Urambuyo lwa Yohane 12
12
1Na myorusie minini ikalolika iṛuvewu: Ni nndu nka eekee vvike saa ii ivele, na mwiri wikee kwa si ya marende amwi, na nrweń wamwi lwikee uṛeto lwa ngyinyiri ikumi na ivili. 2Nae eekufingiee kaiya kiimba kya ngatara na mavavio a iira mwana. 3Ikalolika myorusie ingi iṛuvewu: Nkindo sha shoka nini itondoṛie. Iiworee mirwe mfungare na mbembe ikumi. Na mirweń yayo iiworee mbundu mfungare ta kimangi. 4Na nkia wayo wikee isuṛua kyeenga kya nyinyiri ta iṛuvewu na itituula isangeń. Na shoka ilya ikasalala mbele ya nka ulya ammaa ikudeeṛia iira, amu ili amiira imiṛe mwana wamwi. 5Nae kaira mwana wa womi. Nae aisaa vaya vaṛumu woose na mbiiri ya minya. Na mwana ulya kaimbolo karawa kwa Iṛuva na kifumbiń kyamwi kya unini. 6Na nka ulya karishia bateń akee andu eensongosioo ni Iṛuva, amu vallelie-fo kyeeri kya mikonu kiku kimwi na mayana avili na makumi arindaru.
7Yave fira kulya iṛuvewu: Mikaeli na vamalaika vamwi vakakabana na shoka ilya. Na shoka nayo andu emwi na vamalaika vayo vakakabana nawo. 8Nawo nta imakii, ana andu awo a ikaa iṛuvewu akilolika ndi. 9Na ishoka lyo inini likakumbwa isangeń, ni ishoka lia ikuu livaangwaa nretai na Satana. Llyo llembi wa isanga lyoose. Kakumbwa isangeń, na vamalaika vamwi vakakumbwa andu emwi nae. 10Naita ununga unini ifo iṛuvewu lwireraa: ”Alli ikiṛwa lyallolika na unini na umangi lwavva lwa Iṛuva weru, na finya yoose yya Kristo wamwi. Fulya ndiingi ulya wa vanavamae veru ankumbwa isangeń ulya andevaṛiinga mbele ya Iṛuva weru kio na nsanyiń. 11Nawo vammuvinga kwa finya ya usao lwa ngarina ii na kwa finya ya kirero kya mirambuye yawo. Nawo nta vakunda muu wawo kumande ufuń ndi. 12Kwa ikyo fura iwe iṛuvewu na akwaa ini mwifo. Ushi isanga li na nruva, fulya kituva kyo kyamoolokia kwanu na tuṛuka nini, amu eeshi sheeli mikonu yamwi mmiingi ndi“.
13Ili shoka ilya indelolia sheeli yankumbwa isangeń, ikalatia nka ulya andeira mwana ulya wa womi. 14Na nka ulya kaniingwa maaro alya avili a ngoru ilya nini, amu arumbuke aende bateń kumande andu amwi io alelio myaka iraru na kyeenga eekaa kwaasha na shoka yo. 15Na shoka ilya ikareekia nka to usookwa sha iṛiko kaniń kayo, amu aeetwa mmawala a iṛiko lia. 16Kake isanga likaelekia nka ulya. Isanga likataṛambua kana kayo likamiṛa mawala alya shoka ilya indesomuta kaniń kayo. 17Shoka ikatuṛukia nka ulya ikaenda iimboo fira ya ikaba vafwari vamwi veesaiyee valya vaindia mavavaso a Iṛuva na irambua Yesu. Numa nasalala mbaai ya nruva.
Currently Selected:
Urambuyo lwa Yohane 12: RWK72
Highlight
Copy
Compare
Share
Want to have your highlights saved across all your devices? Sign up or sign in
New Testament in Kimeru-Tanzania © British and Foreign Bible Society and Bible Society of Tanzania, 1954,1967,1972.
