Urambuyo lwa Yohane 6
6
1Nań nndelolia ngarina ii iifukyaa kimwi kya firingisio filya mfungare. Naita limwi lya makindo alya aani liinumbuaa na ununga sha lwa kiṛuṛumu: Oṛesho! 2Nalla nalolia farasi sheelwa na ulya aikaaye arie ura. Kaniingwa uṛeto lwa tikisi, nae kakwimboo, amu kawinga lingi akooye uvingi.
3Neeli indefukya kiringisio kilya kya kavili, naita ikindo lia lya kavili liinumbuaa: Oṛesho! 4Ikasha farasi ingi itondoṛie, na ito aikaaye kaniingwa finya ya yuta unambwe isangeń na iteveta vandu, amu vakuwaa. Nae kaniingio shombo shaasha.
5Neeli indefukya kiringisio kilya kya kararu, naita ikindo lia lya kararu liinumbuaa: Oṛesho! Nalla nalolia farasi shuu, na ito aikaaye awore kyelelio ukoń lwamwi kya yelelia findo fa ikumba. 6Naita ununga kari ka makindo alya aani lwinumbuaa: Kyaasho kya ngano nshilingi imwi, na faasho firaru fa ngano shuu nshilingi imwi. Manya ikasheesa mafura ana mfinyo.
7Neeli indefukya kiringisio kilya kya kaani, naita ununga lwa ikindo lia lya kaani fiireraa: Oṛesho! 8Nalla nalolia farasi ya fwana ya nsu, na ito aikaaye irina lyamwi ni Ufu, na valya va umangi lwamwi veerianii nae. Nawo vakarambikio wavi lwa kaani lwa isanga, vawaa vandu na finya ya shombo na soto na saka na mafisi mavaave a isangeń.
9Neeli indefukya kiringisio kilya kya karaanu, nalolia kwa si ya kiraa kya Nndumi mirima ya valya vandewalwa kiimba kya kirero kya Iṛuva na kiimba kya irambua veekee nalyo. 10Vakavaanga na ununga unini veenumbuaa: Ee Iṛuva Nsongori kukee wa udede, naamu ki kutakee yumisia vakee isangeń na itaa usao lweru? 11Nawo vakaniingwa oo umwi nseto mweelwa vakaio vasisirie kyeeri kyaangu fingi kumande itaala lyawukiaa lya vaaroe vawo na vanavamae vawo valya varie iwalwa shawo.
12Nań nalolia, ifi indefukya kiringisio kilya kya karindaru, fikava irerema inini lya isanga. Saa ikava shuu sha ikunia yuu suvi, na mwiri woose ukava sha usao. 13Na nyinyiri tikaolokia isangeń, sheeli nunda ta nkuu taangaraa, ili wivivitwaa mmburaato nini. 14Iṛuvewu likaveṛuka sheeli kitabu kyaṛulwaa, na uro loose na fuuruka fa nruveń fikasamiswa andu ayo. 15Na mamangi a isanga na vanini na vashili va fira na mashaamba na vafinya na maketi woose na vatakee maketi vakakufisa mbangeń na kari ka mawe a ngyuro, 16veeiaa ngyuro na mawe: Tiwoyeń mutifise kisangu kya ito akee rembo kifumbiń kya unini mwitifisaa ituṛuka lya ngarina ii. 17Amu nkonu uu nnini wamfika wa ituṛuka lyamwi. Ni i amakii isalala-wo?
Currently Selected:
Urambuyo lwa Yohane 6: RWK72
Highlight
Copy
Compare
Share
Want to have your highlights saved across all your devices? Sign up or sign in
New Testament in Kimeru-Tanzania © British and Foreign Bible Society and Bible Society of Tanzania, 1954,1967,1972.
