Urambuyo lwa Yohane 10
10
1Numa nalolia malaika ungi awore finya eeolokaa iṛuvewu awikwa iṛumbe, na ukova lwa fua lwikee nrweń wamwi, na kisangu kyamwi kikee sha saa na marende amwi nsha ngo ta muro. 2Na ukoń lwamwi eeworee kitabu kinnya kirue. Karwaa urende lwamwi usha kwa ule ya nruva na urende lwamwi umbuyo kwa ule ya isanga. 3Nae kaṛoṛongya na ununga unini sha lwa miiso iidinaa. Kamaa iṛoṛongya fiṛuṛumu filya mfungare fikarera ngyununga tayo. 4Neeli fiṛuṛumu filya mfungare findemaa irera ngyununga tayo, neemmaa ikudeeṛia ikitisiṛa. Nań naita ununga kuuka iṛuvewu lwishiiaa: Firwaye kiringisio firero fo farerwa mfiṛuṛumu fo mfungare, manya kutafitisiṛe. 5Na malaika ulya nndelolia aselele kwa ule ya nruva na kwa ule ya isanga kaimboo uko lwamwi usha eeseṛeesaa na iṛuvewu. 6Kalya ikite na ito eefo na muu miṛeṛe na miṛeṛe, ito atanie iṛuvewu na findo foose fiifo na isanga na findo fiifo na nruva na findo fiifo eenumbuaa: Nta ukivaa-fo mwaanya lingi ndi. 7Kake mikonu ilya ili ununga lwa malaika ulya wa mfungare lureraa ulya akee ikusongosia ikaba wembe, llyo na kiṛisi kilya kya Iṛuva kyawukiaa, sheeli andekikwanisia vaauya valya vakee maketi amwi, sheeli kikee nrumi shisha ya ifura.
8Na ununga lua nndelwita luuka iṛuvewu lukarera nań lingi lya kavili lwinumbuaa: Enda kuware kitabu kilya kikee kirue ukoń lwa malaika ulya aselele kwa ule ya nruva na isanga. 9Nań nalatia malaika ulya nantereva ashiniinge kitabu kilya kinnya. Kashiia: Ngye kukilye. Nakyo kikuvavisaa ndewuń yafo, kake kaniń kafo kiloraa sha uki. 10Neemboo kitabu kilya kinnya ukoń lwa malaika ulya nakilya, nakyo kikalora sha uki kaniń kakwa. Neeli nndemaa ikilya, ndewu yakwa ikashilya. 11Nań naio̱: Kikuwaraa irambua wauya lingi kya vandu veengi na ngyufwari na mirerie na mamangi meengi.
Currently Selected:
Urambuyo lwa Yohane 10: RWK72
Highlight
Copy
Compare
Share
Want to have your highlights saved across all your devices? Sign up or sign in
New Testament in Kimeru-Tanzania © British and Foreign Bible Society and Bible Society of Tanzania, 1954,1967,1972.
