Urambuyo lwa Yohane 5
5
1Nań nndelolia ifo ukoń usha lwa ito akee rembo kifumbiń kilya kya unini kitabu kitisiṛie kari, na wooṛo kirwaa firingisio mfungare. 2Nalolia malaika awore finya eekwanisaa na ununga unini: Ni i asumani irua kitabu ki na ifukya firingisio fayo? 3Ana nta eefo nndu iṛuvewu ana isangeń ana kwa si ya isanga andemakii irua kitabu kyo na ikilla ndi. 4Nań naiya nnu, fulya atandelolika nndu asumani irua kitabu kyo na ikilla ndi. 5Na umwi wa vasuṛi valya kashiia: Manya kutaiye! Lla te eefo avvinga foose, mmiiso ilya ikee ya ufwari lwa Yuda, amilie kwa Davidi, ye antaa kitabu kilya na firingisio filya fayo mfungare.
6Nań nndelolia ifo kari ka kifumbi kya unini na makindo alya aani na kari ka vasuṛi valya ngarina ya yaanri iselele iikee sheeli yammaa isikywa, iiworee mbembe mfungare na miso mfungare, yyo mimuyo ilya mfungare ya Iṛuva ikee mirume isangeń koose. 7Ikasha ikawaria kitabu kilya iikiutaa ukońusha lwa ulya akee rembokifumbiń kilya kya unini. 8Ikammaa iwaria kitabu kilya makindo alya akawa si mbele ya ngarina ii, na vasuṛi valya makumi avili na vaani nawo. Oo umwi wawo eeworee kilimbi na faasho fa saabu fiishule fisaamu, mfo fiterewo fa vasongori. 9Nawo veekee iimba kiimbo kiiya veenumbuaa: Kusumani iwe iwaria kitabu ki na ifukya firingisio fayo, fulya kwansikywa kwauṛia Iṛuva vandu va ngyuṛiti toose na usao lwafo ńa ngyufwari na makanika. 10Kwavaaṛua vavie Iṛuva weru mamangi na vakohani. Nawo vashiliaa isanga li.
11Nań nndella naita ununga lwa vamalaika veengi veelengetiaa kifumbi kilya kya unini na makindo alya na vasuṛi valya. Na itaala lyawo likafika fiku ikumi kwa fiku ikumi na kiku kwa kiku. 12Vakarera na ununga unini veenumbuaa: Ngarina ii indesikywa yo isumani iwaria imakii na usimba na uṛango na finya na tikisi na unini na mboṛa. 13Na foose fitani fikee iṛuvewu na filya fikee isangeń na kwa si ya isanga na fikee nruveń na findo foose fikee kari kayo nndeita fiinumbuaa: Mboṛa na tikisi na unini na imakii fivie ito akee rembo kifumbiń kya unini na ngarina ii miṛeṛe na miṛeṛe. 14Na makindo alya akanumbua: Amen. Na vasuṛi valya vakawa si vakamwindia.
Currently Selected:
Urambuyo lwa Yohane 5: RWK72
Highlight
Copy
Compare
Share
Want to have your highlights saved across all your devices? Sign up or sign in
New Testament in Kimeru-Tanzania © British and Foreign Bible Society and Bible Society of Tanzania, 1954,1967,1972.
