Popular Bible Verses from Tɩtɩ Sɛbɛ 1

Share

Ba ma yelʼã á ba bɔ̃w na a Naaŋmɩn, ɩ̃-cɛ a ba maalfʋ miile na a baa bɔ̃w ʋ wa. Ba ɩ na a bala ba na mele; to-wownbo ʋ, ɩ̃ ma mɩ tʋɔrɔ maala bõ-son fɩ̃ɩ wa.

A yele a jaa ɩ na cɛcɛ a bala na ɩ a nɩ-cɛcɛ jie. Ɩ̃ a ala ɩ a nɩ-kpansɩ ʋ, na ma mɩ tɛrɛ a ƴɔ̃w-nyãa wa, bom ma be be ɩ a cɛcɛ a ba jie wa. A-na-ɩ a ba tɩɛrɩ̃sɩ nɩ a ba mɩ̃ɛ-bɔ̃wfʋ sɔbʼã lɩɛb ɩ bõ-kpana.

A sɛw na ʋ bɔ̃w ɩraa cĩcĩ a ƴɛr-dẽdẽ, ʋlɔ pʋɔ ba na dãa jaana, a mɩnɛ ʋ na tʋɔ kpãkpana a nɩbɛ a jaan-son ɩnɛ, ɩ̃ mɩ tʋɔ miil a bala na cɩɩrɛ a ba burbur.

A-na-ɩ a ni-diere ɩ̃ ɩ a Naaŋmɩn yir-ꞌwuoro. Aa sɛw ʋ tɛrɛ mabfʋ jie wa. Ʋ taa ɩ nɩrɛ na ꞌwuoro a ʋ mɩ̃ɛ tɛw, mɩɩ na ɩ a suur sʋbɔ wa. Ʋ taa mɩ ꞌlaar a dãa nɩ a jɛb jɛbfʋ wa, mɩɩ bɛlɛ a nɩbɛ bʋɔrɔ nɩ a libi-yaw wa. Ɩ̃-cɛ a ni-diere sɛw na ʋ̃ ɩ nɩrɛ na diere a sáanba. Ʋ̃ ɩ a son-bʋɔrɔ, ɩ̃ mɩ bɔ̃w tɛrɛ a yɛ̃, ɩ nɩ nɩ-toraa nɩ nɩ-cɛcɛ, bɔ̃w tɛrɛ nɩ a ʋ mɩ̃ɛ.

A duo-puor-ni-diere sɛw na ʋ ɩ nɩrɛ na ma tɛrɛ mabfʋ jie wa, ɩ̃ mɩ kul a pɔw bõ-ƴen tɛw. A ʋ bibiir bá mɩ ɩ a popuorbo, a nɩrɛ ma tʋɔrɔ ƴɔnɔ ba a burbur ƴɛrɩ̃ wa; ba taa mɩ ɩ to-wownbo wa.