Urambuyo lwa Yohane 4
4
1Numa nndeshewa mmyorusie: Nalolia mwaango uruukie ifo iṛuvewu. Na ununga lua lwa mbele nndelwita sha ununga lwa wembe unini lwireraa nań lukashiia: Saama na kunu, nań nkworusaa findo fikee fawara five-fo numa ya ifo. 2Lia eni nndewarwa mMumuyo. Lla te kifumbi kya unini kyanrawa iṛuvewu na umwi eekee rembo kifumbiń kilya. 3Na ulya akaaye-wo kalolika avakani na iwe liikalakalaa lya Yasipisi na lya Sarido. Na ukova lwa fua lukalengetia kifumbi kilya kya unini, na ukova lo fwana yayo yya iwe livaangwaa Simaragido. 4Na fifumbi makumi avili na fiini fiilengetiee kifumbi kilya kya unini, na ifo fifumbiń filya nalolia vasuṛi makumi avili na vaani veekaa-wo rembo vawikwa miseto myeelwa. Na mirweń yawo veeworee ngyuṛeto ta saabu. 5Na kifumbiń kilya kya unini fikee yuka-fo ngova na ngyununga na fiṛuṛumu. Na taa mfuungare tikee yaka-fo mbele ya kifumbi kilya yyo mimuyo ilya mfungare yalṛuva. 6Na andu alya akee mbele ya kifumbi kilya kya unini akee sha nruva iivaramaa sha iwe lya uuru livaangwaa Kirisitali. Na karikari ka andu a kifumbi kilya na taari toose ta kifumbi kilya eeifoo makindo aani adoniedonie miso mbele na kya mungo. 7Na ikindo lia lya mbele liifwanii miiso, na lia lya kavili liifwanii shawu, na lia lya kararu liiworee kisangu sha kisangu kya nndu wa vandu, na lia lya kaani liifwanii ngoru iirumbukaa. 8Na makindo alya aani ikindo lyoose liiworee maaro arindaru, na taari toose karikari na wooṛo aranieranie miso. Nawo arera liteefo iimuya kio na nsanyiń eenumbuaa: Nsongori, nsongori, nsongori ni Nndumi Iṛuva muni finya toose. Ye eeifoo, nae eefo, nae ashaa. 9Na makindo alya ili akee iniingia ito akee kifumbiń kya unini nduma na tikisi na waanu ito akee na muu kumande miṛeṛe na miṛeṛe, 10llyo vasuṛi wo makumi avili na vaani vaolokia ulya akee rembo kifumbiń kya unini vakaindia ito akee na muu kumande miṛeṛe veekumbaa ngyuṛeto tawo si mbele ya kifumbi kilya kya unini veenumbuaa: 11Ni iwe, Nndumi Iṛuva weru, kusumani iwaria nduma na tikisi na imakii. Amu ni iwe kundetana findo foose findeva-fo kwa mifurie yafo, nafo fikatanwa yyo.
Currently Selected:
Urambuyo lwa Yohane 4: RWK72
Highlight
Copy
Compare
Share
Want to have your highlights saved across all your devices? Sign up or sign in
New Testament in Kimeru-Tanzania © British and Foreign Bible Society and Bible Society of Tanzania, 1954,1967,1972.
