Urambuyo lwa Yohane 19
19
1Numa ya ifo naita ununga lukee sha lwa mindoṛo ya isyamu iingi lya vandu va ifo iṛuvewu veenumbuaa: ”Aleluya! Ikiṛwa na unini na finya mfa Iṛuva weru. 2Fulya yumisia lyamwi llya dede na lya usumani. Amu amuumisia nka ulya nnini mwaaisi andekasheesa isanga na waaisi lwamwi, kataa usao lwa maketi amwi lua andelwirita na uko lwamwi. 3Vakanumbua lingi lya kavili: Aleluya! Na musu wa imuṛo lyayo wafumbia na ule miṛeṛe na miṛeṛe“. 4Na vasuṛi valya makumi avili na vaani na makindo alya aani vakawa na si veeindiaa Iṛuva akee rembo kifumbiń kya miitoṛio veenumbuaa: Amen! Aleluya! 5Na ununga lukauka kifumbiń kya miitoṛio lwinumbuaa: Itikiseń Iṛuva weru ini maketi amwi woose ini mumweṛee mukee vanini ana mukee vannya.
6Nań naita ununga sha ununga lwa isyamu iingi na sha iṛuṛuma lya mira miingi na sha kiṛuṛumu kya ukova luwore finya lwinumbuaa: ”Aleluya! Amu Nndumi Iṛuva weru muni finya awwara witoṛo. 7Tikyese na ikaba mindoṛo tiinniingaa tikisi yamwi! Fulya wali lwa ngarina ilya lwamfika. Sangya yayo ammaa ikusongosia. 8Nae aniingwa muumu aṛaa miseto myeelwa ivaramaa“. Amu miseto yo myeelwa nkimwi na mitanie ya usumani ya vasongori. 9Na malaika ulya kashiia: Tisiṛa: Vva ngoma valya vawaangio imutu lya wali lwa ngarina ilya. Kashiia: Firero fi mfirero fa Iṛuva fa dede. 10Nań nawa marendeń amwi, amu mmwindie. Kashiia: Manya kutatane kuro! Niń nkee mwelekia wafo na wa vanavamae vafo vakee varambua va Yesu. Ulya kyawara kumwindie ni Iṛuva. Amu irambua Yesu ni iirikia Mumuyo wa wauya.
11Numa nalolia iṛuvewu liruukie. Nalolia farasi sheelwa, na ulya aikaaye avaangwaa Nsongori na wa udede, amu aletaa myaandu na ikaba fira na usumani. 12Miso amwi akee sha kibalabala kya muro, na ifo nrweń wamwi awore ngyuṛeto shiingi ta kimangi. Nae awore irina likee itisiṛe ateefo nndu aliishi kita ye muni. 13Nae ni vvike isaṛa lindeolotwa usaoń na irina lyamwi avaangwaa: Kirero kya Iṛuva. 14Na isyamu lya ifo iṛuvewu likallatia lyaṛukie farasi sheelwa na ivikwa miseto myeelwa ivaramaa. 15Na shombo shooi ikauka kaniń kamwi akabe nayo vandu va isanga. Nae avaisaa na mbiiri ya minya. Nae yye akee ivaria-varia ikamioń lya mfinyo wa uvaave lwa ituṛuka lya Iṛuva muni finya. 16Nae awore irina itisiṛe nsetoń wamwi ifo kisiń kyamwi. Nalyo llyo ifi: Mangi wa mamangi na Nndumi wa mawomi.
17Numa nalolia malaika umwi aselele kari ka saa ii ivele. Kavaanga na ununga unini ndee toose tikee irambuka kwa si ya iṛuvewu: Oṛeshoń musangie imutuń inini lya Iṛuva. 18Mushelya nyama ta mivili ya mamangi na nyama ta mivili ya mashaamba na nyama ta mivili ya vafinya na ta mivili ya farasi na ya valya vatikaaye na nyama ta masembo na vatakee masembo na ya vannya na ya vanini. 19Numa nalolia ifisi lia na mamangi a isanga na matoroto awo vankwania ikaba fira na ito akaaye farasi ilya na matoroto amwi. 20Na ifisi lia likawarwa andu emwi na mwauya ulya wa wongo ulya andetana maṛiikiso alya kisanguń kyayo, amu wwo andekaba nawo vandu nrwe valya vandewaria kiringisio kya ifisi lia na iindia fwana yayo. Iwo vali vavili vakakumbwa veefo na muu iruveń lia lya muro ukee yaka wa kibalabala. 21Na valya vandesaa vakawalwa na shombo ya ulya eekayee farasi, nshombo ilya yukie kaniń kamwi. Na ndee toose tikawuura nyama tawo.
Currently Selected:
Urambuyo lwa Yohane 19: RWK72
Highlight
Copy
Compare
Share
Want to have your highlights saved across all your devices? Sign up or sign in
New Testament in Kimeru-Tanzania © British and Foreign Bible Society and Bible Society of Tanzania, 1954,1967,1972.
