Popular Bible Verses from Urambuyo lwa Yohane 12

Share

Nawo vammuvinga kwa finya ya usao lwa ngarina ii na kwa finya ya kirero kya mirambuye yawo. Nawo nta vakunda muu wawo kumande ufuń ndi.

Naita ununga unini ifo iṛuvewu lwireraa: ”Alli ikiṛwa lyallolika na unini na umangi lwavva lwa Iṛuva weru, na finya yoose yya Kristo wamwi. Fulya ndiingi ulya wa vanavamae veru ankumbwa isangeń ulya andevaṛiinga mbele ya Iṛuva weru kio na nsanyiń.

Na ishoka lyo inini likakumbwa isangeń, ni ishoka lia ikuu livaangwaa nretai na Satana. Llyo llembi wa isanga lyoose. Kakumbwa isangeń, na vamalaika vamwi vakakumbwa andu emwi nae.

Kwa ikyo fura iwe iṛuvewu na akwaa ini mwifo. Ushi isanga li na nruva, fulya kituva kyo kyamoolokia kwanu na tuṛuka nini, amu eeshi sheeli mikonu yamwi mmiingi ndi“.

Yave fira kulya iṛuvewu: Mikaeli na vamalaika vamwi vakakabana na shoka ilya. Na shoka nayo andu emwi na vamalaika vayo vakakabana nawo.

Shoka ikatuṛukia nka ulya ikaenda iimboo fira ya ikaba vafwari vamwi veesaiyee valya vaindia mavavaso a Iṛuva na irambua Yesu. Numa nasalala mbaai ya nruva.

Na myorusie minini ikalolika iṛuvewu: Ni nndu nka eekee vvike saa ii ivele, na mwiri wikee kwa si ya marende amwi, na nrweń wamwi lwikee uṛeto lwa ngyinyiri ikumi na ivili. Nae eekufingiee kaiya kiimba kya ngatara na mavavio a iira mwana.

Nae kaira mwana wa womi. Nae aisaa vaya vaṛumu woose na mbiiri ya minya. Na mwana ulya kaimbolo karawa kwa Iṛuva na kifumbiń kyamwi kya unini. Na nka ulya karishia bateń akee andu eensongosioo ni Iṛuva, amu vallelie-fo kyeeri kya mikonu kiku kimwi na mayana avili na makumi arindaru.

Ikalolika myorusie ingi iṛuvewu: Nkindo sha shoka nini itondoṛie. Iiworee mirwe mfungare na mbembe ikumi. Na mirweń yayo iiworee mbundu mfungare ta kimangi. Na nkia wayo wikee isuṛua kyeenga kya nyinyiri ta iṛuvewu na itituula isangeń. Na shoka ilya ikasalala mbele ya nka ulya ammaa ikudeeṛia iira, amu ili amiira imiṛe mwana wamwi.

Na nka ulya kaniingwa maaro alya avili a ngoru ilya nini, amu arumbuke aende bateń kumande andu amwi io alelio myaka iraru na kyeenga eekaa kwaasha na shoka yo. Na shoka ilya ikareekia nka to usookwa sha iṛiko kaniń kayo, amu aeetwa mmawala a iṛiko lia. Kake isanga likaelekia nka ulya. Isanga likataṛambua kana kayo likamiṛa mawala alya shoka ilya indesomuta kaniń kayo.