in
Le Nouveau Testament en langue birifor © Alliance Biblique au Burkina Faso, 1993.
