Popular Bible Verses from Barua ya Varome 6

Share

Amu maṛe a mareko ni ufu, kake wavi lwa Iṛuva mmuu wa miṛeṛe wanndwa ni Yesu Kristo Nndumi weru.

Llyo mareko akimwitoṛoo ndi, amu mukee kwa si ya mavavaso ndi, kake nkwa si ya ililia.

Kyasia taṛikwa andu emwi nae ufuń lwamwi kwa shia ya ubatiso, amu sheeli Kristo anderetwa kwa vafu kwa shia ya unini lwa Ndee, mfo kuro neese tiṛue tirie muu mwiya.

Ana manya mutaengeṛie iniingia meeṛo anu ave fiya fa iṛundia mareko. Kake kuniingień mu veni Iṛuva sha vandu vautwa ufuń vakaniingwa muu, na meeṛo anu avie Iṛuva fiya fa usumani.

tiimanyaa sheeli unndu lweru lwa mbele lwakabio̱ nsalabeń andu emwi nae, amu vvili uwore mareko ukasheeswa utakiṛundie fingi mareko.

Mfo kuro ini neeni kutaalień sheeli mukee vandu vawia mareko vafu, na muu wanu muwore ṛundień nato Iṛuva mwikuvavaa na Kristo Yesu Nndumi weru.

Kyasia alli tikarerań are? Tikakaań marekoń, amu ililia five iingi mmwasi? Wode! Ise tamfiya mareko tikuwaraań are fingi na mareko?

Mwishi se kasa kikai? Kwakooya mwakuaṛua maketi a iirikia nndu, mwawa maketi a ulya mumwirikiaa kive kya uketi lwa mareko lunndee ufu, kive kya uketi lwa windi lunndee usumani.

Kake Iṛuva aanwa, ili mwikee mbele maketi a mareko da, kake alli mukee iindia na ngoo tanu mifundie ilya mwamfundwa ikee iyo munderawa kwa si yayo ni Iṛuva. Neeli mundemaa itaulwa uketiń lwa mareko mukava maketi a iṛundia usumani.