Barua ya Varome 11
11
1Kyasia nkee yuṛa: A le Iṛuva amuumbutia vandu vamwi kwaasha? Wode! Amu niń nań nkee Mwisiraeli umwi wa kishuku kya Abraamu, mmilie ufwariń lwa kwa Benyamin. 2Iniva amuumbutia vandu vamwi kwaasha iwo andevasaua kuuka mbele ndi. Ana nta mwishi filya farerwa mmitisiṛie fa Elia se, ili andeṛiinga Isiraeli mbele ya Iṛuva eenumbuaa: 3”Nndumi, vawwaa vaauya vafo vakaburua firaa fa kirasio kyafo, nań nniń shi muni da niifo, nawo vakee iṛuya muu wakwa“. 4Kake yaṛua lya Iṛuva likee imwia are?: ”Nantia-fo vaseṛo fiku mfungare vataare vandetereva Baali“. 5Kyasia na alli nkuri kyeeri ki kya alli: Veefo vasaiye vandesaulwa kwa shia ya uwoo lwa Iṛuva. 6Kake kwakooya nshia ya uwoo, ikivaa shia ya mitanie ya nndu lingi ndi. Kwakooya kitaare nkuro, uwoo lukivaa uwoo ndi.
7Kyasia kyavaań are? Kilya Isiraeli iikee ikiṛuya nta ikikooya. Kake valya vandesaulwa vandekikooya. Na valya vengi vakaumiswa ngoo tawo. 8Sheeli kikee kitisiṛe: ”Iṛuva avaniinga nrima wa ruo sheemeri na miso awo nta atalolie na marwi nta ataite kumande nkonu uu wa nnu“. 9Na Davidi anumbua: ”Firembo fawo fivavie mfwaanri na nreyo na kindo kya ivabaaya na mitaiye kwawo. 10Miso awo araywa ni llema, amu atalolie. Kuvalemi mingo yawo mikonu yoose“. 11Kyasia nanumbua: A le vandekaba kumande vawa kutu? Wode! Kake kiimba kya irekio̱ lyawo ikia lyanshea vayavaṛumu, nawo veni vavairie iriso vakooye isalala. 12Kyasia kwakooya irekio̱ lyawo lyammaa iva usimba lwa isanga na yanguywa lyawo lyawa mboṛa ya vayavaṛumu, a le nkya mmwasi se isongova lyawo?
13Kake narera neeni muukie kwa vayavaṛumu. Kyasia kwa kiṛengo nkee nakyo nrumi wa vandu va vayavaṛumu naitikisa uṛundi lukee lwakwa 14niikutomarisaa wakangie vaire iriso iwo vakee va uṛiti lumwi nań na ikiṛa kiindi kyawo. 15Amu kwakooya ileeka lyawo lyeendee isanga witanu, a le iwario̱ lyawo livaa kiki kwakooya kitaare mmuu uṛukie vafuń? 16Kwakooya nkate ni nsongori, mfo kuro na uru. Na nrarii kwakooya ni nsongori, mfo kuro na maṛamba da. 17Kake kwakooya eefo maṛamba kiindi andefukywa na yutwa nawe kukee iṛamba lya nsenifu wa nsitoń kwaroongio̱ kiriń kilya, kwava iṛamba lya nri wa nsenifu wa nndeń na ikakama lyayo. 18Kyasia manya kutakuṅinise kiimba kya maṛamba wo. Ana kwakooya kukuṅinisaa, nta ni iwe kurie nri ndi, kake ni nri nto ukurie iwe. 19Eeba kunumbuaa: Maṛamba andeminywa, amu niń nroongio̱-wo. 20Nkisha, wo andeminywa kiimba kya ilea ikusura lyawo, nawe kuselele-wo kwa finya ya ikusura lyafo. Manya kutakwishike, kake kulle ku muni! 21Amu kwakooya Iṛuva ataare anrea-fo maṛamba wo a mbooko, nawe nta akureaa-fo ndi. 22Alli manya sheeli lwifo uwoo lwa Iṛuva na uvaave lwamwi! Kwa valya vandewa luvaa uvaave, kake kwafo luvaa uwoo kwakooya kukuwaraa na uwoo ilo. Kwakooya kitaare nkuro, iwe nawe kuminywaa. 23Nawo kwakooya kitaare vakaa veekanaa ikusura, vawiiṛwaa na iroongio̱-fo, amu Iṛuva amakii ivaroongia-fo lingi. 24Amu kwakooya iwe kwaminywa kwautwa ifo nriń wa nsenifu ukee wa nsitoń kuuka mbooko yayo kwanderoongio̱ kyaanya kya mbooko ifo nriń wa nsenifu ulya nsha, ni mmwasi se valya vakee veni mbooko varoongio̱o̱ lingi nriń wawo wa nsenifu wo veni?
25Amu, vanavama, mfurie mutuṛe imanya lya kiṛisi iki ndi, amu mutakulolie sheeli muwore uṛango mu veni, fulya Vaisiraeli kyeenga vakee vaumu nrima kumande vayavaṛumu woose vamaa yatwa siṛiń ya Iṛuva. 26Llyo na Vaisiraeli woose vakiṛwaa sheeli kyatisiṛwa: ”Nkiṛa ashaa auka Sion. Alakanisaa Yakobo na makasha amwi. 27Na ii yyo mma yakwa nawo, ili nndevatiaa mareko awo“. 28Kyasia kisumani na mboni ya nrumi shisha vawa fituva fa Iṛuva kiimba kyanu, kake kisumani na isaulwa lia vakee vakunde kiimba kya vaande yawo. 29Amu wavi lwa Iṛuva loore numa ndi ana ivaanga lyamwi ndi. 30Amu sheeli ini mwalea Iṛuva ilyo mbele, kake alli mwankooya ililio̱ kiimba kya ilea lyawo, 31mfo kuro na iwo valleye alli vakooye ililio̱ nawo, fulya ini mundekooya ililio̱. 32Amu Iṛuva avafingia woose andu emwi kiimba kya illea, amu alilie woose.
33A baa wiingi lwa usimba lwa Iṛuva na lwa uṛango lwamwi na lwa imanya lyamwi! Yumisia lyamwi likee iva imanya ndi na shia tamwi tivaa iṛuya ndi. 34Fulya ni i ammanya makusaṛo a Nndumi ana ni i eekee wa kyama kyamwi? 35Ana ni i ammuniinga kindo mbele, nae awiiṛio̱? 36Fulya findo foose fuukie kwamwi fikakaariswa yye fikauya kwamwi. Aṅiniswa miṛeṛe na miṛeṛe! Amen.
Currently Selected:
Barua ya Varome 11: RWK72
Highlight
Share
Compare
Copy
Want to have your highlights saved across all your devices? Sign up or sign in
New Testament in Kimeru-Tanzania © British and Foreign Bible Society and Bible Society of Tanzania, 1954,1967,1972.
