Urambuyo lwa Yohane 15
15
1Numa nalolia myorusie ingi ifo iṛuvewu ikee minini na ya maṛiikiso. Vvamalaika mfungare veeriee mikabie ilya mfungare ya ifurumia, amu ituṛuka lya Iṛuva lyamaawukia nayo. 2Lingi nalolia kindo kivakani na nruva ya kilola isaangi-saangi na muro. Nalolia na valya vandevinga ifisi lia na fwana yayo na itaala lya irina lyayo vaselele mbaai ya nruva yo ya kilola vawore filimbi fa ikabia Iṛuva ngyufina. 3Nawo vakaimba ufina lwa Mose eekee iketi lya Iṛuva na ufina lwa ngarina ii veenumbuaa: ”Mminini na ya maṛiikiso mitanie yafo, ee Nndumi Iṛuva muni finya toose! Shia tafo n ta usumani na ta dede, ee Mangi ya va masanga. 4Ni i atakweṛeaa, ee Nndumi, ana ni i ataitikisaa irina lyafo? Amu iwe ku muni kukee Nsongori. Amu va masanga woose vashaa na ikuwoya iwe kisanguń kyafo. Fulya usumani lwafo lwammaa irambuka“.
5Na numa ya ifo nalolia numba ya Iṛuva iiruukaa, ikee yema lia lya mirambuye ifo iṛuvewu. 6Na vamalaika valya mfungare veeriee mikabie ilya mfungare vakasomuka kulya numba ya Iṛuva veeṛee miseto myeelwa ivaramie na mbafuń tawo veefingioo na fitati fa saabu. 7Na limwi lya makindo alya aani likaniingia vamalaika valya mfungare faasho mfungare fa saabu frishule ituṛuka lya Iṛuva akee na muu miṛeṛe na miṛeṛe. 8Nayo numba ya Iṛuva ikaishuṛwa musu uukie uniniń lwa Iṛuva na imakii lyamwi. Ana nndu andemakii yaka numba yo ndi, kumande makabwa alya mfungare a vamalaika valya mfungare amarisikaa.
Currently Selected:
Urambuyo lwa Yohane 15: RWK72
Highlight
Copy
Compare
Share
Want to have your highlights saved across all your devices? Sign up or sign in
New Testament in Kimeru-Tanzania © British and Foreign Bible Society and Bible Society of Tanzania, 1954,1967,1972.
