Urambuyo lwa Yohane 16
16
1Naita ununga unini luuka numba ya Iṛuva lwiiaa vamalaika valya mfungare: Endeń mukandeleta faasho filya mfungare fa ituṛuka lya Iṛuva isangeń. 2Ito wa mbele kaenda kaleta kyaasho kyamwi isangeń. Akava-fo maure makasha akee maboru akawara vandu valya veeworee kiringisio kya ifisi lia na valya veekee iindia fwana yayo.
3Na ito wa kavili kaleta kyaasho kyamwi nruveń. Nayo ikava usao sha usao lwa nnyińa wa nndu, na findo foose fiiworee muu ifo nruveń fikafwa.
4Na ito wa kararu kaleta kyaasho kyamwi mireń na sookweń ta mira. Nafo fikava usao. 5Nań naita malaika ulya wa mira eereraa: Iwe kukee nsumani, kwifo, nawe kwiifoo, Nsongori, ili kwamuumisia kuri. 6Fulya vairita usao lwa vasongori na lwa vaauya, nawe kwavaniinga usao valunwe. Nawo kyavawara kuro. 7Naita kiraa kyo kya Nndumi kiireraa: Ee Nndumi Iṛuva muni finya, uumisio lwafo llwa usumani na lwa udede.
8Na ito wa kaani kaleta kyaasho kyamwi saań ii ivele. Nayo ikaniingwa finya ya ikoṛa vandu na muro. 9Vandu vakakoṛwa na yokywa inini, nawo vakaruma irina lya Iṛuva awore miitoṛio ya mikabie yo. Ana nta vandeilashika vamwindie ndi.
10Na ito wa karaanu kaleta kyaasho kyamwi kifumbiń kya ifisi lia, umangi lwayo lukava llema. Na vandu vakarafuna ngyulumi tawo kiimba kya mavavio. 11Vakaruma Iṛuva wa iṛuvewu kiimba kya mavavio awo na kiimba kya maure awo, ana nta ikurra kya mitanie yawo. 12Na ito wa karindaru kaleta kyaasho kyamwi ifo mureń ulya nnini wa Eufurati. Mura wayo ukaumia, amu shia ya mamangi alya aukaa taari ya ngama isongosio. 13Nań nalolia mimuyo iraru mikasha ivakani na filwa iisomukaa kaniń ka shoka ilya na kaniń ka ifisi lia na kaniń ka mwauya fisuku ulya wa wongo. 14Iyo yyo mimuyo ya masatana ikee itana myorusie. Nayo ikalatia mamangi a isanga lyoose ivasańiṛie fira ya nkonu ulya nnini wa Iṛuva muni finya tooose. 15”Lla te nshaa sha inini, Wwa ngoma ulya alalaa rembo na illa masaṛa amwi ataende kya ruu kumande vandu valolia usutu lwamwi.“ 16Nayo ikavasańiṛia andu avaangwaa kiebrania Arimagedon.
17Na ito wa mfungare kaleta kyaasho kyamwi ifo ringewu. Lukasomuka ununga unini ifo numbeń ya Iṛuva luukie kifumbiń kilya kya unini lwinumbuaa: Kyammaa iva. 18Kukava na fimuli na fiṛuṛumu na ngova. Likava-fo na irerema inini lya isanga kitaare lindelolio kuuka kyeeri vandu vavva-fo isangeń. Lyawe-fo mikae yo sheeli lindeva-fo irerema inini kuro ndi. 19Na muṛi ulya nnini ukakwavanisa feenga firaru na miri ya vaya vaṛumu ikaburuka. Na muṛi ulya nnini wa Babeli ukakumbulwa mbele ya Iṛuva, amu aurite mfinyo wishule uumisio na ituṛuka lyamwi. 20Fisanga fa nruveń foose fikareka ana ngyuro nta tikilolika lingi. 21Na masaawe ańini sha ńunde ya nndu akauka iṛuvewu akaolokia vandu. Na vandu vakaruma Iṛuva kiimba kya ikabwa mmasaawe alya. Amu ikaba lyayo ni inini nnu deń.
Currently Selected:
Urambuyo lwa Yohane 16: RWK72
Highlight
Copy
Compare
Share
Want to have your highlights saved across all your devices? Sign up or sign in
New Testament in Kimeru-Tanzania © British and Foreign Bible Society and Bible Society of Tanzania, 1954,1967,1972.
