Tɩtɩ Sɛbɛ 1
1
A PUORFƲ
1A maa Pol na ɩ a Naaŋmɩn tʋ̃tʋnɔ nɩ a *Jeeju-Kirisi *nɩ-tʋnaa ɩ̃ tɩɩrɛ a sɛbɛ na kʋrɔ a Tɩtɩ na ɩ a ɩ̃ bi-tɔr a sɩ ƴɔ̃w-nyãa sɩ na lãa tɛrɛ a Jeeju-Kirisi pʋɔ. A Naaŋmɩn ir ma na ɩ̃ na taw a bala ʋ na vɛl ir, a ba na pɔw a ƴɔ̃w-nyãa, ɩ̃ mɩ bɔ̃w a yel-mɩ̃ɛ ƴɛrɩ̃ vɩlaa na tuure a puorfʋ sɔr; 2a ba na mɩ tɛrɛ a tɩɛrʋ̃ son a baa-kɔ̃-tɛw ɩnɛ, a mɩnɛ a Naaŋmɩn ʋlɔ na maa ŋmaa jiri wa na pʋlɩ̃ nɩ sɩ, ɩ̃-cɛ a tẽw wa bɩɛr maal. 3Ɩ̃ a mɩnɛ a daar ʋlɔ a Naaŋmɩn na ƴɔ̃w na ta, ʋ miilʼã a ʋ ƴɛrɩ̃ a cãa pʋɔ, tu nɩ a ƴɛrɩ̃ ʋlɔ a sɩ Fafaara Naaŋmɩn na ƴɔ̃w ma ɩ̃ hiere. 4A sũofʋ nɩ a pɩɛnfʋ na yi a Sãa Naaŋmɩn nɩ a sɩ Fafaara Jeeju-Kirisi sɛ̃, á be a fʋ jie.
A TƖTƖ TƲMƆ A KƖRƐTƖ-TẼW PƲƆ
5A ala ɩnɛ ɩ̃ na bar fʋ a Kɩrɛtɩ-tẽw ɩ na fú gbɛɛrɩ̃ a ala na cɛ a maalfʋ, ɩ̃ biin a duo-puor-ni-dierbe a ten a jaa pʋʋr tu nɩ a ƴɛrɩ̃ ala ɩ̃ na dãa man fʋ. 6A duo-puor-ni-diere sɛw na ʋ ɩ nɩrɛ na ma tɛrɛ mabfʋ jie wa, ɩ̃ mɩ kul a pɔw bõ-ƴen tɛw. A ʋ bibiir bá mɩ ɩ a popuorbo, a nɩrɛ ma tʋɔrɔ ƴɔnɔ ba a burbur ƴɛrɩ̃ wa; ba taa mɩ ɩ to-wownbo wa. 7A-na-ɩ a ni-diere ɩ̃ ɩ a Naaŋmɩn yir-ꞌwuoro. Aa sɛw ʋ tɛrɛ mabfʋ jie wa. Ʋ taa ɩ nɩrɛ na ꞌwuoro a ʋ mɩ̃ɛ tɛw, mɩɩ na ɩ a suur sʋbɔ wa. Ʋ taa mɩ ꞌlaar a dãa nɩ a jɛb jɛbfʋ wa, mɩɩ bɛlɛ a nɩbɛ bʋɔrɔ nɩ a libi-yaw wa. 8Ɩ̃-cɛ a ni-diere sɛw na ʋ̃ ɩ nɩrɛ na diere a sáanba. Ʋ̃ ɩ a son-bʋɔrɔ, ɩ̃ mɩ bɔ̃w tɛrɛ a yɛ̃, ɩ nɩ nɩ-toraa nɩ nɩ-cɛcɛ, bɔ̃w tɛrɛ nɩ a ʋ mɩ̃ɛ. 9A sɛw na ʋ bɔ̃w ɩraa cĩcĩ a ƴɛr-dẽdẽ, ʋlɔ pʋɔ ba na dãa jaana, a mɩnɛ ʋ na tʋɔ kpãkpana a nɩbɛ a jaan-son ɩnɛ, ɩ̃ mɩ tʋɔ miil a bala na cɩɩrɛ a ba burbur.
10A-na-ɩ a yaw jie be na be na wõw a toor, ƴɛrɛ nɩ a ƴɛr-pɔrsɩ, bɛlɛ nɩ a nɩbɛ. A bana bɛbɛlbɛ pʋɔ a Jufisɩ nɩbɛ ɩ̃ nyɩrɩ̃ waa. 11A sɛw na a fʋ na maal ba a ba pɔw a nʋɔr, a-na-ɩ ba ma cenʼã na jaana a ala na ma sɛw wa, nyanyaana nɩ a yie ŋmɛɛ nɩbɛ ba jaa, bɛlɛ nɩ bʋɔrɔ nɩ a libie. 12Nɩrɛ kãw dãa na be a ba pʋɔ na ɩ a ba mɩ̃ɛ ƴɛr-hiere ɩ̃ yel: “A Kɩrɛtɩ-tẽw nɩbɛ, jir-ŋmarba ba ɩ a daar a jaa. Ba wɔ̃ na taa nɩ dʋn-bebe, ɩ nɩ tõtol-deme, na mɩ fol.” 13Ɩ̃ a ala a ƴɛr-hiere ʋlɔ na ƴɛrɛ ɩ na yel-mɩ̃ɛ. Ala-ɩ̃-sɔ, bɔ̃w fule ƴɔnɔ ba, a ba bɔ̃w ɩraa cĩcĩ a Naaŋmɩn ƴɛrɩ̃ pʋɔ. 14Ɩ̃ ba taa lɛ cɛlɛ a Jufisɩ kpurĩsɩ nɩ a nɩbɛ bala na jaar a yel-mɩ̃ɛ ƴɛr-kpɛn wa. 15A yele a jaa ɩ na cɛcɛ a bala na ɩ a nɩ-cɛcɛ jie. Ɩ̃ a ala ɩ a nɩ-kpansɩ ʋ, na ma mɩ tɛrɛ a ƴɔ̃w-nyãa wa, bom ma be be ɩ a cɛcɛ a ba jie wa. A-na-ɩ a ba tɩɛrɩ̃sɩ nɩ a ba mɩ̃ɛ-bɔ̃wfʋ sɔbʼã lɩɛb ɩ bõ-kpana. 16Ba ma yelʼã á ba bɔ̃w na a Naaŋmɩn, ɩ̃-cɛ a ba maalfʋ miile na a baa bɔ̃w ʋ wa. Ba ɩ na a bala ba na mele; to-wownbo ʋ, ɩ̃ ma mɩ tʋɔrɔ maala bõ-son fɩ̃ɩ wa.
Currently Selected:
Tɩtɩ Sɛbɛ 1: BNT93
Highlight
Copy
Compare
Share
Want to have your highlights saved across all your devices? Sign up or sign in
Le Nouveau Testament en langue birifor © Alliance Biblique au Burkina Faso, 1993.
