Barua ya Varome 10
10
1Vanavama, nrima wakwa kilya ulangie nnu ni ivaterevia kwa Iṛuva vakiṛwa. 2Amu weeshi sheeli vakee ikwatara kiimba kya Iṛuva, kake vatuṛa uṛango. 3Amu usumani lwa kwa Iṛuva valwishi ndi vakafura ikuniinga usumani lwawo veni. Kwa ikyo vandeiriwa usumani lua Iṛuva alufurie ndi. 4Amu myawutie ya mavavaso nKristo, amu ulya woose ankusuraa akooye usumani. 5Amu Mose atisiṛa: ”Ulya woose antana fa usumani sheeli mavavaso arerie avaa na muu kiimba kyayo“. 6Kake usumani lukee yuka ikusureń lukee irera kuri: ”Manya kutarere ngooń yafo kwinumbuaa: ”Uu arwaa iṛuvewu ni i?“ Kuro llyo yolota Kristo na si. 7”Ana manya kutanumbue: Ulya aolokaa kumande vafuń ni i?“ Kuro llyo irosa Kristo autwa vafuń. 8Kake lwarera are? Lunumbuye kuri: ”Kirero kyo kikee kufui nawe, kikee ifo kaniń kafo na ifo nrimiń wafo“. Nkyo kirero tikee ikwanisa kya ikusura. 9Kiimba kya iki kwanrambua Yesu Kristo na kana kafo sheeli yye Nndumi na ikusura na nrima sheeli Iṛuva andenduta kwa vafu, kukiaa. 10Amu kwammukusura na nrima kuniingwaa usumani, kwammurambua na kana kukiaa. 11Amu mitisiṛie irerie: ”Ulya woose ankusurie airaa sonu ndi“. 12Amu wifo mwavanu wa yavanisa Vayuda na Vagiriki ndi. Amu ulya akee Nndumi wa woose ni uu muni da, mmuni wa wavi lufile valya woose vakee intereva. 13Amu ulya woose aindiaa irina lya Nndumi akiaa. 14Kyasia vamakii ivvaanga are ito vatankusurie? Lingi vankusuraa are ito kitaare vamfikio̱ mmboni tamwi? Lingi vamwaranyaa are kitaare veefo vakwanisa? 15Lingi vakwanisaa are kitaare varumwa? Sheeli kyatisiṛwa: ”Lleń te marende a iwo vakee ikwanisa nrumi shisha sheeli asenye!“ 16Kake wwoose vandeiriwa nrumi yo ya ifura ndi. Amu Yesaya anumbua: ”Nndumi, ni i andekusura mboni teru?“ 17Kyasia ikusura likee yantwa nnrumi, kake nrumi ikee ikwaniswa ikuwarie na kirero kya Kristo. 18Kake nanumbua: A le wo vandeita nrumi se? Ee tu vamiita. Amu kitisiṛie: ”Ununga lwawo lwankwana isangeń koose, na firero fawo fankwana kumande mbaai ya isanga“. 19Kake nanumbua: A le Isiraeli indemanya se? Ee tu. Amu mMose anumbua: ”Mmukangiaa iriso kwa vandu vatawore uṛiti, kwa uṛiti lutawore imanya mmukuriaa ituṛuka“. 20Na Yesaya kakukaarisa karera: ”Nankooywa vvalya kitaare vanshiṛuya. Nallolikia valya kitaare vanshuuṛia.“ 21Kake kya Isiraeli anumbua: ”Nkonu woose niikee isaaṛia vandu maako akwa vatashiirikie vakava veemeri“.
Currently Selected:
Barua ya Varome 10: RWK72
Highlight
Share
Compare
Copy
Want to have your highlights saved across all your devices? Sign up or sign in
New Testament in Kimeru-Tanzania © British and Foreign Bible Society and Bible Society of Tanzania, 1954,1967,1972.
