Barua ya Vaebrania 6
6
1Kiimba kya ikyo nkyo kiteveto tikatia ilosha miloshie ya Kristo ya mbele, teengeṛie imulosha filya fa yawutia. Manya titakirwaa-fo lingi mfulo wa kavili tiimuloshaa sheeli: Ilashikeń mutie-wo mitanie ilya innde ufu na ya iva na ikusura Iṛuva 2na ya miloshie ya ubatiso na ya yekeṛia maako na ya iṛutwa kwa vafu na ya uumisio lwa miṛeṛe. 3Na ifi titanaa, ili Iṛuva atielekiaa. 4Amu iwo vammaa iniingwa langa na ikomba miniingie yukie iṛuvewu na yavio̱ Mumuyo Nsongori 5vakakomba kirero kinuru kya Iṛuva na finya tilya ta mikonu ishaa, 6kwakooya iwo vauka siṛiń, kyalema ivaaṛua vave vaiya lya kavili. Amu vakee vandu vawwiiṛa Mwana wa Iṛuva nsalabeń lya kavili andu emwi na imweetia baa. 7Amu nrema likannwa fua ikee iikaba keengi, imirisaa filimu fa yelekia valya vakee irema iimiriswaa ni Iṛuva. 8Kake kwakooya imirisaa miinga na masinde, yankashaa nkufui na idengwa na ifurumia mmuro wa ikoṛa.
9Kake ini vakunde, na akwaa tarera kuro, kiimba kyanu tankusura sheeli fisha filya fitiniingaa ikiṛwa mufiwore. 10Amu Iṛuva mmurekio̱ arekio̱ mitanie yanu na ikunda lyanu mundeṛundia nalyo irina lyamwi mwiṛundiaa vasongori kuuka mbooko na alli ndi. 11Kake tifurie nnu, oo umwi wanu akutomarise kuro da, amu amakii iwara iverea lyeru lyoose kumande ifurumia. 12Manya mutave varoko, kake latień valya vakee vayadiṅu ya firekio fo vafikusurie na isisiria.
13Amu ili Iṛuva anderwaya Abraamu kirekio, akuliya ikite ye muni, fulya andetuṛa wa illiya akee nini kita ye. 14Kanumbua: ”Nkuniingaa mboṛa dede, nkwaṛuaa kuve ufwari unini“. 15Neeli Abraamu andesisiria, kalolia kirekio kilya kyaawukia. 16Amu ili vandu valyee ikite, valiyaa ulya akee nnini kita wo, na ikite likava mmando kwa valya woose vakee ivingana na iniinga kirero kilya finya. 17Na Iṛuva nae ili andekunda nnu yorusa valya vakee vayadiṅu ya kirekio kilya sheeli filya afikundie ye fiilashikaa kutu ndi, kalya ikite. 18Kakunda ifo fili fivili fiteelashike kutu, amu kivaa Iṛuva arere wongo ndi, naamu fitiniinge iwoliswa lyoore finya ise tinderishia iwara iverea lyeru teemfisio̱o̱. 19Iverea lyo tikee ifiwara live kindo kitiwore nrimiń kitatuṛie finya. Ikyo nkyo kikee yaaka ifo kari kakee numa ya isulia lia inini. 20Ifo mfo Yesu andeakia atiṛuye shia, nae ni ndongori weru kava nkohani nnini wa miṛeṛe wa mikae ya Melikisedeki.
Currently Selected:
Barua ya Vaebrania 6: RWK72
Highlight
Copy
Compare
Share
Want to have your highlights saved across all your devices? Sign up or sign in
New Testament in Kimeru-Tanzania © British and Foreign Bible Society and Bible Society of Tanzania, 1954,1967,1972.
