Barua ya Varome 6
6
1Kyasia alli tikarerań are? Tikakaań marekoń, amu ililia five iingi mmwasi? 2Wode! Ise tamfiya mareko tikuwaraań are fingi na mareko? 3Mwishi se sheeli ise tabatisio̱ Kristo Yesu tikee vabatisie ufu lwamwi? 4Kyasia taṛikwa andu emwi nae ufuń lwamwi kwa shia ya ubatiso, amu sheeli Kristo anderetwa kwa vafu kwa shia ya unini lwa Ndee, mfo kuro neese tiṛue tirie muu mwiya. 5Amu sheeli tindelungio̱ ufu lua lwamwi, mfo kuro na ireka lyamwi tililimgio̱o̱ 6tiimanyaa sheeli unndu lweru lwa mbele lwakabio̱ nsalabeń andu emwi nae, amu vvili uwore mareko ukasheeswa utakiṛundie fingi mareko. 7Amu ito andefwa ammaa yutwa marekoń atakinshilie. 8Kake kwakooya tafwe andu emwi na Kristo, tikusurie deń sheeli tivaa na muu andu emwi nae. 9Tikamanya sheeli Kristo ammaa iṛuka kwa vafu akifwaa lingi ndi, ana ufu lukinshiliaa lingi ndi. 10Amu ufu lua andefwa andefiya ireko limwi nsi, kake muu wamwi nto muu wa iṛundia Iṛuva. 11Mfo kuro ini neeni kutaalień sheeli mukee vandu vawia mareko vafu, na muu wanu muwore ṛundień nato Iṛuva mwikuvavaa na Kristo Yesu Nndumi weru. 12Kyasia manya ireko litakishilie kari ka mivili yanu ivee na ufu mwiirikiaa ilanga lyayo. 13Ana manya mutaengeṛie iniingia meeṛo anu ave fiya fa iṛundia mareko. Kake kuniingień mu veni Iṛuva sha vandu vautwa ufuń vakaniingwa muu, na meeṛo anu avie Iṛuva fiya fa usumani. 14Llyo mareko akimwitoṛoo ndi, amu mukee kwa si ya mavavaso ndi, kake nkwa si ya ililia.
15Kyasia alli naare? Tikatana mareko, fulya titakee kwa si ya mavavaso tikakaa kwa si ya ililia? Wode! 16Mwishi se kasa kikai? Kwakooya mwakuaṛua maketi a iirikia nndu, mwawa maketi a ulya mumwirikiaa kive kya uketi lwa mareko lunndee ufu, kive kya uketi lwa windi lunndee usumani. 17Kake Iṛuva aanwa, ili mwikee mbele maketi a mareko da, kake alli mukee iindia na ngoo tanu mifundie ilya mwamfundwa ikee iyo munderawa kwa si yayo ni Iṛuva. 18Neeli mundemaa itaulwa uketiń lwa mareko mukava maketi a iṛundia usumani. 19Narera kwa mikae ya kivandu kiimba kya utanyari lwa mivili yanu. Amu sheeli mwaniingia meeṛo anu akava masinga a itana fa kiṛinda na fa ureti, mfo kuroń na alli niingień meeṛo anu ave masinga a usumani mukooye iiliswa! 20Amu lia mukee masinga a mareko, llyo mwikee vandu vakufile wo veni, vakufukiye na usumani. 21Kyasiań kyeeri kyo wwavi ki mwakooya? Alli fimwendie usutu, amu findo fo mbusha yayo ni ufu. 22Kake alli mwantaulwa ifo usingeń lwa mareko mukava masinga a Iṛuva na mbusha yanu muwore ni iiliswa na numa muu wa miṛeṛe. 23Amu maṛe a mareko ni ufu, kake wavi lwa Iṛuva mmuu wa miṛeṛe wanndwa ni Yesu Kristo Nndumi weru.
Currently Selected:
Barua ya Varome 6: RWK72
Highlight
Share
Compare
Copy
Want to have your highlights saved across all your devices? Sign up or sign in
New Testament in Kimeru-Tanzania © British and Foreign Bible Society and Bible Society of Tanzania, 1954,1967,1972.
