Tɩtɩ Sɛbɛ 3
3
A NAAŊMƖN BIBIIR BAA-PAALAA
1Jaw a popuorbo a ba na jɔrɔ a tẽw nɩ-bɛrɛ nɩ a fãgã deme, ɩ̃ mɩ wono ba a toor, sɔw maala nɩ a tʋ̃-vɛlɛ a jaa. 2A ba taa wa koro nɩrɛ, mɩɩ ba taa wa ɩ jɛjɛbɛ wa, ɩ̃ bá ɩ su-ɓaar deme, miile nɩ a ba hɛlɛlɛ yɛ̃ a nɩbɛ ba jaa jie. 3A-na-ɩ a korĩ-cɛ, a sɩmɩ mɩ, sɩ mɩ dãa na ɩ a gẽgemsɩ nɩ a to-wownbo na dãa bɔr. Sɩ dãa na ɩ a yel-kãkan nɩ a yele ala na kʋrɔ sɩ a vɩláa gbãgbaar. Fãa pʋɔ sɩ dãa be, tɛrɛ nɩ a nyuur, a ba ꞌlaar sɩ, ɩ̃ a sɩ mɩ lɩɛb ꞌlaar taa. 4Ɩ̃-cɛ a lɛdaar a sɩ Fafaara Naaŋmɩn son ɩfʋ nɩ a ʋ yɛ̃-bɔ̃wfʋ na nyɩr, 5ʋ faa sɩ na, ɩ̃ aa ɩ a tʋ̃-sono sɩ tʋ̃ kʋ ʋ wa, ɩ̃-cɛ a yi na a ʋ nã-bɔ̃wfʋ jie. Ʋ pɛw sɩ na a dɔw-paalaa kʋ̃ɔ pʋɔ faa nɩ sɩ, ɩ̃ mɩ lɩɛb sɩ nɩ a ʋ Sɩ-cɛcɛ, a sɩ ɩ nɩ-paala. 6A Sɩɛ ʋlɔ, a Naaŋmɩn deer ʋ na kʋ sɩ, a sɩ Fafaara *Jeeju-Kirisi ɩnɛ, 7a sɩ na ɩ a nɩ-torisɩ a ʋ sũofʋ ɩnɛ, ɩ̃ mɩ pɔw a baa-kɔ̃-tɛw ʋlɔ sɩ na gu nɩ a sɩ tɩɛrʋ̃ son. 8A ƴɛrɩ̃ na ɩ na yel-mɩ̃ɛ.
Ɩ̃ bʋɔrɔ na fʋ bɔ̃w kpãkpan ba a ana yele ɩnɛ, a mɩnɛ a bala na ƴɔ̃w a Naaŋmɩn nyãa, a ba na de a ba mɩ̃ɛ ƴɔ̃w a tʋ̃-vɛlɛ maalfʋ pʋɔ. A asɩmɛ ɩ a yel-sono na sũono a nɩbɛ. 9Ɩ̃-cɛ taw yi a cɩɩrɩ̃-pɔrsɩ pʋɔ nɩ a sãa-kʋnbɔ yoe sɔrfʋ, a jɛb, nɩ a faa-taa a ƴɛr-kpɛn ɩnɛ, a-na-ɩ a ala ɩ na yel-pɔrsɩ na ma tɛrɛ par wa.
10A nɩrɛ ʋlɔ na ŋmara a nɩbɛ a kpee kpee, fú kpãa ʋ. A ʋlɔ wa jaar ɩ̃ maala, fú lɛ tu kpãa ʋ. A ʋlɔ ɩ̃ jaar, fú taw yi a ʋ sɛ̃, 11Fʋ bɔ̃w ka a nɩ-lɛ vɩɛ na ɩ̃ bar a sɔr son, ɩ̃ maala a fãa ƴɔnɔ a ʋ mɩ̃ɛ ʋ yẽ.
A ƳƐR-BAARAA
12A lɛdaar ɩ̃ nɔɔ tʋnɔ a Atema mɩɩ a Tɩsɩkɩ a fʋ jie, pɔw tuor ma a Nikopoli-tẽw, a-na-ɩ be ɩ̃ na jɛ a sɩ̃ɛw. 13Bɔ̃w cɛl tɔ sũo a Jenasɩ ʋlɔ na ɩ a ƴɛr-guoro, nɩ a Apolosi, a ba kɔ̃ tʋɔ faa bom a ba cenfʋ ɩnɛ wa. 14A vɩɛlɛ na a sɩ nɩbɛ na jaana a tʋ̃-son maalfʋ a daar a jaa a ala na ba ba ɩnɛ, a mɩnɛ a ba kɔ̃ jɛ pɔrɔ wa.
15A bala ba jaa na be nɩ ma puoro fʋ na. Puor a sɩ badɛɛ na be a ƴɔ̃w-nyãa pʋɔ.
A Naaŋmɩn sũofʋ ú be a nyɩ jie nyɩ jaa.
Currently Selected:
Tɩtɩ Sɛbɛ 3: BNT93
Highlight
Copy
Compare
Share
Want to have your highlights saved across all your devices? Sign up or sign in
Le Nouveau Testament en langue birifor © Alliance Biblique au Burkina Faso, 1993.
